পর্সনেল, পি.জি.অমসুং পেন্সন্সকী কেন্দ্র মন্ত্রী দা.জিতেন্দ্রনা ঙসি অৱাং-নোংপোক্কী রাজ্যশিং পুম্নমক্তা লেপ্নখিবা মতমগী মনুংদা ই-ওফিস থম্নবা পাওতাক পীখ্রে। মফমশিং অদুগী মুখ্য মন্ত্রীশিং অমসুং আই.তি. মন্ত্রীশিং য়াওনা পাংথোকখিবা ৱেবিনার অমদা হীরম অসিগী মতাংদা দা.জিতেন্দ্রনা হায়খিবা ৱাফমদা ইওফিসকী প্রোজেক অসি প্রধান মন্ত্রী শ্রী নরেন্দ্র মোদীগী “খ্বাইদগী মশিং য়ামদবা সরকার, খ্বাইদগী য়াম্বা লৈঙাক” হায়বা অথোইবা ৱাখল্লোন অসি মপুং ফাহনগনি অমসুং মসিনা লৈঙাক. মনুং-মপান ফাওনা উবা অমসুং নাগরিক্তা য়ুম্ফম ওইবা ফংহন্নবগী মেকানিজম অসিদা শোয়দনা কোম্না পাংথোকপা য়াহল্লগনি। ই-ওফিসকী প্রোজেক অসি দিজিতেল ইন্দিয়াগা তাইনফম ওইবা য়ুম্বী অমসুং ওইগনি অমসুং ভারত সরকারগী মন্ত্রালয় ৫৫না মসি চৎনবা হৌহনখ্রে।

শিলোংগী দিক্লেরেসন অদুগা মরী লৈননা দা জিতেন্দ্রনা হায়খি মদুদি ই-ওফিসপু থোইদোকপা মওংদা শেমগৎপা অমসুং পাংথোক্কদৌরিবা থবকশিং অসিগী ক্বালিতী অসি মরুওইনা ফংনবা তৌখিবশিংনি অদুবু হৌজিক পান্দম অসি মপুং ফানা পাংথোক্নবগী মতম অদু লাক্লে। রাজ্যশিং পুম্নমক্তা জীলাগী থাক্কী সিভিল সেক্রতরিএত্তগী ই-ওফিসকী মিশন অসি খুদক্তগী পাংথোকপা হৌহন্নবা তেক্নিকেল অমসুং ফাইনান্সিএলগী ওইবা তেংবাং পুম্বা ফংহনগনি মন্ত্রীনা থাজবা পীখি।

ই-ওফিসকী প্রোজেক অসি খদমাং চাওশিন্না পায়খৎনবগীদমক্তা দোনর সেকেরতরীনা থৌরম মপু ওইদুনা জোইন্ত স্তীয়রিং কমিতী অমা দা.জিতেন্দ্রনা লাওথোকখি। এ.আর.পি.জি., ইলেক্ত্রোনিক্স অমসুং ইনফোর্মেসন মন্ত্রালয়, এন.আই.সি., এন.ই.সি. অমসুং অৱাং-নোংপোক রাজ্য ৮গী মীহুৎশিংনা ই-ওপিসকী প্রোজেক অসিগী থবক-থৌরাংশিংগী মতাংদা ৱাফম থম্লক্নবা অমসুং থবক হৌহন্নবগীদমক্তা কমিতী অসিগী শরুক ওইগনি।

