প্রধানমন্ত্রীগী লোইশঙ
প্রধান মন্ত্রী অমসুং ফিলিপিন্সকী রাস্ত্রপতি অনিগী মরক্তা তেলিফোন্দা ৱারী শানখ্রে
Posted On:
09 JUN 2020 7:32PM by PIB Imphal
ঙসি প্রধান মন্ত্রী শ্রী নরেন্দ্র মোদীনা তেলিফোন্দা ফিলিপিন্সকী রাস্ত্রপতি রোদ্রিগো দুতের্তেগা ৱারি শানখি অমসুং কোবিদ-১৯ লাইচৎ শন্দোরকপদগী ওইরকলিবা অৱাবা ফিবমশিং লাকশিন্নবা সরকার অনিনা পায়খৎলিবা থবকশিংগী মতাংদা খন্নখি।
হৌজিক থেংনরিবা হকশেলগী অৱাবা মনুংদা ভারত্তা লৈরিবা ফিলিপিন্স মচাশিং নত্ত্রগা ফিলিপিন্সতা লৈরিবা ভারমচাশিংগী য়াইফনবগা লোয়ননা মখোয় ময়ুমশিংদা হন্নবা হোৎনরিবা অসিদা মতেং পীনবা মখা তানা শাংদোকপদা লুচিংবা অনিমক্না থাগৎখি। ফিলিপিন্সতা তঙাইফদবা হিদাক-লাংথকশিং ফংহন্নবা ভারতনা পায়খৎলিবা থবকশিং ফিলিপিন্সকী রাস্ত্রপতিনা থাগৎখি।
ফিলিপিন্সনা লাইচৎ অসি থেংনবদা ভারতনা পীবা য়াবা মতেং পীগনি হায়না প্রধান মন্ত্রীনা রাস্ত্রপতি দুতের্তেদা থাজবা পীখি অমসুং মমল হোংবা হিদাক-লাংথকশিং পুথোক্নবা ভারতকী তৌবা ঙম্বা থৌনা অমসুং লৈবাক অসিনা তিকা অমা পুথোকপা ঙম্বা মতমদা মদু মীওইবা খুন্নাইগী য়াইফনবা শীজিন্নগনি হায়না থাজবা পীখি।
ঙাকশেনগী মতেং পীনবা য়াওনা হিরম কয়াদা হৌখিবা চহি খর অসিদা লৈবাক অনিগী মরী খুমাং চাউশীল্লকপা উবদা লুচিংবশিংনা মখোয়গী অপেনবা ফোংদোকখি । ইন্দো-পেসিফিক লমদমদা ভারতনা ফিলিপিন্স অসি মরুওইবা মরুপ অমা ওইনা লৌই হায়না প্রধান মন্ত্রীনা ফোংদোকখি ।
ফিলিপিন্সকী নেস্নেল দে লাকপদা রাস্ত্রপতি দুতের্তে অমসুং ফিলিপিন্সকী মীয়ামদা প্রধান মন্ত্রীনা মহাক্কী য়াইফ-পাউজেল পীখি ।
*****
(Release ID: 1630558)
Visitor Counter : 180
Read this release in:
English
,
Urdu
,
Marathi
,
Hindi
,
Assamese
,
Bengali
,
Punjabi
,
Gujarati
,
Odia
,
Tamil
,
Telugu
,
Kannada
,
Malayalam