কেন্দ্রগী লৌউ-শিংউ অমসুং লৌউবশিংগী য়াইফ য়ুম্বাল, খুঙ্গং চাউখৎপা অমসুং পঞ্চায়তি রাজকী মন্ত্রী শ্রী নরেন্দ্র সিংহ তোমারনা প্রধান মন্ত্রী শ্রী নরেন্দ্র মোদীনা ফার্মর প্রোদ্যুসর ওর্গানাইজেসন লিশিং ১০ শেম্বগী মরু ওইবা থৌওং অমা লাউথোকখিবা য়াওরগা লৌউ-শিংউগী মরমদা অনৌবা মওংগী রিফোর্ম কয়া শেমখ্রে হায়খি। থবক অসিবু লোইশিনবগী থৌদাং অসি হৌজিক্কী মতমদা ই.-এন.এ.এম. মপাঙ্গল কনখৎহন্নবা হোৎনরিবা স্মোল ফার্মর এগ্রিব্যুজিনেস কন্সোর্তিয়মগীনি হায়খি। এস.এফ.এ.সি. লিংখৎখ্রবা মতুংদা ইন্সতিত্যুসনশিং অমসুং লান্নাইগী মীওইশিংনা শেল থাদবা য়াম্না হেনগৎখ্রে।  

এস.এফ.এ.সি.গী ২৪শুবা মেনেজমেন্ত বোর্দ অমসুং ১৯শুবা চহীগী জেনেরেল বোদি মীফমদা ৱা ঙাংবদা শ্রী তোমারনা তাঙ্কক অনি থোক্না ই.-এন.এ.এম.না কৈথেল ১০০০ শম্নহনবগী থাগৎপা ফোঙদোকখি। প্লেৎফোর্ম অসি শেমখিবগী পান্দম অসি শোইদনা ফংগদবনি হায়না মহাক্না হায়খি। হৌজিক ফাওবদা ই.-এন.এ.এম.গী খুত্থাংদা লুপা কোতি লাখ ১ হেনবগী ললোন ইতিক তৌখ্রে। মসিনা হেক হৌরকপদগী লৌউবা কোতি ১.৬৬ হেনবা অমসুং ব্যুইজিনেস লাখ ১.৩০ হেনবনা ই.-এন.এ.এম.দা রেজিস্তর তৌখ্রে। রিফোর্ম অসিগী মহৈ ওইনা পোত্থোকশিং লায়না য়োনবা, ময়েক শেংবগী মতুং ইন্না লৌউবশিংনা মখোয়গী পোত্থোকশিংগী চান্নবা মমল ফংবা অমসুং লোকদাউন মনুংদা প্লেৎফোর্ম অসিগী কান্নবা ফংহন্নবা হোৎনবা অসি ঐখোয়না তৌদ্রবা য়াদ্রবনি হায়না মহাক্না হায়খি। লোকদাউনগী মনুংদা ফাওবা লৌউবশিংনা থৱাই য়াওনা পোত্থোক থাবগী থবগী থবক লোইশিনখি অমসুং হৌজিক্তি মায় পাক্না শেল তানবসু লোইরে। লৌউবশিংবু মতৌ অসুম্না তেংবাংবগীদমক এস.এফ.এ.সি.পু থাগৎফম থোকই।

শ্রী তোমারনা হান্না লৈরম্বা স্কিমদা য়ুম্ফম ওইরগা এস.এফ.এ.সি.না এফ.পি.ও. শেম্লম্মি, অদুবু প্রধান মন্ত্রীনা ঙসি লৈবাক শিনবা থুংনা এফ.পি.ও. লিশিং ১০ শেম্বগী ৱাফম অমা লাউথোরক্তুনা হীরম অসিদা খুমাং চাউশিলহনদগবা অসি য়াম্না হরাওনিংঙাইনি হায়খি। এফ.পি.ও.শিং অসি শেম্বগী মতুং ইন্না মখোয়গী পান্দম অসি পীবা ঙমগদবনি। মখোয়গী থৌদাং অসিদি লৌউবশিং পুনবা হেনগৎপা, ৱা তাথোক তাশিন তৌনবা অমসুং ত্রেন তৌনবা, পোত্থোক হেনগৎহনবা, মনা-মশিং মখল মখা কয়া থাবা, তিলহাক হিদাক হন্থনা শিজিন্নবগী হীরমদা ৱারি শানবনচিংবা অসিদা হেনগৎহনবনি। প্রধান মন্ত্রীনা লৌউবশিংগী শেন্থোক অসি শরুক অনি হেনগৎহন্নবা পান্দম অমসু থমখ্রে। মরকসিদা কোবিদকী খুদোংচাদবা অমুক লাকখ্রে অদুবু লৌউ-শিংউ মন্ত্রালয় অমসুং লৌউবশিংগী খোংথাংদি তপথবা লৈত্রি। শ্রী নরেন্দ্র সিংহ তোমারনা লৌউ-শিংউ মন্ত্রালয়গী ওফিসিএলশিংগী মতেংনা কিসান রথ এপ শাখিবগীসু থাগৎপা ফোংদোকখি অমসুং মসিগী মতেংনা লোকদাউন মনুংদা ফার্মদগী পুথোকপা পোত্থোকশিং পুথোক পুশিন তৌবদা খুদোংচাদবা কয়া থেংনদ্রবনি।

*****