ৱর্ল্দ এক্রিদিতেসন (দবল্যু.এ.দি) অসি চহী খুদিংগী জুন ৯দা লল্লোন-ইতিক অমসুং শেন্মীৎলোন্দা এক্রিদেসন্না লৌরিবা থৌদাং অদু শিংথানিংঙাই ওইবা মওংদা শৌগৎননবগীদমক পাংথোকপনি। ইন্তর্নেস্নেল এক্রিদিতেসন ফোরম(আই.এ.এফ.) অমসুং ইন্তর্নেস্নেল লেবোরেতরী এক্রিদিতেসন কোওপরেসন(আই.এল.এ.সি.)না দবল্যু.এ.দি. ২০২০গী থীম অসি “এক্রিদেসনঃ চীঞ্জাকপু অশোই-অঙাম য়াওদনা থম্বদা ফগৎহনবা”নি হায়না লেপখ্রে।

নেস্নেল এক্রিদিতেসন বোর্দ ফোর সর্তিফিকেসন বোদিজ(এন.এ.বি.সি.বি.) অমসুং নেস্নেল এক্রিদিতেসন বোর্দ ফোর তেস্তিং এন্দ কেলিব্রেসন লোবোরেতরিজ(এন.এ.বি.এল.) হায়রিবা ক্বালিতী কাউন্সিল ওফ ইন্দিয়া (ক্যু.সি.আই.)গী এক্রিদিতেসন বোর্দ অনি অসিনা মরি লৈনবা স্তেকহোলদরশিংনা শরুক য়াদুনা ৱেবিনার অমা পাংথোকখ্রে।

অথোইবা মীথুংলেন ওইখিবা এফ.এস.এস.এ.আই.গী চেয়রমেন শ্রীমতী রিতা তিয়াওসিয়ানা থৌরম অদু হৌদোকপগী মাগী ৱারোলদা হায়খি “এফ.এস.এস.এ.আই.নাৱারেপ লৌবদা ইনপুৎকীদমক্তা থাজনিংঙাই ওইবা অমসুং মতিক চানরবা এক্রিদিতেসনগী থৌদাং অসি খংদোকপা ঙম্লে। মসিগী মরমদি এন.এ.বি.সি.বি. অমসুং এন.এ.বি.এল.না চপ চাবা মওংদা লেপথোক্তুনা থম্নবগীদমক্তা থাজনিংঙাই ওইবা মওংমান্নদবা এসেসমেন্ত বোদীশিংদগী ফংলকপা দেতাশিং অসি লেপথোক্নবা, ঙাক্না চৎননবা চাংয়েং অমসুং থাকশিং অদু শেম্ননবগীদমক্তা মপাঙ্গল কনবা, থাজবা থম্বা য়াবা, থাজনিংঙাই ওইনবগীদমক্তা সরকারগী মতেং পাংনবগীদমক্তা য়াম্না য়াননা থবক তৌমিন্নৈ। এক্রিদেসন্না ৱর্ল্দ ত্রেদ অমসুং শেন্মীৎলোন চাওখৎহন্নবসগীদক্তসু খুদোংচাবা ফংহল্লি”।

এফ.এস.এস.আই.না এন.এ.বি.সি.বি. অমসুং এন.এ.বি.সি.বি.গা য়াম্না য়াননা থবক তৌমিন্নরিবা অতৈ হীরমশিংগী মতাংদসু পল্লম্মী মদুনা এফ.এস.এস.আই.বু চাং নাইনা থবক তৌবগী পোৎলুম অদু য়েন্নবদা হেন্না মপাঙ্গল কলহল্লি অমসুং এক্রিদেতেদ কনফোর্মিতী এসেসমেন্ত বোদীশিংগী সর্ভিসসিং শিজিন্নদুনা পাংথোকপা ঙমহনবদা মীৎয়েংদা মতেং পাংই হায়না মহাক্না পোংদোকখি।মহাক্কী ৱারোল অদুদা প্রোফিসিএন্সি তেস্তিং(পি.তি., এক্রিদেতেদ মেতরিএল প্রদ্যুসর্স(আর.এম.পি.)শিংগী মশিং হেনগৎহনবা, চান-থক্নবা পোৎলমশিংগী য়েংশিন-থিজিন্নবগী থুনা তেস্তিং তৌনবগী কীৎশিং শেম্বদা, অমসুং শকখংটচেগীদমক এক্রিদিতেসন স্কীম অমা অমসুং চান-থক্নবগী সেক্তরশিংগা মরি লৈননা ই-পাও পীথোক-পীশিন তৌনবগী অপুনবা মওংগী সিস্তেম অমগী থবক পায়খৎনবা ভর্চুএল এসেসমেন্তশিং, চান-থক্নবগী তেস্তিং তৌনবগী লেবোরেতরীশিং, এক্রিদেতেদ লেবোরেতরীশিং পুক্নিং থৌগৎপগী লুপশিং শেমগৎপগী মথৌ তাবা হীরমশিং অদুগী মতাংদা থৌইদোকপা মওংদা পন্দুনা হায়খি।

