কোরোনাভাইরস ঙাকথোক্নবা হৌজিক তিকা নৎত্রগা হিদাক অমতা লৈত্রি । থৱায়শিং কন্নবা লম্বীশিংদি মাক্স, লাপ্না লৈনবা অমসুং তোইনা খুৎ হাম্বনি । কোরোনাভাইরস ঙাকথোক্নবা খ্বাইদগী চুনবা মাক্স মখলগী মতাংদা ৱাল্দ হেল্থ ওর্গনাইজেসন্না পাউতাকশিং পীরি । অদুবু মতম শাংনা মাক্স শীজিন্নবনা শ্বর ফুনবা থোকহনবা য়াই অমসুং মাক্স ফজনা শীজিন্নবা অসি অরুবা অমনি । অসিগুম্বা অসি কোকহন্নবা, ইন্দিয়ান ইন্সতিতুৎ ওফ তেক্নোলোজি(বি ঐচ য়ু)গী স্কুল ওফ বাইওমেদিকেল ইঞ্জিনিয়ারিংগী দোক্তর মার্সেল অমসুং মহাক্কী কাংবুনা মহিক চংবা ঙমদবা মরোল মঙাগী মাক্স পুথোক্লে ।

মাক্স অসিনা মসিগী মপান থংবা মরোলদা পকপা লায়না থোকহনবা মহিকশিং হাৎপা ঙম্মি অমসুং মসিনা অতোপ্পদা শন্দোকপা থিংবা ঙম্মি । হৌজিক কৈথেলদা ফংলিবা মাক্সশিংগী মথৌদি মহিকশিং খৌনাউ অমসুং নাতোন্দা চংখিবা থিংবা খক্তনি অমসুং মাক্সকী মপানগী মরোলদা পকপা মহিকশিং হাৎপা ঙমদে হায়না ইন্দিয়া সাইন্স ৱায়রদা স্কুল ওফ বাইওমেদিকেল ইঞ্জিনিয়ারিংগী এসোসিয়েত প্রোফেসার দোক্তর মার্সেলনা হায়খি ।

মখোয়গী মপান থংবা মরোলদা ভাইরস নৎত্রগা বেক্তরিয়া য়াম্না য়াওবা মরম্না মাক্সশিংদা লৈরিবা অশোইবা অসি মেদিকেল অমসুং পেরামেদিকেল স্তাফশিংদা খুদোংথিনিংঙাই ওইগনি । প্রোতোনেতেদ এমাইন মেত্রিক্স য়াওবা নানোমেতেলশিংগী মরোলশিং হাপতুনা মসিগী খুদোংচাদবা অসি দোক্তর মার্সেলগী কাংবুনা কোকহনখি ।

মাক্সকী অহানবা মরোলনা মখল অমা হেক্তগী আর.এন.এ থিংবা ঙম্মি , মথংগী মরোলনা মহিক হাৎপা ঙম্মি , অহুমসুবা মরোলনা নুংশিৎ চুমথোকই অমসুং নাতোন অমসুং চিনগা নক্না লৈরিবা মরিসুবা অমসুং মঙাসুবা মরোলশিং অসিনা শীজিন্নবদা নুংঙাইনবা মরোলশিংনি । কোরি অমসুং সিলভর অসি মহিক ঙাকথোকপা ঙম্বা ধাতুশিংনি অমসুং কোরোনাভাইরস অমসুং অতোপ্পা সার্স ভাইরসগী মেম্বরশিং থিংবা ঙম্মি । দোক্তর মার্সেলনা হায়খি আর.এন.এনা থিংবা ঙম্বা কোরি, কোপ্পর ওক্সাইদ, সিলভর অমসুং একতিবেতেদ চার্জ সিলভরগী য়াশিনবা অমা ঐখোয়না শীজিন্নরি ।

কোরোনাভাইরসনা লংসশিংদা য়াম্না য়াংনা শন্দোকপা মরম্না চাংয়েং তৌনবা রিছর্স তৌরিবশিংনা লং সেলশিংগী আর.এন.এ লৌখি । অতোপ্পা সেলশিংগী আর.এন.এসু লৌখি । ঐখোয়না কেন্সর সেল অমসুং কেন্সর নত্তবা সেল অনিমক লৌখি ।হায়রিবা মোলিকুলশিং অসি ঙাকথোকপগী ঐখোয়না য়েংশিল্লে । ঐখোয়না মসি মহি অমসুং মপানদা তৈবা অনিমক্তা চাংয়েং তৌরে ।মসিগী চাংয়েং অসিনা আর.এন.এ থিংবা ঙম্মি হায়বা উৎলে । মসিগী মাক্স অসি পেতেন্ত তৌনবা থবক পায়খৎখ্রে ।

*****