জল শক্তি মন্ত্রালয়
কেন্দ্র মন্ত্রী শ্রী সেখাৱৎনা কর্নতকাগী মুখ্য মন্ত্রীদা রাজ্য অদুদা জল জীবন মিশনগী থবক পাংথোকহন্নবা চে ইখ্রে
Posted On:
15 JUN 2020 6:15PM by PIB Imphal
জল শক্তিগী কেন্দ্র মন্ত্রীনা কর্নতকাগী মুখ্য মন্ত্রীদা রাজ্য অদুদা জল জীবন মিশন (জে.জে.এম.)গী থবক পাংথোকহন্ননবগা মরি লৈননা চে ইবা মতমদা কোবিদ-১৯গী অরুবা ফীভম্বু নিংথিজনা লাকশিনবগীদমক নুংঙাইবা ফোংদোক্লম্মী। জল জীবন মিশনগী মন্ত্রালয়না লৈবাক অসিদা ২০২৪ ফাওবদা খুঙ্গংগী য়ুম-য়ুম খুদিংদা মী খুদিংগী থক্নবা ঈশিং লিতর ৫৫ ফংহনগদবা প্রধান মন্ত্রীগী অথোইবা থৌরাং জল জীবন মিসন অসিগী থবক পাংথোকহন্নবা রোদ-মেপ অমা শেম্ননবগী রাজ্যশিংগা থবক তৌমিন্নরি। জে.জে.এম.না মরু ওইনা নুপী অমসুং নুপীমচাশিংদা হৈনিংদবা হন্থহন্দুনা খুঙ্গংগী পুন্সি মহিং অসিবু ফগৎহন্নবা পান্দম থম্লি।
২০২২-২৩ ফাওবদা কর্নতকানা য়ুমশিং চাদা চামা থুংহন্নবা থৌরাং তৌরকপা অসিগীদমক কেন্দ্র মন্ত্রীনা মুখ্য মন্ত্রীবু তাগৎখি অমসুং খুঙ্গংগী য়ুম খুদিংদা তোতী ঈশিংগী কনেক্সন ফংহন্দুনা রাজ্য অসিদা পাক শন্না জে.জে.এম.গী থবক পাংথোকহন্নবা হায়খ্রে। খুঙ্গংগী য়ুম লাক্ষ ৮৯.৬১গী মনুংদা লাক্ষ ২৪.৪১গীদি হান্ননা তোতী ঈশিংগী কনেক্সন(এফ.ঐচ.তি.সি.)শিং ফংহনখ্রে। ২০১৯-২০দা তোতীগী কনেক্সন অসি শুপ্নতগী ২২,১৩৩ খক্তমক ফংহনখি। ২০২০-২১দা য়ুম লাক্ষ ২৩.৫৭দা তোতী ঈশিংগী কনেক্সন ফংহন্নবা থৌরাং তৌরি। কেন্দ্র মন্ত্রীনা চহী অসিদা তোতীগী কনেক্সন লাক্ষ ২৩.৫৭ ফংহনবা ঙমগদবা লৈরিবা পাইপকী ঈশিং ফংহনবগী সিস্তেম ৩,১৩৯ অসি অমুক হন্না পানখৎনবা অদি চাওথোকহন্নবা পান্দম থম্লি অমসুং মরম অসিনা লাইরবা অমদি লায়রবগী পনখৈদা লৈবা মীশিনা ময়ুমদা তোতী কনেক্সন ফংহন্নবগীদমক থবক অসি ‘কেম্পেন মোদ’ তা হৌননবা সি.এম.দা হায়খিবনি।
২০১৯-২০দা কোতী ৫৪৬.০৬ ওইরম্বা অসিদগী হেনগৎহনগদবগী মওংদা ২০২০-২১দা কর্নতকাদা জল জীবন মিশনগী থবক পাংথোকহন্নবা কেন্দ্র সরকারনা লুপা কোতী ১.১৮৯গী ফন্দগী অয়াবা পীখ্রে। রাজ্য অসিগী লৈজবা লুপা কোতী ৮০.৪৪গী শেনফম্না হৌদোক্নবা শেল ওইনা অমসুং চহী অসিগী ওইনা অয়াবা পীখিবা লুপা কোতী ১,১৮৯গী শেনফমগা লোয়ননা কর্নতকাদা জল জীবন মিশনগী থবক পাংথোহন্নবা পুন্না লুপা কোতী ২,৭৩৪.০৩ লৈরগনি। রাজ্য অসিদগী ফিজিকেল ইনপুৎশিং হায়বদি অনৌবা তোতীগী কনেক্সনগী মশিং অমসুং শেল-থুমগী ফীভম অসি ফগৎহন্দুনা থৌরাং অসি থুনা-য়াংনা থবক পাংহন্নবা ৱাফম থমদুনা মসিদগী রাজ্য অসিনা পাংথোক্লিবা মতৌ অসি য়েংঙগা অতৈ থৌরাংশিংগী কান্নবা লৌহন্নবা তৌখ্রে। মনুং-মপান ফাওনা উবা অমসুং ফন্দশিং লায়না ত্রেক্কিং তৌনবগীদমক পিপল ফাইনান্সিএল মেনেজমেন্ত সিস্তেম(পি.এফ.এম.এস.) অসিবু তঙাই ফদবা মওংদা থোইদোকপা মওংদা পন্দুনা হায়রি।
