মধ্য প্রদেশ স্তেৎনা ২০২০-২১গী এন্যুল এক্সন প্লান অদু খন্থবিনবা অমসুং অয়াবা পীবিনবা জল শক্তি মন্ত্রালয়গী দ্রিঙ্কিং ৱাতর অমসুং সেনিতেসনগী সেক্রেতীনা লুচিংখিবা নেস্নল কম্মিতীদা উৎখ্রে। ২০২৪গী মনুংদা লৈবাক অসিগী খুঙ্গংগী য়ুমথোং খুদিংমক্তা চাং নায়না অমসুং মতম শাংনা ক্বালিতী লৈবা অফবা থক্নবা ঈশিং মরাং কায়না ফংহন্ননবা পান্দমদা স্তেৎ অসিগা জল শক্তি মন্ত্রালয়গা চুংশিন্নদুনা জল জীবন মিসন (জে.জে.এম.) ইমপ্লিমেন্ত তৌখিবনি। মিসন অসিনা ইনফ্রাস্ত্রকচর শেমগৎপগী মহুৎ ‘সর্ভিস ফংহনবা’ অসিদা মীৎয়েং থম্লি।

মিসন অসি প্রধান মন্ত্রী শ্রী নরেন্দ্রা মোদীনা মমাংগী নিংখা তম্বগী নুমিৎ পালন তৌবদা মহাক্না ৱা ঙাংখিবা অদুদা লাউথোকখি। খুঙ্গংগী মীয়ামগী পুন্সি অসি ফগৎহনবা অমসুং খুঙ্গংদা নুপীশিংবু মরু ওইনা নুপীমচাশিংবু অৱাবা থবক শুহনবা অসি হন্থহন্নবা পান্দমগা লোয়ননা মিসন অসিনা থক্নবা ঈশিংগী সেক্তরদা অহোংবশিং পুরক্নবা হোৎগনি। অওনবা পুরক্কদৌরিবা প্রোগ্রাম অসিগীদমক চাউরাকনা লুপা কোতি ৩.৬০গী বজেৎ কায়থোকখ্রে।

২০২০-২১দা স্তেৎ অসিদা জল জীবন মিসন ইমপ্লিমেন্ত তৌনবা ভারত সরকারনা কোতি ₹ ১,২৮০ অয়াবা পীখ্রে। শীজিন্নদবা বেলেন্স ওইনা লুপা কোতি ২৪৪.৯৫কী শেনফম লৈবগা লোয়ননা কুমসি চহি অসিদা সেন্ত্রেল এল্লোকেসন অমসুং চান্নবা স্তেৎকী সিবর লুপা কোতি ৩,০৯৩ কুমসি চহি অসিদা স্তেৎ অসিদা লৈরগনি।

পুন্সিদা অওনবা পুরক্কদৌরিবা মিসন অসিগী মখাদা, মধ্য প্রদেশনা ২০১৩-২৪ ফাওবদা ফঙ্কসনেল হাউসহোল্দ তেপ ৱাতর কন্নেক্সন (এফ.ঐচ.তি.সি.) ১০০% পীনবা থৌরাং তৌরি। স্তেৎ অসিগী খুঙ্গংগী য়ুমথোং কোতি ১.২১গী মনুংদা, য়ুমথোং লাখ ১৩.৫২দা তোতি কন্নেক্সন হান্না পীখ্রে। ২০২০-২১দা খুঙ্গংগী মফমশিংগী য়ুমথোং লাখ ২৬.২৭দা তোতি কন্নেক্সনশিং পীনবা স্তেৎ অসিনা থৌরাং তৌরি। অমরোমদা য়ুথোং পুম্নমক্তা ফংহন্নবা থৌরাং তৌবা অসিদা ঈশিং ফংদবা মফমশিং, ঈশিং ফত্তবা ফংবা মফমশিং, এস.সি./এস.তি.না নম্না খুন্দবা মফমশিং/খুঙ্গংশিং, শোথরবা দিস্ত্রিক্তশিংগী অমসুং সান্সদ অদর্শ গ্রামিন যোজনাগী মখাদা লৈবা খুঙ্গংশিং মরু ওইনা মীশিং য়ামদবা ত্রাইবেলগী কাংলুপশিং অসিদা হেন্না খুদোংচাবা ফংহনগদৌরি।

