নীতি আয়োগনা অহানবা ওইনা অগামি অমসুং ওমিদয়ার নেৎৱর্ক ইন্দিয়াগা খুৎশম্নদুনা মরু ওইবা স্তেকহোলদর্শিংবু পুন্না খোমজিন্দুনা ভারত্তা ওনলাইন দিসপ্যুৎ রিসোল্যুসন (ও.দি.আর.) থুগৎহন্নবা জুন ৬, ২০২০দা ভর্চুএলগী মীফম অমা ফমখ্রে।

ও.দি.আর. অসি য়েৎনবশিংবু, মরু ওইনা অপিকপা অমসুং ময়ায় ওইরপকী মমল লৈবা কেসশিং, ৱা-শন্তাইনবনচিংবা দিজিতেল তেক্নোলোজী অমসুং ওল্তর্নেত দিসপ্যুৎ রিজোল্যুসন (এ.দি.আর.) শিজিন্নদুনা ৱারোইশিন পুরকপনি। জুদিসিয়ারীগী থৌশিলগী মরম ওইদুনা কোর্তশিং দিজিতাইজ তৌবা হৌরক্লিঙৈ অসিদা লাকশিনবা অমসুং ৱারোইশিন পুরকপগী হেন্না কান্নবা, হোঙদোক হোঙজিন তৌবা য়াবা অমসুং মতেং পাংনবগী থৌওং অমা য়াম্না তঙাই ফদ্রে। ও.দি.আর.না য়েৎনবশিংবু মতিক চানা অমসুং শেল চংদনা ৱারোইশিন পুরকপদা মতেং পাংগনি।

সুপ্রিম কোর্তকী সেনিয়র জজশিং, মরু ওইবা সরকারগী মন্ত্রালয়শিংগী সেক্রেতরীশিং, ইন্দস্ত্রীগী মকোক থোংবশিং, আইনগী অখং-অহৈশিং অমসুং মকোক থোংবা ইন্তর্প্রাইসশিংগী জেনেরেল কাউন্সেলশিংনা মাংদা লৈরিবা অসিগী কান্নবা অমসুং খুদোংচাবশিং থিদোক্তুনা খংখ্রবনি।

মসিদা ময়াম্না য়ান্নবা হীরমদি স্তেকহোলদর কয়া অমনা পুন্না চৎমিন্নবগী য়ান্নবা পুরক্তুনা ভারত্তা য়েৎনবশিংগী ৱারোইশিন অসি ওনলাইন্দগী পুরক্নবা পুন্না হোৎনমিন্নবা অসিনি।

নীতি আয়োগকী সি.ই.ও. অমিতাভ কান্তনা মীয়াম্বু ওকপগী ৱারোলদা অসুম্না হায়খি, “ মসিগী পুৱারী ওইরবা মীফম অসি লায়চৎ অসিগী মতুংদা অচুম্বা ৱায়েল ফংনবা তেক্নোলোজী শিজিন্নদুনা হেন্না কান্নবা অসুং শেল চংদবা থৌওং অমা পুরক্নবা পুন্না হোৎনমিন্নবগী থৌওং অমা হৌদোকপনি”।

জস্তিস দি.ৱাই. চন্দ্রচুরনা তেক্নোলোজী অমসুং অচুম্বা ৱায়েল ফংবগী মতাংদা ৱা ঙাংবদা মীওইবগী ৱাখল্লোন্দা হোংদোক্ত্রবা য়াদ্রবা খরা লৈ অমসুং য়েৎনবগী ৱারোইশিন পুরকপা অসি অচুম্বা ৱায়েল পুরকফম কোর্ত অসি মফম অমা ওইনা উদে, মফমসিদা ফংলিবা সেবা অসি ওইনা উই হায়না হায়খি।

হৌজিক ওইরিবা কোবিদ-১৯গী লায়চৎ অসিদা ও.দি.আর.গী তঙাইফদবা অসিগী মতাংদা পল্লদুনা জস্তিস সঞ্জয় কিশন কাউলনা হায়খিবদা ঐখোয়না অহানবদা কোবিদ কা মরী লৈনবা য়েৎনবশিংদা পান্দম থমসি (ও.দি.আর.গী খুত্থাংদা) মরমদি মতাং অসি য়েংলুবদা অসিগুম্বা মীওইশিং অসিনা মখোয়গী য়েৎনবশিং অসি অথুবা মতমদা লোইশন্নিংই। মসিনা ঐখোয়গী শেন্মিৎলোনবু হিংগৎহনবগী মরু ওইবা শরুক অমা ওইগনি হায়খি।

