সাইন্স অমসুং তেক্নোলোজী মন্ত্রালয়

নেচর ইন্দেক্স ২০২০দা ভারতকী খ্বাইদগী ফবা ইন্সতিত্যুসন ৩০গী মনুংদা দি.এস.তি. ইন্সতিত্যুত ৩ মনুং চনখ্রে

ইন্দিয়ন এসোসিয়েসন ফোর দি কল্তিবেসন ওফ সাইন্স (আই.এ.সি.এস.), কোলকতানা ৭শুবা মফম, জৱাহরলাল নেহরু সেন্তর ফোর এদবান্স সাইন্তিফিক রিসর্স (জে.এন.সি.এ.এস.আর.), বেঙ্গলোরনা ১৪শুবা মফম অমসুং এস.এন. বোস নেস্নেল সেন্তর ফোর বেসিক সাইন্সেস, কোলকতানা ৩০শুবা মফমদা লৈখ্রে

Posted On: 11 JUN 2020 3:59PM by PIB Imphal

য়ুনিবর্সিতীশিং, আই.আই.তি.শিং, আই.আই.এস.ই.আর.শিং অমসুং রিসর্স ইন্সতিত্যুসনশিং অমসুং লেবশিংগী মনুংদা মমিং লৈরবা জর্নেলশিংদা ফোংবা রিসর্সকী মতুং ইন্না নেচর ইন্দেক্স ২০২০গী রেতিংশিংদা ভারতকী ইন্সতিত্যুসন ৩০গী মনুংদা ভারত সরকারগী সাইন্স অমসুং তেক্নোলোজী বিবাগকী ওতোনোমস ইন্সতিত্যুসনশিংগী মনুংদা অহুম অমদি মফম কনবা ঙমখ্রে৷

মখোয়শিং অদুদি দি ইন্দিয়ন এসোসিয়েসন ফোর দি কল্তিবেসন ওফ সাইন্স (আই.এ.সি.এস.), কোলকতানা ৭শুবা মফম, জৱাহরলাল নেহরু সেন্তর ফোর এদবান্স সাইন্তিফিক রিসর্স (জে.এন.সি.এ.এস.আর.), বেঙ্গলোরনা ১৪শুবা মফম অমসুং এস.এন. বোস নেস্নেল সেন্তর ফোর বেসিক সাইন্স, কোলকতানা ৩০শুবা মফমদা লৈখ্রে৷

ইন্সতিত্যুসন ময়ামগী কাংলুপ অমা ওইরিবা সি.এস.আই.আর. নত্তনা আই.এ.সি.এস.না ভারত্তা ক্বলিতী লৈবা কেমিস্ত্রী রিসর্সতা খ্বাইদগী ফরবা ইন্সতিত্যুসন অহুমগী মনুংদা চল্লি৷ জে.এন.সি.এ.এস.আর.না লাইফ সাইন্সেসকী একাদেমিক ইন্সতিত্যুসনশিংগী মনুংদা ৪শুবা, কেমিস্ত্রী অমসুং ফিজিকেল সাইন্সেসতা ১০শুবা, ভারতকী একাদেমিক ইন্সতিত্যুসনশিংগী মনুংদা ১০শুবা অমসুং মালেমগী ওইবা মফমদা ৪৬৯শুবা মফম কল্লি৷

“ফাওরবা মমিং লৈরবা জর্নেলশিংদা ফোংবা পাউগী মতুং ইন্না লৈবাক অসিগী খ্বাইদগী ফরবা ইন্সতিত্যুসনশিংগী মনুংদা রিসর্সকী ক্বালিতীদা বিগ্যানগী হোৎ স্পোতস ওইরিবা দি.এস.তি.না য়াওরকপা অসি তশেংনা পুকনিং থৌগৎনিংঙাই ওই৷ অমরোমদা একাদেমিয়া রিসর্স লেবশিংদা চৎথরিবা রিসর্স অসিনা অফবা ক্বান্তিতেতিব এনহান্সমেন্ত, ক্বালিতী, রিলিভেন্স অমসুং ত্রান্সলেস্নেল এস্পেকশিংদা হেন্না মরু ওইবগী তঙাই ফদবশিং অদু উৎখ্রে,” হায়না দি.এস.তি.গী সেক্রেতরী প্রোফেসর অশুতোশ শর্মনা ফোংদোকখি৷

মালেমগী ওইবা মফমশিংগী কাংলুপতা য়াওরিবা ভারতকী খ্বাইদগী ফরবা ইন্সতিত্যুসনশিং অদুদি কাউন্সিল ওফ সাইন্তিফিক এন রিসর্স (সি.এস.আই.আর.), ইন্সতিত্যুসন ৩৯গী কাংলুপ অমনা ১৬০শুবা মফমদা অমসুং ইন্দিয়ন ইন্সতিত্যুত ওফ সাইন্স (আই.আই.এস.সি.) বেঙ্গলোরনা ১৮৪শুবা মফমদা লৈ৷

*****



(Release ID: 1631012) Visitor Counter : 41