সাইন্স অমসুং তেক্নোলোজী মন্ত্রালয়
সি.এস.আই.আর.গী কেন্সর লায়েংনবা হিদাক আই.আই.আই.এম.-২৯০ ক্লিনিকেল ত্রাইয়েলগী থাক য়ৌশিল্লক্লে
Posted On:
08 JUN 2020 8:46PM by PIB Imphal
সি.এস.আই.আর.গী লেব অমা ওইরিবা সি.এস.আই.আর.-ইন্দিয়ান ইন্সতিতুৎ ওফ ইন্তেগ্রেতিব মেদিসিন (আই.আই.আই.এম.) জম্মুনা পুথোকপা পেনক্রিয়াতিক কেন্সর ফহনবা ঙম্বা ন্যু কেমিকেল ইন্তাইতি (এন.সি.ই. ) অমা মাইপাক্না ক্লিনিকেল মমাংগী থবকশিং পাংথোক্লবা অমসুং আই.এন.দি. সবমিসন তৌরবা মতুংদা সেন্ত্রেল দ্রগস স্তেন্দার্দ কন্ত্রোল ওর্গনাইজেসন (সি.দি.এস.সি.ও.)গী ন্যু দ্রগস দিবজনদগী ইনভেস্তিকেসনেল ন্যু দ্রগ(আই.এন.দি.)গী অয়াবা ফংলে। মসিদা পেনক্রিয়াতিক কেন্সর অনাবশিংদা মরুওইবা হিদাক আই.আই.আই.এম.-২৯০ ক্লিনিকেল ত্রাইয়েল তৌনবগী সি.এস.আই.আর.-আই.আই.আই.এম.গী লম্বী অমা শেম্লগনি । পেনক্রিয়াতিক কেন্সর অনাবা মীওইশিংদা কম্পাউন্দ অসি শীজিন্নবা মতমদা ওইরক্কদবা ফিবমশিং অদু য়েংশিন্নবা পায়খৎনবা হোৎনরিবা ক্লিনিকেল ত্রাইয়েল অসিনা পান্দম থম্লি। মসিগী হিদাক অসি .এস.আই.আর.-আই.আই.আই.এম.গী হিদাক পুথোক্নবা থৌরমগী শরুক অমা মহৌশা ফংবা পোৎলমশিংদগী শুংবনি।
সি.এস.আই.আর.-আই.আই.আই.এম.গী দিরেক্তর দোক্তর রাম বিশ্বকর্মনা লুচিংবা সাইন্তিসশিং হায়বদি সনদিপ ভারতে, সোনালি ভারতে, দিলিপ মোন্ধে, সাসি ভুষন অমসুং সুমিত গান্ধীগী কাংবু অদু সি.এস.আই.আর.দি.জি. দোক্তর সেখর মানদেনা থাগৎখি। পেনক্রিয়াতিক কেন্সর ফহনবা ঙম্বা হিদাক অসিগী ক্লিনিকেল ত্রাইয়েলশিং পাংথোক্নবগীদমক অয়াবা লৌনবা মখোয়না চহি ১০ অৱাংবা থাক্কী রিছর্স অমা পাংথোকখি।
পাংথোকখিবা আর অমসুং দি অদুগী মতাংদা দিরেক্তর দোক্তর রাম বিশ্বকর্মনা হায়খি এন.সি.আই.-৬০ কেন্সর সেল লাইন পেনেলশিংগী মায়োক্তা থবক পাংথোকপা ঙম্বা হিদাক মচল অসিদা মীয়াম্না ইন্দিয়ান হ্বাইত সেদার হায়না খঙনবা ৱেস্তর্ন ঘাৎতা ফংবা উ পাম্বী (দাইসোজাইলম বাইনেকতারিফেরম) অমগী মনাদগী ফংবা মোলিকুল রোহিতুকিনে য়াওরি। হৌখিবা চহি অহুম অসিদা রিছর্স তৌরিবা সাইন্তিসশিংনা প্রি-ক্লিনিকেল সেফতি, রিগুলেতোরি অমসুং আই.এন.দি.গী মতাংদা থিজিনবা লোইরে অমসুং মালেমগী ওইনা পেতেন্ত ফংলে অমসুং ২০১৮দা জর্নেল ওফ মেদিসিনেল কেমিস্ত্রিদা ফোংখ্রে।
হৌজিক মালেমগী ওইনা পেনক্রিয়াতিক কেন্সর অসি খ্বাইদগী নাগনবা কেন্সরশিংগী মরক্তা ১২সুবদা লৈরি অমসুং মী য়াম্না শিগনবা কেন্সরশিংগী মনুংদা ৪সুবদা লৈরি। ভারতকী ওইনা নুপা ১০০,০০০গী মনুংদা চাদা ০.৫-২.৪ অমসুং নুপী ১০০,০০০দা চাদা ০.২-১.৮ পেনক্রিয়াতিক কেন্সর নারি। মালেমগী ওইনা লায়না অসিনা চহি অমদা মীওই মিল্লিয়ন অমগী ক্বাতর অমা শিহল্লি। মসি য়াম্না থেংনা খঙবা মরম্না মসিগী কেন্সর অসি লায়েংবা ঙমদবা কেন্সর মখল অমা ওইরি অমসুং মসিগী কেন্সর অসি লায়েংনবা হিদাক য়াম্না তাংলি। লৈবাক অসিদা পুথোক্লিবা হিদাক অসিনা পেনক্রিয়াতিক কেন্সর লায়েংনবগী খুদোংচাবা অমা ফংহল্লগনি।
*****
(Release ID: 1630409)
Visitor Counter : 153