মিসন সাগরগী শরুক অমা ওইনা, ইন্দিয়ন নেভেলগী জহাজ কেসরীনা সিশেল্সকী পোর্ত ভিক্তোরিয়াদা জুন ৭, ২০২০দা চঙখ্রে। ভারত সরকারনা অসিগুম্বা খুদোংচাদ্রবা মতম অসিদা মরুপ ওইমিন্নরিবা মপান লৈবাকশিংগা কোবিদে-১৯ লাইচৎ লাকশিন্নবা হোৎনবদা মতেং পাংলি অমসুং মসিগী পান্দম অমা ওইনা আই.এন.এস. কেসরীনা কোবিদ-১৯গা মরী লৈনবা তঙাইফদবা হিদাক লাংথকশিং সিশেল্সকী মীয়ামগীদমক পুদুনা চৎলি।

ভারত সরকারনা সিশেল্স সরকারদা হিদাক লাংথকশিং খুৎশিন্নবগী থৌরম অমা হৌনবী মতুং ইন্না জুন ৭, ২০২০দা পাঙথোকখ্রে। রাজ্যগী মপান থৌরমগী সেক্রেতরী হিজ এক্সিলেন্সী এম্বেসেদর বেরী ফোর অমসুং রাজ্যগী হকশেলগী সেক্রেতরী হিজ এক্সিলেন্সী এম্বেসেদর মেরী পিয়রি লোইদনা থৌরম অদুদা সিশেল্স সরকারগী মহুৎ শিনখি। ভারতকী নাকন্দা সিশেল্সতা লৈবা হায় কম্মিসনর হিস এক্সিলেন্সী জেনরেল দলবির সিংহ সুহাগ পি.ভি.এস.এম., য়ু.ৱাই.এস.এম. এ.ভি.এস.এম., ভি.এস.এম. (রিতায়র্দ) অমসুং ভারতকী হাই কম্মিসনরদা অনীশুবা সেক্রেতরী ওইরিবা মিস্তর অশ্বিন ভাস্করন্না মহুৎ শিনখি।

সিশেল্সদা পাংলিবা মতেং অসি ভারত সরকারনা কোবিদ-১৯ লাইচৎকী মনুং অসিদা 'মিসন সাগর'না লৈবাক অনীনা কোবিদ-১৯ থেংননবা হোৎনরিবা অসিদা লৈবাক অনী অসিগী মরক্তা লৈনরিবা মরী অমসুং মসিগী তুংদা লাক্কদবা ফলশিং অসি চেৎশিলহন্নবনি। মতেং পাংবা থারিবা অসিনা ঐখোয়গী প্রধান মন্ত্রীগী মঙলান্দা 'সাগর' লৈবাকশিংদা সেক্যুরিতী অমসুং চাউখৎপা পুরক্নবা হোৎনরিবা অসি মপুং ফাহনলগনি অমসুং আই.ও.আর. লৈবাকশিংগা ভারতনা মরী ফগৎনবা হোৎনখিবদু শাফোংলি। হায়রিবা থৌরাং অসি মপাল থৌরম পুবা মন্ত্রালয় অমসুং অতোপ্পা ভারত সরকারগী এজেন্সীশিংগা লোইননা নক্না চৎমিন্নদুনা খুমাং চাউশিল্লি।

*****