জল শক্তিগী কেন্দ্র মন্ত্রী শ্রী গজেন্দ্র সিংহ শেখৱৎনা মেঘালয়গী চীফ মিনিস্তরদা ইবা মহাক্কী চিথীদা রাজ্য অদুদা পাংথোক্লিবা জল জীবন মিশনগী (জে.জে.এম.) অদু তপ্না চংশিনবগী মতাংদা নুংনাংবা ফোংদোকখ্রে। রাজ্য অদুদা দিসেম্বর, ২০২০ফাওবদা খুঙ্গংগী ইমুং খুদিংদা তৌতীগী ঈশিংগী কনেক্সন ফংহন্নবা থৌরাং তৌরি। প্রধান মন্ত্রী নরেন্দ্র মোদীনা হৌখিবা নিংতম্বগী নুমীৎতা ৱা ঙাংবা মতমদা ফোংদোকখিবগী মতুং ইন্না রাজ্য অসিদা খুঙ্গংগী ইমুং খুদিংদা ২০২০ ফাওবদা চফুদা য়োকশিনবা থক্নবা ঈশিং ফংহন্নবগীদমক্তা তোতী ঈশিংগী (এফ.ঐচ.তি.সি.এস.) কনেক্সন তৌবগী পান্দম থম্বা, জে.জে.এম. অসি লাওথোকখি। মসিগী মিশন অসি খুঙ্গংগী নুপীশিংদা মরু ওইনা নুপীমচাশিংদা নিশাদা লাইচুবা অদু হন্থহন্নবা অশোই-অঙাম লৈতনবা অমসুং ইকাই খুম্নবা ফংহন্নবা খুৎলায় অমনি।

জল শক্তি মন্ত্রীনা তোতীগী ঈশিংগী কনেক্সন ফংহন্নবগীদমক্তা ৱাতর সপ্লাইগী সিস্তেমশিংগী রেত্রোফিতিং/চাওথোকহন্নবদা চেকশিন্না য়েংশিনবগা লোয়ননা লেপ্নখিবা মতমগী মনুংদা জে.জে.এম.গী পান্দম অদু ফংনবা মথৌ তাবা থৌরাংশিংগী অদু থুনা পায়খত্তুনা লৈরিবা পাইপ্তা ঈশিং ফংহন্নবগী স্কীম অদু মথৌ তৌবা হৌনবা রাজ্য অসিগী খু্ঙ্গং ৩,৮৯১দা ‘অভিয়ান মোদ’ তা খুদক্তা থবক পাংথোক্নবা জল শক্তিগী মন্ত্রী চীফ মিনিস্তরদা অকনবা ৱাফম থমখ্রে।

পাংথোকপা য়াবা জীলাশিং/এস.সি./এস.তি.না খুন্দাবা অমসুং সংসদ আদর্স গ্রাম য়োজনাগী মখাদা লৈবা খুঙ্গংশিংদা সেচুরেসনগী থবক অদু হান্না পায়খৎকনি।

ইমুং-মনুংদা তোতীগী কনেক্সন ফংহন্নবা অমসুং লৈরিবা ফন্দশিং অসি শিজিন্ননবগী পাংথোকপা থবকশিংদা য়ুম্ফম ওইরগা ভারত সরকারনা জল জীবন মিশনগী মখাদা ফন্দশিং অসি পীখিবনি হায়না শ্রী শেখাৱৎনা হায়খি।

২০১৯-২০গী চহীদা ইমুং লাক্ষ ১.১৭দা তোতীগী কনেক্সন ফংহনবগী পান্দমগী মায়োক্তা তোতী কনেক্সন ১,৮০০ ফংহনখ্রে। মখা তানা ২০১৯-২০দা মেঘালয়দা লুপা কোতী ৮৬.০২ পীখি অদুবু থবক তপ্পনা মরম ওইদুনা লুপা কোতী ৪৩.০১খক্তমক থাদোকখিবগী মনুংদা লুপা কোতী ১৭.৪৬ চাদিং তৌদনা লৈহৌরগা লুপা কোতী ২৬.৩৫ খক্তমক চাদিং তৌখ্রে। মেঘালয়গী চীফ মিনিস্তরদা ২০২০-২১দা লুপা কোতী ১৭৪.৯২দা হেনগৎখ্রে হায়না পাও পীরদুনা অমসুং লুপা ক্রোর ১৭.৪৬কী বেলেঞ্চ হাংদোক্তুনা অমসুং চহী অসিগী লুপা কোতী ১৪৭.৯২ পীবগী অয়াবা অসিগা কোন্ননা মেঘালয়না কেন্দ্রগী ফন্দ লুপা কোতী ১৭৯২.৩৮ ফংলে হায়বগী অচেৎপা ৱাফম থমখ্রে। রাজ্যগী শরুক অদুগা পাশিল্লগা রাজ্য অসিনা জে.জে.এম.গী ওইনা ২০২০-২১দা লুপা কোতী ২১৬ লৈরগনি। খুঙ্গংগী ইমুং খুদিংদা থকপা য়াবা ঈশিং ফংহনবা হায়বসি জাতী অসিগী মরু ওইবা তবক্নি অমসুং রাজ্য অসিনা লেপ্নবা মতমগী মনুংদা থবক অসি পাংথোক্নবা হোৎনবা য়াবা হোৎনগনি হায়না শ্রী শেখাৱৎনা ফোংদোকখ্রে।

