সোসিয়েল জস্তিস অমসুং ইম্পৱারমেন্তগী য়ুনিয়ন মিনিস্তর থাৱরচান্দ গেহলোত অমসুং ত্রাইবেল এফেয়ার্সকী য়ুনিয়ন মিনিস্তর অর্জুন মুন্দানা ঙসি রাঞ্চীগী খিজরিদা লৈবা নামকুম ব্লোক মনুংদা হকচাংগী ফিবম চাদ্রবশিং ত্রেনিং পীনবা, খুন্দা-লৈতাহন্নবা অমসুং থবক পীনবা কম্পোজিৎ রিজনেল সেন্তর হাংদোকখ্রে। ভিদিও কনফরেন্সকী খুৎথাংদা থাৱরচন্দ গেলোতনা সেন্তর অদু হাংদোকপা মতমদা রাঞ্চীগী থৌরম মফমদা অর্জুন মুন্দা শরুক য়াখি। সেন্তর হাংদোকপা থৌরম অদুদা রাঞ্চীগী এম.পি সঞ্জয় সেথ, রাঞ্চী, খিজরিগী এম.এল.এ রাজেস কছাপ শরুক য়াখি ।

থৌরম অদুদা গেহলোতনা হায়খি রাঞ্চীদা হাংদোকলিবা ২১সুবা কম্পোজিৎ রিজনেল সেন্তর অসিনা ঝারখন্দা লৈবা হকচাংগী ফিবম চাদ্রবশিংগী দরকার ওইবশিং ফংহনবা ঙমলগনি। কম্পোজিৎ রিজনেল সেন্তর রাঞ্চীগী মমাংদা হাংদোকখিবা সেন্তরশিংনা হৌজিক হকচাংগী ফিবম চাদ্রবশিংদা ত্রেনিং পীনবা, খুন্দা-লৈতাহন্নবা অমসুং থবক ফংহন্নবা থবক কয়া পায়খৎলি। রাজ্য খুদিংমক্তা কম্পোজিৎ রিজনেল সেন্তর অমমম লিংখৎনবা পান্দম থমলি। প্রধান মন্ত্রী নরেন্দ্র মোদীগী লমজিং মখাদা মহাক্কী মিনিস্ত্রীনা পুৱারী ওইরবা মাইপাকপা কয়া পাংথোক্লে অমসুং লৈবাক অসিগী দিব্যাংজনশিংগী য়াইফনবা সরকার অসিনা থবক মপুংফানা পায়খৎলে।

কম্পোজিৎ রিজনেল সেন্তর, রাঞ্চী শানবা লম একর ২.৫ পীবগীদমক মহাক্না ঝারখান্দ সরকার থাগৎখি। রাঞ্চীগী সেন্তর অসিনা কাংলুপ ২১গী দিব্যাংজনশিং সেবা তৌবা ঙমলগনি। দিব্যাংজনশিং য়াইফনবা মহাক্কী মিনিস্ত্রিনা মরুওইবা থবক কয়া পায়খৎলে। হৌজিক ফাওবদা এ.দি.আই.পি কেম্পস ৯১৪৭ পাংথোকখ্রে অমসুং দিব্যাংজন লাখ ১৭দা লুপা ক্রোর ১১০০গী খুৎলায়শিং য়েন্থোকখ্রে অমসুং মরুওইবা হায়রিবা কেম্পশিং অসিনা জিনেস বুক ওফ ৱাল্দ রেকোর্দ ১০ থমখি।

মহাক্না হায়খি লৈবাক শীনবা থুংনা চৎনগদবা দিব্যাংজনশিংগী শক্তাকচে শানবা ঝারখান্দগী মীয়াম পুক্নিং থৌগৎনবা ঝারখান্দগী সরকারনা হোৎনগদবনি। হৌজিক ফাওবদা সরকারনা আই দি কার্দ লাখ ৩৪ হেন্না শাখ্রে। দিব্যাংজনশিংনা রেজৱেজ স্তেসনশিং, বস স্তেন্দশিং, এয়রপোর্তশিং অমসুং মীয়ামগী মরুওইবা মফমশিং ইরাই লাইনা য়ৌবা ঙম্নবা লৈবাক শীনবা থুনং এসেসিবল ইন্দিয়া কেম্পেন পাংথোকলি।

গোলোতনা হায়খি দিব্যাংজন শানরোইশিং য়োকখৎনবা লৈবাক শীনবা থুংনা দিব্যাংজন খেল কেন্দ্র ৫ লিংখৎনবা মহাক্কী মিনিস্ত্রিনা ৱারেপ লৌরে । দিব্যাংজনশিংদা ত্রেনিং অমসুং লোনসু পীরি। চাদা ৮০ হেন্না হকচাংগী ফিবম চাদ্রবশিংদা ইঞ্জিন পানবা ত্রাইসাইকলশিং পীরে। ফজনা তাবা ঙমদ্রবা দিব্যাংজনশিংগীদমক ৱাহৈ ৬০০০ হেন্নবা য়াওবা সাইন লেঙ্গোইজ দিক্সনারী অমা পুথোক্লে। দিব্যাংজন মহৈরোইশিংনা অৱাবা লৈতনা লাইরিক মখা তম্বা য়ানবা স্কোলারসিপশিং য়াওনা শেন্থং পীরি।

অর্জুন মুন্দানা হায়খি রাঞ্চীগী সেন্তর অসিনা ঝারখান্দা দিব্যাংজনশিং হিরম খুদিংমক্তা ফিবম ফগৎহল্লগনি । মসিনা রাজ্য অসিদা দিব্যাংজনশিংগী য়াইফনা থবকশিং পায়খৎপদা মসিনা মতেং পাংগনি । রাঞ্চীদা সেন্তর অসি লিংখৎপগীদমক মহাক্না সোসিয়েল জজতিস অমসুং ইমপ্বারমেন্ত মিনিস্ত্রি থাগৎখি ।

হৌদোকপা থৌরম অদুদা রাঞ্চীগী এম.পি সঞ্জয় সেথ, রাঞ্চী, খিজরিগী এম.এল.এ রাজেস কছাপ অমসুং দি.ই.পি.দবল্যু.দি.গী জোইন্ত সেক্রেতরী, দোক্তর প্রবোধ সেথ ৱা ঙাংখি ।

*****