জে.জে.এম.গী মখাদা ঈশিং ফত্তবা ফংবা মফমশিংদা থকপা য়াবা ঈশিং ফংহনবা অসিনা খ্বাইদগী মরু ওইবনি অমসুং য়ুমথোংদা তোতি কন্নেক্সনশিং য়ৌহনবা অমসুং মীয়ামগী ওইবা ঈশিংগী প্যুরিফিকেসন প্লান্তশিংগী প্রোবিজন শেমদুনা হায়রিবা অসিগুম্বা মফম ৩৯৫তা স্তেৎ অসিনা থকপা য়াবা ঈশিং পীনবা হোৎনরি।

কনস্তিত্যুসনগী ৭৩শুবা এমেন্দমেন্তগী থৌনা লিংজেল অদু ঙাক্তুনা, জে.জে.এম.গী মখাদা খুঙ্গংশিংদা ৱাতর সপ্লাই সিস্তেমশিংগী প্লানিং তৌবা, ইমপ্লেমেন্ত তৌবা, শীল-লাংবা, চল্লাইবা অমসুং য়েংশিনবা অসিদা খুঙ্গংগী মফম অদুগী মীয়াম/গ্রাম পঞ্চায়েৎশিং অমসুং/নত্রগা শীজিন্নরিবা কাংলুপশিংনা য়াওশিন্দুনা থকনবা ঈশিং মাংহন্দনা মতম শাংনা চৎনহন্ননবা পান্দম অদু ফংগনি। খুঙ্গং পুম্নমক্তা, জল জীবন মিসন অসি মীয়ামগী ওইবা খোংজং অমা ওইহন্নবা আই.ই.সি কেম্পেনগা লোয়ননা মীয়ামগী মোবিলাইজেসন তৌবা তাই। ভোলুন্তরী ওর্গানাইজেসনশিং, সেল্ফ হেল্প গ্রুপশিংনা মীয়ামগী মোবিলাইজেসন তৌবদা থৱায় য়াওশিনমিন্দুনা মখোয়গীদমক লৈরিবা ৱাতর সপ্লাই সিস্তেমশিংগী প্লান তৌবদা, ইমপ্লিমেন্ত তৌবা লোয়ননা চল্লাইবা অমসুং য়েংশিনবদা থৌদাং লৌগদবনি।

জল জীবন মিসনগী মখাদা, থৱায় য়াওনা শরুক য়াদুনা মাংজিল থাদুনা মথৌ তৌরিবশিং লোয়ননা মীয়াম, মদুদি খুঙ্গং খুদিংদা মীওই ৫ মরু ওইনা তাকপি-তম্বিরবা নুপীশিং অসিগী খুত্থাংদা ঈশিংগী ক্বালিতীগী য়েংশিনবা অসিনা মরু ওইনা লৌরি। খুঙ্গংগী মফমশিংদা ফংহল্লিবা ঈশিংগী ক্বালিতী অসি চাংয়েং তৌনবা স্কুলশিং অমসুং কলেজশিংগী মহৈরোইশিংদা ফিল্দ কিৎশিং শীজিন্ননবা থৌগৎলি। সোর্স খুদিংমক চহি অমদা অমুক্তি ফিজিকেল অমসুং কেমিকেল পেরামিতরশিংগী অমসুং বেক্তেরিওলোজিকেল কন্তামিনেসনগী চাংয়েংশিং তৌথৌকপা মথৌ তাই।