কেন্দ্রগী মন্ত্রালয়/বিভাগ ৭৫দা কোবিদ-১৯গী লোকদাউনগী মতম অসিদা ময়ুমদগী শোইদনা থবক তৌবা য়াহন্নবা দিজিতেলগী সেন্ত্রেল সেক্রতরিএৎ অমা শেমগৎপা ঙমহন্নবা ই-ওফিসকী থবক অসি চত্থখিবনি হায়না দা.সিংহনা ফোংদোকখি। অৱাং-নোংপোক রাজ্যশিংগী রাজ্যগী সেক্রতরিএৎশিংদা ই-ওফিস অসি মথৌ তৌহনবনা ওফিসরশিংনা ভর্চুএল ওইবা লন্নাইগী নেৎৱর্কশিং, দিজিতেলদা খুৎয়েক পীনবা শকখং-চেশিং অমসুং পাও ফাওনবা হন্থবা গবর্নেন্সপু শৌগৎপদা পাঙ্গল হাপকৎপীদুনা অরেপ্পা মতম অমগী মনুংদা অৱাং-নোংপোক রাজ্য পুম্নমক্কী রাজ্যগী সেক্রতরিএৎশিং চে য়াওদনা থবক তৌবা ঙমহল্লগনি।

অৱাং-নোংপোক রাজ্যশিংগী ই-ওফিসকী ৱর্কশোপ অসিদা অরুনাচল প্রদেশ, নাগালেন্দ, সিক্কিম অমসুং মেঘালয়গী মুখ্য মন্ত্রীশিং অমসুং অসম, মনিপুর, মিজোরাম অমসুং ত্রিপুরগী আই.তি. মন্ত্রীশিং য়াওখি। এন.ই.রাজ্যশিংগী চীফ সেক্রতরীশিং, এদিস্নেল চীফ সেক্রতরীশিং অমসুং এদমিনিস্ত্রেতিব রিফোর্মশিংগী প্রিন্সিপল সেক্রতরীশিং অমসুং আই.তি. বিভাগশিংগী সেক্রতরীশিংসু ৱর্কশোপ অদুদা য়াওখি। ঙসিগী ৱেবিনার অদুদা পুন্না মীওই ২০০না শরুক য়াখি।

মুখ্য মন্ত্রীশিং অমসুং আই.তি. মন্ত্রীশিংনা মখোয়গী প্রজেন্তেসনশিং অদুদা কেন্দ্র মন্ত্রীনা হকচিন্না য়েংশিনবিগনি হায়না ফোংদোকখিবা ই-ওফিসকী প্রোজেক অসি চৎনবা হৌনবগীদমক নেৎৱর্ক কন্নেক্তিবিতীগুম্বা ইনফ্রাস্তকচরগী চরম ওইরিবা অমসুং ফন্দ ৱাৎপগী মতাংদা ৱাফমশিং পুথোকখি।

হৌদোকপগী থম্বা ৱারোলদা, দি.এ.আর.পি.জি.গী সেক্রতরকী দা.কে.শিবাজীনা পোংদোকখিবদা অৱাং-নোংপোক্কী লম পুম্নমক্তা ই-ওফিস অসি য়াম্না নিংথিজবা মওংদা থবক পাংথোকপা হৌহন্নবগীদমক্তা আই.তি.বু পামজবা নহাশিংগী শক্তি অসি মহৌশানা কান্নহনবা মওংদা ফংলে হায়না ফোংদোকখি। কেন্দ্র মন্ত্রীনা ৱেবিনার অসিগী ৱারোল থমদ্রিঙৈগী মমাংদা দা.শিবাজীনা য়াম্না কান্নগদবা তেক্নিকেল সেসন অমা পাংথোকখি। দোনরগী সেক্রতরী, দা.ইন্দরজীৎনা মহাক্কী ৱারোলদা ফাইলশিং প্রোসেসিং তৌবদা চাদা ১০০ ই-ওফিসনা মথৌ পাংহনগদৌরিবা অসি ভারত সরকারগী মন্ত্রালয়দা দোনর অসিনা খ্বাইদগী অহানবনি হায়খি।

ৱার্কশোপ অসিদা দি.এ.আর.পি.জি.গী এদিস্নেল সেক্রতরী শ্রী ভি. শ্রীনিবাস, দি.এ.আর.পি.জি.গী জোইন্ত সেক্রতরী শ্রীমতী জয়া দুবে অমসুং অতৈ ওফিসিএলশিংসু য়াওখি।

*****