ফুদ অমসুং পব্লিক দিস্ত্রিব্যুসন বিভাগকী সেক্রতরী শ্রী শধানশু পান্দেনা ফুদ সেফতী অসি লৈবাক অসিদা লৈরিবা মীওই খুদিংমক্কী হকনি অমসুং এফ.এস.এস.এ.আই.না চহী খরা অসিদা মরুওইবা থৌদাং লৌরি হায়না ফোংদোকখি। কম্মর্স বিভাগনা পাংথোকপা নেস্নেল স্তেন্দর্দ কনক্লেব ৬না ইকোসিস্তেম অসি ফবা হেনগৎহন্নবা তৌবদা হায়নিংঙাই লৈতনা মতেং পাংখ্রে হায়না মহাক্না ফোংদোকখি। মহাক্না লৈবাক অসিদা কনফোর্মিতী এসেসমেন্ত ইনফ্রাস্ত্রকচর অমসুং কঞ্জুমর এম্পৱর্মেন্ত শেমগৎপগী মথৌ তাবগী মতাংদা থোইদোপা মওংদা হায়খি।

শ্রীমতী রিতা তিয়াওসিয়া, চেয়রপ্রসন, এফ.এস.এস.এ.আই., শী শধানশু পান্দে, সেক্রতরী(এফ.অমসুং পি.দি.)

ক্যু.সি.আই.গী চেয়রমেন শ্রী অদীল জাইনুলভাইনা মহাক্কী মরু ওইবা ৱারোলদা এক্রিদিতেসন অসি ক্বালিতী ফগৎহনবদা য়াম্না মরু ওইবা তুল অমনি অদুবু খ্বাইদগী মরু ওইবা পান্দমদি চান-থক্নবগী সেক্তরগা লোয়ন-লোয়ননা অতোপ্পা লমশিংদা ক্বালিতী ফগৎহনবনি হায়না ৱাফম ফোংদোকখি। মহাক্না থবক্কী মঙম অমসুং ভারত্তা চীঞ্জাকশিংগী ক্বালিতী ফগৎহনবদা তেংবাং পীবগী মথৌ তাবগী অদুগী মতাংদসু মখা তানা হায়খি।

ক্যু.সি.এ.গী সেক্রতরী দা. আর.পি. সিংহনা থৌরম অদুদা তুংগীদমক্তা মথৌ তাবা ৱাফম তরুক্কী মতাংদা হায়খিবশিং অদুদিঃলৈবাক অসিগী তোঙান-তোঙানবা শরুক্তা কনফোর্মিতী এসেসমেন্ত সিস্তেমশিং হেনগৎহনবা; “সাঝা নিবেশ, সাঝা বিকাস, সাঝা বিশ্বাসকীদমক্তা খুমাং চাওশিনবা মওংদা থবক তৌনবা এফ.এস.এস.এ.আই.গী পি.পি. মোদেলবু পুক্নিং থৌগৎপা: ভারত অমসুম মালেম্না য়ানবগী মায়কৈরোমদা থবক তৌবা; মওং-মরিল নাইদবা কৈথেল শেম্বা। অতোপ্পা ৱাফম অনি অদুদা য়াওরিবশিং অদুদি দবল ব্লাইন্দেদ সিস্তেমদগী লমদুগী কৈথেলদা ক্বালিতীদা থোরকপা ৱাথোকশিং চেক তৌবদা অমদি সিঙ্গল ই-প্লেৎপোর্মদা চাং নাইনা থবক পাংথোক্লিবশিংগা লোয়ননা অফবা কৈথেলগী সর্ভিলেন্স অমা অমসুং অথুবা এলর্ত সিস্তেম শেমগৎনবগীদমক্তা ক্রাওদ সোর্সিংগী মতেং পাংগদবা মীয়াম্বু “রাস্ত্রীয় গুমৱত্তা অভিয়ান” হৌদোকপগী ৱাফম অসিনি।

ৱাদকী ৱেবিনার অসিদা তেক্নিকেল সেসন অনি অমসু পাংথোকখি। অহানবা সেসন অদদা ফুদ সেফতীদা নিংথিজনা চাং নাইনা থবক তৌরিবগী হীরমদা ফোকস তৌখি অমসুং এন.পি.এল.গী দিরেক্তর অমসুং এন.এ.বি.এল.গী চেয়রমেন দা.দি.কে.অস্বালনা থৌরম মপু ওইখি। অনিশুবা সেসন অদু এন.এ.বি.সি.বি.গী চেয়রমেন শ্রী শ্যাম বেঙ্গনা থৌরম মপু ওইখিবা অদুদা ফুদ সেফতীদা ইন্দস্ত্রীগী হীরমদা ফোকস তৌখি। সরকারগী, চাং নাইনা থবক পাংথোকহল্লিবশিং অমসুং ইন্দস্ত্রীদগী শক্নাইরবা ৱাঙাংলোইশিংনা চান-থক্নবগী সেক্তরগা মরি লৈনবা লমশিংদা মপু ওইবা ৱাফম খরা হায়খি। মাগী-মাগী লমশিংদা অথোইবা ৱাঙাংলোইশিংনা মাগী-মশা-মশাগী ওইবা ৱাফমশিং অদুদা তুংগী লম্বীশিংগী মতাংদা খন্নখি অমসুং এক্রিদিতেসন বোর্দ অনিমক্না ক্বালিতী কেম্পেইনগী শেম-শাবদা ইন্দস্ত্রী অমসুং চৎন-কাংলোনশিং নাইহল্লিবশিংগা লোয়ননা থবক তৌমিন্নগনি। চাওরাক্না শরুক য়াখিবা মীওই ৭০০না ৱেবিনার লাইবতা শরুক য়াখি অমসুং নুংথিলগী মতমদা মীওই ১৫০০দগী হেন্না থৌরম অদু য়েংখি।

*****