গ্রাম পঞ্চায়েৎ, জি.পি. খুদিংমক্তা নত্রগা মখোয়গী সব-কম্মিতী মদুদি খুঙ্গংগী ঈশিং অমসুং লুনানবগী কম্মিতী নত্রগা পানি শমিতিস অসি খুঙ্গংগী থাক্তা প্লানিং তৌবদা য়াওগনি। খুঙ্গংশিংগী ভিলেজ এক্সন প্লানশিংদা য়ুম্ফম ওইরগা স্তেৎকী এন্যুএল এক্সন প্লান অসি শেম্মী। এম.জি.এন.আর.ই.জি.এস., ১৫শুবা ফাইনান্স কম্মিসন গ্রান্তশিং পীরিবা রুরেল লোকেল; বোদিশিং, এস.বি.এম., সি.এ.এম.পি.এ., দিস্ত্রিক্ত মিনরেল দেবেলপমেন্ত ফন্দ, লোকেল এরিয়া দেবেলপমে্ন্ত ফন্দ অসিনচিংবা তোঙান তোঙানবা সোর্সশিং অসিদগী লাকপা অদুনা ঈশিংগী রিসোর্সশিং, এক্ব্যুফর রিচার্জ, গ্রে ৱাতর মেনেজমেন্ত অসিনচিংবা অসি হেনগৎনবা মরি লৈনবা থবকশিং অসি লৌখৎকনি।

কোবিদ-১৯গী লাইচৎ থোক্লিঙৈ মনুং অসিদা, মরু ওইনা খুঙ্গংগী মীয়ামগী ঈশিং য়াফমশিংদ ক্ব্যু শাংনা লেপতুনা মীয়ামনা ঈশিং শোকপগী অৱাবা থেংনদনবা সরকারনা খুঙ্গংগী য়ুমথোং খুদিংদা তোতি কন্নেক্সনশিং পীনবা কন্না হোৎনরি। লাইরবা অমসুং শোৎথরবা সমাজকী কাংলুপশিংদা মখোয়গী য়ুমগী ওইবা মফমশিংদা তোতি কন্নেক্সনগী খুত্থাংদা ঈশিং ফংহন্দুনা অমসুং ঈশিং য়াফমশিংদা চৎতনবা অমসুং সোসিএল দিস্তেন্সিং থমদুনা খুঙ্গংগী মীয়ামবু লাইনা অসিদগী ঙাকথোকপা ঙমহনবা হায়বা অসি সরকারগী অপাম্বনি।

কালেনগী শাগৎলকপগা লোয়ননা নোংজু থা য়ৌশিল্লকপা অমসুং লৈবাক অসিনা কোবিদ-১৯গী লাইচৎ মাইয়োক্নরিঙৈ অসিদা, মাইগ্রেন্ত ৱার্করশিংনা মখোয়গী হৌরকফম ওইরিবা খুঙ্গংশিংদা হনখিবা মতমদা হীংনবগী পাম্বৈ পীবিবা হায়বা অসি তঙাইফদবা মরু ওইবা অমা ওইরি। হায়রিবা মাইগ্রেন্তশিং অসি অয়াম্বনা স্লিল্দ অমসুং সিমি-স্কিল্দ ওইবা ঙাক্তনি, খুঙ্গং খুদিংমক্তা গ্রাউন্দ ৱাত মরাং কাইনা ফংহন্দুনা ঈশিং তুংশিনবা, লৌ উনবগী ঈশিং ফংহনবা অমসুং খ্বাইদগী মরু ওইনা য়ুমথোং খুদিংদা থকনবা ঈশিং ফংহনবদা মতেং ওইনবা মখোয়গী হৈজ-শিংজবা অসি খুঙ্গংশিংগী ৱাতর সপ্লাইগা মরি লৈনবা থবকশিং মরু ওইনা তোতি মরী শম্বা, ফিৎ তৌবা, ঈশিং তুংজনহন্নবা অসিনচিংবা থবকশিং পীবদা কান্নগনি।

*****