ইলেক্ত্রোনিক অমদি আই.তি., ঐচ.আর.দি. অমসুং কম্ম্যুনিকেসনগী কেন্দ্রগী রাজ্য মন্ত্রী শ্রী সঞ্জয় ধোত্রেগী মীৎয়েং মখাদা ইলেক্ত্রোনিক অমদি আই.তি. মন্ত্রালয় (মৈতী)গী আরোগ্য সেতু এপকী কাঙবুগা মহারাস্ত্র স্তেতকী দিস্ত্রিক কল্লেক্তর খুদিংমক অমসুং এন.আই.সি.গী দি.আই.ও.শিংগা ৱারী ৱাতায় শানবগী থৌরম অমা ঙসি ভিদিও কন্ফরেন্সকী খুত্থাঙদা পাঙথোকখ্রে‍। ৱারী ৱাতায় শানখিবা অদুগী পান্দমদি আরোগ্য সেতু এপকী তোঙান তোঙানবা মশকশিংগী মরমদা স্তেত অদুগী ফিল্দ লেভেল ওফিসিএলশিংদা এৱ্যারনেস হেনগৎহনবা অমসুং মখোয়দগী ফিল্দ লেভেল ইনপুতশিং লৌখৎনবনি‍। এম.ও.এস. শ্রী ধোত্রেগা লোয়ননা মহারাস্ত্র লৈঙাক্কী হকশেলগী মন্ত্রী শ্রী রাজেশ তোপে অমসুং মহারাস্ত্র লৈঙাক্কী আই.তি. মন্ত্রী শ্রী সতেজ পতিলসু কন্ফরেন্স অদুদা শরক য়াখি‍।

কন্ফরেন্স অদুদা স্তেত অদুদা লায়না অসিনা শন্দোকপগী অকুপ্পা অমদি য়াম্না কুপথবা ৱাফমশিং খঙদোকপদা আরোগ্য সেতু ফম্পাক্তগী ফংলিবা দেতা এনালাইতিকশিং অসি য়াম্না কান্নৈ হায়বা ৱাফমশিং পুখৎলকখি‍। দেতাশিং অসি মওং চুম্না অমদি মতম চানা শীজিন্নবনা হোৎস্পোৎ ওইরকপদগী থিংহৌবা অমদি মথৌ তাবা হকশেলগী মচাক মথুমশিং নিংথীনা শিন লাঙদুনা অমদি পান্দম থমদুনা মপুঙ ফাহনবদা মতেং ওইগনি‍।

দিস্ত্রিক কল্লেক্তরশিংনসু মখোয় মখোয়গী দিস্ত্রিকশিংদা কোবিদ লাইচৎ লাকশিনবদা আরোগ্য সেতুগী দেতা শীজিন্নখিবগী ৱাফমশিং থম্নখি‍। মন্ত্রী শ্রী ধোত্রেনা লায়না অসি লাকশিনবদা কল্লেক্তরশিং অমদি ফিল্দ লেভেল ওফিসিএলশিংনা লৌরিবা থৌদাংবু থাগৎখি‍। অথুবগী তেংবাং ওইনা ভারত লৈঙাক্কী ই এন্দ আই.তি. মন্ত্রালয়না ফিল্দ লেভেল ওফিসিএলশিংদা আরোগ্য সেতু দেতা এনালাইতিক খ্বায়দগী কান্ননা শীজিন্নবগী মতাংদা মখা তাবা ত্রেনিং পীহনগনি হায়না মহাক্না স্তেত লৈঙাক্তুদা থাজবা পীখি‍।

ফিল্দ লেভেল ওফিসিএলশিংদা ৱা ঙাঙলদুনা কেন্দ্রগী এম.ও.এস. শ্রী সঞ্জয় ধোত্রেনা হায়খিবদা কোবিদ-১৯ লান্থেংনবগীদমক আরোগ্য সেতু এপ পাক শন্না শীজিন্নবা তঙাই ফদবা অমনি‍। মসিগী দেতাশিং দিস্ত্রিক এদমিনিস্ত্রেসনশিংনা কোবিইদ-১৯গী ওইবা য়াবা থ্রেতশিং খঙদোকপা অমদি মখা তানা ৱাথোক অসি লাকশিনবদা মপুং ফানা শীজিন্নবা য়াগনি‍। মহারাস্ত্র লৈঙাক্কী ইকায়খুম্নরবা হকশেলগী মন্ত্রী শ্রী রাজেশ তোপেনা কোবিদ-১৯ লান্থেংনবদা তোক্নোলোজীগী মরূ ওইবা ৱাফমশিং পনখি‍। এম.ও.এস. শ্রী ধোত্রেগী ৱাফমগী মতুং ইন্না তেক্নিকেল কাঙবু অমদি ফিল্দ ওফিসিএলশিংগী মরক্তা ৱারী ৱাতায় শানবগী থৌরম অমা শীল্লিবদু মহাক্না থাগৎপা ফোঙদোকখি‍। মহারাস্ত্র লৈঙাক্কী ইকায়খুম্নরবা আই.তি. মন্ত্রী শ্রী সতের পতেলনা আরোগ্য সেতু পাক শন্না শীজিন্ননবা ৱাফম থমখিবগা লোয়ননা দিস্ত্রিক ওফিসিএলশিংদা অহেনবা ত্রেনিং পীবনা মসিগী কান্নবা হেনগৎহনগনি হায়না ফোঙদোকখি‍।

কন্ফরেন্স অদুদা শরুক য়ারদুনা মিতৈগী সেক্রেতরী শ্রী প্রকাশশোনীনা স্তেত ওফিসিএলশিংদা ৱা ঙাঙলদুনা আরোগ্য সেতু এপকী খুত্থাঙদা ফংলিবা ইন্ফোর্মেসন শীজিন্নবগা মরী লৈনবা ৱাফমশিং থমখি‍। মহারাস্ত্র লৈঙাক্কী হকশেলগী প্রিন্সিপাল সেক্রেতরী – শ্রী প্রদীপ ভ্যাস; ভারত লৈঙাক্কী এন.আই.সি.গী দি.জি. – মিস্ত্রেস নীতা ভর্মা; ভারত লৈঙাক্কী এন.আই.সি.গী দি.দি.জি. – শ্রী আর.এস. মনি; ভারত লৈঙাক্কী এন.আই.সি.গী দি.দি.জি. – মিস্ত্রেস সীমা খন্না; মহারাস্ত্র লৈঙাক্কী মেদিকেল ইদুকেসন অমদি রিসর্চকী দিরেক্তর – দা: তত্য রাও লহানে; অমসুং আই.আই.তি. মদ্রাসকী প্রেফেসর ভি. কমাকোতিসু মীফম অদুদা শরুক য়ারদুনা কান্নরবা ৱাফম কয়া থমখি‍।

*****