জস্তিস ইন্দু মলহোত্রানা ও.দি.আর. চাউখৎহন্নবগীদমক্তা খন্নবদা য়াওবা য়াবা খেৎনবা খরা লৈবা অকক্নবশিংগী মতাংদা পনখি। ‘ও.দি.আর. নত্ত্রগা এ.দি.আর. অসি মীয়াম্না অপাম্বগী মতুং ইন্না পাংথোকপা মতমদা মসিগী ৱাহন্থোক মাংগনি। মসি শোইদনা পাংথোক্কদবা অমা (অকক্নবা কাংলুপ খরগী) ওইহনগদবনি অমসুং মীয়ম্না মসি তৌফম থোকপগী ওইনা পাংথোকপনি হায়না খন্দনবা চাউরাক্না (সেসন) অহুম কোনগদবনি’, হায়না মহাক্না মখা তাখি।

জস্তিস (রিতায়রদ) এ.কে. সিক্রি না মফম মতম চাবা, অচুম্বা ওইবা, মতম চংদবা অমসুং শেল তিংদবা ও.দি.আর.গী কান্নবা কয়া পুথোরকখি। ভারত সরকারগী লো সেক্রেতরী অনুপ কুমার মেন্দিরত্তানা লন্নাইগী ও.দি.আর. অমসুং এ.দি.আর.পীবশিংবু লৈবাক অসিগী তোঙান তোঙানবা ইনদস্ত্রী অমসুং মফম কয়াদা য়ৌহন্নবা অমসুং পব্লিক ইন্সতিত্যুসনশিংগী চাউরবা মওং অমদা ঙাক্লৌ পীহন্নবগীদমক মখোয়গী থৌদাংশিং অসিবু থাগৎফম থোকই অমসুং সরকারসু ৱাখল চাউনা খল্লি হায়না হায়খি।

ইনফোসিস্কী নন-একজেক্যুতিব চেয়রমেন নন্দন নিলেকানিনা অচুম্বা ৱায়েল পীবগী মহাক্কী ৱাখল্লোন্সু ফোংদোকখি। তুংদা লাক্কদৌরিবা মতম অসি ওফলাইন কোর্ত, ওনলাইন কোর্ত অমসুং ও.দি.আর.গুম্বা হীরম অনিমক্কী খ্বাইদগী ফবশিংগী অপুনবা মোদেল অমা ওইরগনি। অসিগুম্বা অপুনবা মোদেল অসিগী থবক তৌবগী মওং মতৌশিং অসি ঐখোয়না খংবা তাই অমসুং মসিগীদমক্তা দেতা য়াম্না চংগনি হায়না মহাক্না হায়খি।

মালেমগী ও.দি.আর.গী লুচিংবা ওইরিবা কোলিন রুলনা তেক ফ্রন্তিয়রদা ভারতনা পাংথোক্লিবা থবকশিং অসিবু অতৈনসু তৌনবা হায়দুনা লাক্লি। ভারত অসি তোঙানবা সেক্তর কয়াগী মকোক থোংনা লৈবা অসিনা মালেমগী লুচিংবা অমনি হায়না য়েংনরি হায়না মহাক্না হায়খি। ওনলাইন্দা ৱাকৎ পীবগী থৌওং অসিদা হেন্না মশক খংহনবগী তঙাই ফদবা অমদি লৈ হায়না মহাক্না মখা তাখি।

অগামিগী কো-ফাউন্দর সচিন মলহান্না হায়খিবদা ভারতনা কৈদৌনুংদা ওন্তোপ্রিনিয়রশিপ নত্ত্রগা ৱারোইশিন পুশিনবা ঙম্বগী অৱাৎপা লৈতে হায়খি। ঐখোয়গী স্তার্ত-অপ শিংনা ময়েক শেংবা অমসুং পুক্নিং থৌগৎপগী মতুং ইন্না থবক তৌবদা অচুম্বা ৱায়েল পীবা অমসুং নুংঙাইনা কারবার তৌবা য়াম্না হেনগৎলক্কনি হায়না মখা তাখি।

শেল পুবগী, পীবগী লন-থুমগী, কম্মর্স অমসুং পোৎ য়োনবনচিংবা মরু ওইবা কোর্তনা থুনা ৱারোইশিন পুরক্তুনা ও.দি.আর. পীবগী তঙাইফদবা অমা কোবিদ-১৯গী ইরাং অসিনা লৈহল্লক্লি। লাক্কদৌরিবা থাশিং অসিদা তঙাই ফদনা লোইশিন্দবা য়াদবা ৱারোইশিন কয়া অমা পীবসি ও.দি.আর.না পীরবা য়াই।

মরক্তা ফমখিবা মীফম কয়ানা ভারত্তা লৈবা ও.দি.আর.গী খুদোংচাবা কয়া অসি মশক খংনরক্লি। শক্লোন কয়াদা অচুম্বা ৱায়েল পীনবগীদমক্তা লাক্কদৌরিবা চয়োলশিংদা স্তেকহোলদর ময়াম অমনা খুৎশম্নদুনা পাংথোক্কনি।

*****