খাদি এন্দ ভিলেজ ইন্দস্ত্রীজ কম্মিসন (কে. ভি. আই. সি.)না লৈবাকসিদা চাউনা এমপ্লোইমেন্ত পীবা ঙমগদবা শরুক অমা ওইরিবা নীরা অমদি পাল্মগুর পুথোক্নবগী তোপ তোপ্পা প্রোজেক্ত অমা পায়খৎখ্রে‍। আদিবাসিশিং অমদি ত্রেদিস্নেল ত্রেপ্পরশিংগীদমক মশানা মশাবু থবক পীজনবগী খুদোংচাবা শেমগৎপগা ইরোয়ননা সোফ দ্রিঙ্ককী মহুৎ ওইনা নীরাবু য়োকখৎনবা প্রোজেক্ত অদু পাল্ম (থাংতুপ) পাম্বী লাখ ৫০ হেন্না হৌরিবা স্তেত, মহারাস্ত্রগী পালঘর দিস্ত্রিক্তকী দহানুদা লৈবাকপোকপা নুমিত্তা হৌদোকখ্রে‍।

কে. ভি. আই. সি.না নুমিৎ ৭নি ত্রেনিং পীখ্রবা লমদমদুগী খুৎশা হৈবা মীওই ২০০দা কে. বি. আই. সি.না নীরা লৌথোক্নবা অমদি পাল্মগুর শেম্নবা খুৎশু খুৎলায় য়েন্থোকখ্রে‍। লুপা ১৫,০০০গী মমল ওইগদবা খুৎশু খুৎলায়শিং অদুদা ফুদ গ্রেদ স্তেনলেস স্তীল খাং, হুত্তোক্লবা শঞ্চা, কেন্তীন বর্নরশিং অমদি নীরা লৌথোক্নবা থাঙ, থৌরী অমদি শীংজঙনচিংবা অতৈ খুৎলায়শিংনি‍। থৌরাং অসিনা লমদমদুগী ত্রেদিসনেল ত্রেপ্পর ৪০০দা হকথেংননা থবক পীবা ঙমগনি‍।

নুমিৎ থোক্ত্রিঙৈদা থাংতুপ পাম্বীদগী লৌথোকপা নীরা অসি ভারতকী স্তেত কয়াদা থক্নবা মচী ওইবা মচাক মরাঙ কায়না য়াওবা মহী অমনি। অদুম ওইনমক ইনস্তিত্যুসনেলাইজ মার্কেত তেক্নিক ৱাৎপনা মরম ওইরগা করবার ওইনা পুথোক্তুনা নীরাবু অচৌবা থাক্তা য়োনবগী থৌরাং হৌজিকফাওবা হৌদ্রি‍। প্রোজেক্ত অদু নীরাবু কান্নবা করবার ওইনা সোফ দ্রিঙ্ক ওইনা শীজিন্নবা হৌননবগীদমক অচৌবা কম্পেনী খরা পুশিনবা য়াবগী ফীভমসু নৈনরিবা কেন্দ্রগী এম. এস. এম. ই. মন্ত্রী শ্রী নিতিন গারকরিগী থৌশিল মখাদা হৌদোকখিবনি‍।

লৈবাক শিনবা থুংবদা থাংতুপ পাম্বী চাউরাক্না করোর ১০রোম হৌরি‍। নীংথিনা মার্কেত তৌরবদি নীরাদগী কেন্দী, শঙ্গোম চোকোলেত, পাল্ম কোলা, আইস-ক্রিম অমদি ত্রেদিসনেল মীথাইগুম্বা মখল কয়াগী পোত্থোকশিং পুথোকপা য়াই‍। হৌজিক্কী ওইনা লুপা করোর ৫০০ রোমগী পাল্মগুর নীরা লৈবাকসিদা লল্লোন ইতিক তৌনরি‍। নীরা লল্লোন ইতিক্কী থাক্তা পুথোরকপদা তর্নওভর অসি হেনগৎলকপসু য়ারি‍।

কে. ভি. আই. সি.না নীরা অমদি পাল্মগুর (জেগ্গরী) পুথোকপগী দিতেল প্রোজেক্ত রিপোর্ত অমা শেম্লে‍। নীরা নম্বা (ফর্মেন্তেসন) লেপহন্নবা কন্ত্রোল তৌবা ফীভমদা মওং মরিল নাইনা নীরা খোমজিনবা, প্রোসেস তৌবা অমদি পেকিং তৌনবা ৱাফম হৌদোক্লি‍। প্রোসেস তৌরবা নীরা অসি কোল্দ চেনগী খুত্থাঙদা বি২সি সপ্প্লাই চেনদা য়ৌহন্নবা পান্দম থম্লি‍।

“য়ুবী মহীগুম্না কৈথেলদা ফংবা সোফ দ্রিঙ্ককী মহুৎ শিনবা পোৎশক অমা ওইনা নীরাবু য়োকখৎনবা থবক ঐখোয়না পায়খৎলি‍। নীরা অসি ওর্গানিক ওইবা মচি ওইবা মচাক মরাঙ কায়না য়াওবা মরম্না মপুং ফারবা হেল্থ দ্রিঙ্ক অম ওইরি‍। নীরা পুথোকবা অমদি য়োনবগী চাং হেনগৎহন্দুনা ঐখোয়না মসিবু ভারতকী খুঙ্গঙগী ইন্দস্ত্রীগী মরু ওইবা য়ুম্বী অমা ওইনা শেমগৎনবা হোৎনরি‍,” হায়না খুৎহৈবশিংদা খুৎশু খুৎলায় য়েন্থোকপগী থৌরমদুদা ভিদিও কন্ফরেন্সিংগী খুত্থাঙদা কে. ভি. আই. সি. চেয়রমেন শ্রী ভিনাই সক্সেনানা হায়খি‍।

শ্রী সক্সেনানা হায়খিবদা নীরা পুথোকপা অসি য়োনবা অমদি মশানা মশাবু থবক পীজবগী খুদোংচাবা শেমগৎপগী চাউরবা ওইথোকপা লৈ‍। “পাল্ম ইন্দস্ত্রী অসি ভারত্তা চাউনা থবক পীবা ঙম্বা শরুক অমা ওইবা ঙমগনি‍। মসি প্রধান মন্ত্রীগী ইরোমদোম লেপচবা অমদি ইরমদমগীদমক খোঞ্জে থোকহনবগী ৱাফমদুগী পরীংদা চৎলি‍,” হায়না সক্সেনানা ফোঙদোকখি‍।

অমরোমদসু নীরা অসি শ্রীলঙ্কা, আফ্রিকা, মলেসিয়া, ইন্দোনেসিয়া, থাইলেন্দ অমসুং ম্যান্মারগুম্বা লৈবাকশিংদা চানবা মরম্না মপান্দা চাউনা থাদোকপগী ওইথোকপা লৈ‍। ভারতপু মালেমগী ওইনা মাঙজিল থানা নীরা পুথোকবা লৈবাক অমা ওইহনবা ঙমবা মওংদা মহারাস্ত্র, গুজরাত, গোৱা, দামন এন্দ দিউ, দাদ্রা এন্দ নগর হবেলি, তমিল নাদু, উত্তর প্রদেশ অমদি বিহারগুম্বা স্তেতশিংদা ভারতকী ওইনা থাঙতুপ লৌফম মরাঙ কায়না লৈরি‍।

*****