নিংথিজবা মওংদা থবক পাংথোক্লবা মফমশিংদা পাইপকী ঈশিং ফংহনবগী মরু ওইবশিং অদু পন্দুনা মন্ত্রীনা সি.এম.দা অর্সেনিক অমসুং ফ্লোরাইদনা শোকহল্লবা য়ুম ৬৮৫দা লৈরিবা মীওই লাক্ষ ৩.৬০দা থক্নবা ঈশিং ফংহন্নবা তকশিনখ্রে। ঈশিং তাংবা মফমশিং, খৌরাংনা ঙাইরিবা জীলাশিং, এস.সি./এস.তি.না তাবা খুঙ্গংশিং অমসুং সংসদ আদর্শ গ্রাম য়োজনা(এস.এ..জি.ৱাই.)দা পুংথুং থুংনা পাংথোক্নবা পান্দমদা ওইগদবনি।
কেন্দ্র মন্ত্রীনা পি.আর.আই.বু য়াম্না ৱায়েল-কাংলোনগী ওইবা মওংদা ১৫শুবা ফাইনান্স কম্মিসন অসি শিজিন্নদুনা ঈশিং পীখিবদা চাদা ৫০দি ঈশিং অমদি মহীক-মতাইশিং লৈহন্দনবা তৌবদা চাদিং তৌখিবগী মতাংদা পনখি। ২০২০-২১দা রাজ্য অসিনা লুপা কোতী ৩,২১৭ ফাইনান্স কম্মিসন গ্রান্ত ওইনা ফংলগনি। থৌরাংশিং অসি এম.জি.এন.আর.ই.জি.এস., এস.বি.এম.(জি.)গুম্বগী ১৫শুবা ফাইনান্স কম্মিসন অসি পি.আর.আই.শিংদা, দিস্ত্রিক্ত মিনরেল দিভেলপমেন্ত ফন্দ, কেম্পা, সি.এস.আর. ফন্দ, লোকেল এরিয়া দিভেলপমেন্ত ফন্দনচিংবগী থৌরাংগী মখাদা খুঙ্গংগী থাক্তা থবক অসি ওন্থোকপগী মথৌ তাবগী অকনবা মওংদা ৱাফম থমখি, কেন্দ্র মন্ত্রীনা ভিলেল এক্সন প্লান(ভি.এ.পি.) অসি খুঙ্গং খুদিংদা ঈশিং ফংফমশিংগী ফীভম ফগৎহন্দনা ঈশিং য়োকশিনবগী থবকশিং তৌনবদা অমসুং থক্নবা ঈশিং শোই ঙামদনা থম্নবগীদমক অসিগুম্বা ফন্দশিং অসি পুনশিন্নদুনা থৌরাং তৌনবা তকশিনখি।
মখা তানা, কেন্দ্র মন্ত্রীনা খুঙ্গং অদুদা মতম শাংনা থবক অদু পাংথোকহন্নবা ঈশিং ফংহন্নবগী সিস্তেমগী থৌরাং তৌবদা, থবক পাংথোকহনবদা, শীল-লাংবদা, থবক চত্থবদা য়েংশিন-খোৎচিনবদা লমদুগী মীওই কাংলুপশিং/গ্রাম পঞ্চায়েৎশিং নত্রগা শিজিন্নরিবা কাংলুপশিংনা য়াওশিন্নবা হায়খি। জে.জে.এম. অসি খুঙ্গং খুদিংমক্তা অশেংবা মীয়ামগী খোংজং অমা ওইহন্নবা কাংলুপকী ওইবা মীয়াম্বু ৱাখল লৈহন্নবগী লোয়ন-লোয়ননা আই.এফ.সি. কেম্পেন পাংথোক্নবা হায়খি। নুপীগী সেল্ফ হেল্প গ্রুপশিং অমসুং ভোলুন্তরী ওর্গনাইজেসনশিংনা খুঙ্গংগী মীওই কাংলুপশিংবু খুঙ্গংদুদা ঈশিং ফংহন্নবগী ইনফ্রাস্ত্রকচর শেম্বগা লোয়ন-লোয়ননা মখোয়শিং অদু থবক তৌহনবদা অমসুং য়েংশিন-খোৎচিনবগী থবক্তা য়াওহনবগী মথৌ তাই।
তমথিরবা কোবিদ-১৯গী লায়না-লায়চৎ অসি লান্থেংনবদা, খুঙ্গংগী মীশিংদা থক্নবা ঈশিং ফংহনবগা লোয়ন-লোয়ননা হৈথোই-শিংথোইরবা/খরা হৈথোই-শিংথোইরবা মাইগ্রেন্ত ৱার্করশিংদা থবক ফংহন্নবা অমসুং খুঙ্গংগী শেন্মীৎলোন অসি খংহেন হেনগৎহন্নবা কেন্দ্র মন্ত্রীনা মুখ্য মন্ত্রীদা ঈশিং পীবগী থবকশিং অমদি ঈশিং য়োকশিনবগী থবকশিং অসি থুনা হৌননবা হায়খ্রে।
কর্নতকাগী সি.এম.দা রাজ্য অসিদা জল জীবন মিশন অসি ‘চাদা 100 এফ.ঐচ.তি.সি.গী রাজ্য’ অমা ওইহনবদা কন্দিসন অমত্তা য়াওদনা তেংবাং পীবগী থাজবা পীরদুনা খুঙ্গংগী ইমুংশিংদা থক্নবা ঈশিং মতীক চানা ফংহন্দুনা অমসুং চাং নাইনা অমদি কুইনা চৎকদবা মওংদা থবক পাংথোকপগী পান্দমশিং অদু খংহন্নবা থৌরাং অসি থুনা-যাংনা চৎনহন্নবা কেন্দ্র মন্ত্রীনা জল শক্তিদা হায়খ্রে।
*****
(Release ID: 1631897)
Visitor Counter : 154