জল শক্তি মন্ত্রালয়
অরুনাচল প্রদেশকী মনুং হঞ্জিনবা কাচিন্দা লৈবা য়ুম খুদিংমক জল জীবন মিসনগী মখাদা তোতি ঈশিং ফংলে
Posted On:
13 JUN 2020 12:02PM by PIB Imphal
উৎলিবসি অরুনাচল প্রদেশকী কুরুং কুমে জিল্লাগী মনুং হঞ্জিন্না লৈবা নোংজু নুংশা নুংঙাইবা মতম খক্তদা চত্থোক-চৎশিনগী খুদোংচাবা ফংবা লৈবাক্কী লম্বী খক্তমক লৈবা হিবা খুঙ্গংদা পাইপ পুদুনা চৎপগী মমি অমা উৎলিবা মগুন য়াম্না লৈবা শক্তম অমনি। জল জীবন মিসন (জে.জে.এম.)গী মখাদা খুঙ্গংগী য়ুমথোং খুদিংদা ফঙ্কসনেল হাউজহোল্দ তেপ কন্নেক্সন (এফ.ঐচ.তি.সি.) পীদুনা অসিগুম্বা মনুং হঞ্জিনবা খুঙ্গং অসিফাওবা য়াওনা মতীক চানা অমসুং অফবা থক্নবা ঈশিং চাং নাইনা পীরগনি। হিবা হায়রিবা খুঙ্গং অসি অরুনাচল প্রদেশতা লৈবা অসিগুম্বা খুঙ্গং অমনি, মসিগী খুঙ্গং অসি য়ৌবা হায়বসি কোনুং ওইরিবা ইতানগরদগী নাইওবিয়া সর্কলগী লানগর তম্না কিলোমিতর ৩৩০ চৎলবা তুংদা (হায়রিবসিসু নৌনা শেম্বা হৌবদা ঙাইরিবা) অতোপ্পা কিলোমিতর ২৫ অমুক্কা লৈবাক্কী লম্বীদা য়াম্না ৱানা চৎলগা য়ৌগদৌরিবনি। অৱাংবা মফম ওইবনা হান্নদগী হৌনা খুদোংচাদবা কয়া লৈরিবা অসিদা অমুক্কসু অমুক হায়রিবা মফম অসিদা চহী অমগী মনুংদা থা ৭ নোং চুদুনা চাউখৎ থৌরাংগীদমক শেমগৎ শাগৎনবগী পোৎচৈ পুথোক-পুশিন তৌবদা খুদোংচাদবা ওইহল্লি।
মখা তানা, কোবিদ-১৯ লাইচৎনা মরম ওইদুনা, অরুনাচল প্রদেশ অসি হৌজিক খুঙ্গং কয়া অমা মখোয় মশানা থিংজিঞ্জখিবনা অমসুং অতোপ্পা মপান্দগী লাকপা মীওই অমত্তা খুলশিংদা চঙহন্দবনা মরম ওইদুনা স্কিমশিং থবক ওইনা পায়খৎপদা অৱাবা মায়োক্নরি। অসিগুম্বা খুদোংচাদবা কয়া অসি লৈদুনসু, পি.ঐচ.ই. দিপার্তমেন্তনা 'জল জীবন মিসনঃ হর ঘর জল'গী পান্দম রাজ্য অসিদা ২০২৩ ফাওবদা ফংহন্নবা হোৎনরি। ওফিসিএলশিংনা খুঙ্গং অসিগী মীওইশিংগা পাউ ফাউনরি অমসুং মখোয়দা প্লান তৌবা, থবক ওইনা পায়খৎপা, শেম শাবা, ওপরেৎ তৌবা অমসুং মখোয়গী ঈশিং থাবগী পথাপশিং য়েংশিঞ্জনবদা গ্রাম পঞ্চায়ৎনা লৌগদবা থৌদাংশিং শন্দোক্না তাক্লি অমসুং মখোয়বু থবক অসিদা শরুক য়াহন্নবগীদমক পুক্নিং থৌগৎলি। মখোয়না মখোয়বু ৱাতর সপ্লাই স্কিমসি থবক ওইনা পায়খৎপদা মিস্ত্রী, প্লম্বর, ইলেক্ত্রিসিয়ান্নচিংবা ওইহনলি। হায়রিবসি জে.জে.এম.না ৱাতর সপ্লাই স্কিম অসিবু মতম কুইনা চত্তুনা লৈনবগীদমক 'মখোয় মশাগীনি' খঙহন্দুনা থৌরাং অসি থবক ওইনা পায়খৎপদা দিসেন্ত্রেলাইজ, দিমান্দ দ্রিবন অমসুং খুনাই অদুনা য়েংশিঞ্জনবগী পান্দমদা হোৎনখিবনি।
অসিগুম্বা লেপ্পা নাইদবা অমসুং অৱাবা কয়া মাইওক্ননা হোৎনরিবা থৌরাং অসিনা, কোচো, রেল্লো, অমসুং সারাগী ইমুং অপুনবা মশীং ৫১দা য়ুম্থোংগী ওইনা ঈশিংগী তোতি তাহনবীরে।
*****
(Release ID: 1631336)
Visitor Counter : 163