তুং কোইনা ঈশিং সপ্লাই তৌবগী সিস্তেম অসি লৈহনবগী মরু ওইবা অদুগীদা ৱাফম থম্লদুনা কেন্দ্রগী মন্ত্রীনা থক্নবগী ঈশিং ফংফমশিং অসি মতম কুইনা ঈশিং সপ্লাই তৌবগী সিস্তেমগী মওংদা শেম্নবা পাওতাক পীখি। থৌরাং অসি খুঙ্গংগী থাক্তা পাংথোক্কদবনি অমসুং খুঙ্গং খুদিংদা ভিলেজ এক্সন প্লান (ভি.এ.পি.) অসি লৈরিবা রিসোর্সশিং অসি তোঙান-তৌঙানবা প্রোগ্রামশিং হায়বদি এম.জি.এন.আর.ই.জি.এস., এস.বি.এম., পি.আর.আই.গী ১৫শুবা ফাইনান্স কম্মিসন, কোম্পা ফন্দশিং, দিস্ত্রিক্ত মিনরেল দিভেলপমেন্ত ফন্দ, লোকেল এরিয়া দিভেলপমেন্ত ফন্দনচিংবশিং অসি অমত্তা ওইনা পুনশিল্লগা তৌরকপা ওইগদবনি। লোকেল ভিলেজ কম্ম্যুনিতী/ গ্রাম পঞ্চায়ৎ অমসুং খুঙ্গংশিং অসিদা তুং-কৌইনা লৈগদবা ঈশিং অসি অশোই-অঙাম লৈহন্দনবগীদমক অতোপ্পা গ্রুপশিংনা থৌরাং, থবক পাংহল্লিবা, য়েংশিন্দুনা নিংথিনা তৌহল্লিবা, থবকশিং অমসুং ঈশিংগী সপ্লাই তৌবগী সিস্তেমশিং অৱাৎ-অপা য়েংশিল্লিবশিংদা শিজিন্নরিবা গ্রপশিংনা য়াওশিনবগী মথৌ তাই হায়বগী মায়কৈদা মখা তানা ৱাফম ফোংদোকখি। খুঙ্গং খুদিংমক্তা জল জীবন মিশন অসি অশেংবা মীয়ামগী খোংজং অমা ওইহন্নবা থবক পায়খৎপা ওইনা কাংলুপ ওইনা মীশিং পুনশিন্নরগা আই.ই.সি. কেম্পেন তৌগদবনি।

২০২০-২১দা মেঘালয়দা লুপা কোতী ১৮২ অসি পি.আর.আই.শিংদা ১৫শুবা ফাইনান্স কম্মিসন ওইনা ফংহনখ্রে অমসুং শেনফম অসিগী চাদা ৫০ অসি শোইদনা ঈশিং পীনবা অমসুং মহীক-মতাই লৈহন্দনবদা শিজিন্নগদবনি। স্বচ্ছ ভারত মিশন (জি)গী মখাদা লৈবা ফন্দশিং অসি অনৈবা ঈশিংশিং ফহন্নবদা অমসুং অমুক হন্না শিজিন্ননবগীদমক শিজিন্নগদবনি।

তমথিরবা কোবিদ-১৯ থোরকপদগী মীশিংনা স্তেন্দ-পোস্তশিং/ময়ামগী ঈশিং ফংফমশিংদা মী পুন্দবা হায়বসি য়াম্না মরু ওইরে। মেঘালয়গী সি.এম.না খুঙ্গং খুদিংমক্তা লাপথোক্না লৈবদা মতেং পাংনবা ঈশিং পীবগী থবক অসি ইমুং খুদিংদা তোতীগী কনেক্সন ফংহন্নবা হায়খ্রে অমসুং মসিনা মফমদুগী মীশিং/মাইগ্রেন্তশিং থবক ফংহনবদা অমসুং খুঙ্গংগী শেন্মীৎলোন খংহেন হেনগৎহনবদা মতেং পাংগনি।

জল শক্তিগী মন্ত্রীনা মেঘালয়গী সি.এম.দা রাজ্য অসি দিসেম্বর ২০২২ফাওবদা ‘১০০% এফ.ঐচ.তি.সি.গী রাজ্য’ অমা ওইহনবদা মপুং ওইবা মতেং পাংগনি হায়বদি অচেৎপা ৱাফম থমখি অমসুং য়াম্না থুনা ভিদিও কনফরেন্সকী থোংদা জে.জে.এম.গী থৌরাংশিং অমসুং থবক পাংথোকহনবশিংগী মতাংদা খন্ননিংবগী অপাম্বা ফোংদোকখি।

*****