দিপার্তমেন্ত ওফ সাইন্স তেক্নোলজীগী মনিং তম্বা আর. এন্দ দি.গী মশা অমা ওইরিবা ইন্তর্নেস্নেল এদভান্সদ রিসর্চ সেন্তর ফোর পাউদর মেতাল্লর্জী এন্দ ন্যু মেতরিএল (এ.আর.সি.আই.)গী সাইন্তিস্তশিংনা রেয়র আর্থতা য়ুম্ফম ওইবা কেন্সর মায় পাক্না লায়েংবদা শিজিন্নবা য়াবা মেগ্নেতোকেলোরিক মেতরিএল অমা পুথোকখ্রে। এ.আর.সি.আই.না পুথোক্লিবা মেগ্নেতোকেলোরিক মেতরিএল (অকক্নবা মেতরিএল অমনি, মসিদা মেগ্নেতিক ফিল্দ পীশিনবা অমসুং লৌথোকপা মতমদা মেতরিএল অসি শাগৎহনবা অমসুং ইংথহনবা য়াবা) অসি স্রী চিত্রা তিরুনাল ইন্সতিত্যুত ওফ মেদিকেল সাইন্সস অমসুং তেক্নোলোজী (এস.সি.তি.আই.এম.এস.তি.)দা চাংয়েং তৌরি। এল্লোয়শিং অমসুং কম্পাউন্দশিংগী চেফোংদা রিসর্চ অসিগী চেরোল অমা ফোংখিবা লৈরবনি।

মেগ্নেতিক ওইবা মেতরিএলশিংগী হীরম অসিদা চাউখৎলকপদগী কেমোথেরাপীগুম্বা কেন্সর লায়েংবগী থৌওংনা সাইদ ইফেক্ত থোকপগী থৌওংশিং অসিবু য়েংশিন্নবা মেগ্নেতিক হাইপর্থর্মীয়া পুথোকপগী লম্বী য়াৎলি। মেগ্নেতিক হাইপর্থর্মীয়াদা মেগ্নেতিক নেনোপার্তিকল অসি গাউস খরগী অলতর্নেতিং মেগ্নেতিক ফিল্দ পীদুনা মেগ্নেতিক রিলেক্সেসন মাংহন্দুনা মৈশা পুথোকই। অয়াম্বা মতমদা ত্যুমর সেলশিং হাৎনবা তঙাই ফদবা মৈশা অসি ৪০ অমসুং ৪৫^০ সি.গী মনুংদা লৈগল্লি। অদুবু মেগ্নেতিক হাইপর্থর্মীয়া নিংথিনা পাংথোকহনবা ঙমদদুনা মৈশা লাকশিনবা ঙমদবা মরম্না হকচাংগী ফনা লৈবা সেলশিংদা অকায়বা পী অমসুং ব্লদ প্রেসর্দা হেনগৎলকপগুম্বা সাইদ ইফেক্তসু থোকহল্লি।

হায়রিবা খুদোংচাদবশিং অসি মেগ্নেতোকেলোরিক মেতরিএলশিং শিজিন্নদুনা থোকহন্দবা য়াই মরমদি মসিনা লাকশিল্লবা মৈশা পুথোকই। মেগ্নেতোকেলোরিক মেতরিএলদা মেগ্নেতিক ফিল্দ পীশিনবা অমসুং লৌথোকপদগী মথংশিৎনা মৈশাবু হেনগৎহনবা অমসুং নেমথহনবা ঙম্বগী কান্নবা অসিদি মেগ্নেতিক ফিল্দ লৌথোক্লবা ফাওবদা মেগ্নেতিক নেনোপার্তিকলশিংদা অহেনবা মৈশা অদুম লৈবগুম্না হায়রিবা অসিদদি মেগ্নেতিক ফিল্দ হেক লৌথোকপগা অহেনবা মৈশা লৈহন্দনা ইংথবা ঙম্বা অসিনি।

উৎলিবা লাই ১- মেগ্নেতোকেলোরিক ইফেক্তঃ মেগ্নেতিক ফিল্দ পীশিনবা মতমদা মৈশা পীবা অমসুং মেগ্নেতিক ফিল্দ লৌথোকপা মতমদা ইংথহনবগী মওং নৈনবা

এ.আর.সি.আই.দা লৈরিবা কাংবু অসিনা রেয়র-আর্থ মেতরিলে খরদি মীওইবগী হকচাংগা চান্নবনা এল্লোয়দা য়ুম্ফম ওইবা রেয়র-আর্থ খনখি। মখোয়না এল্লোয়গী য়ানশিন্নবা অসিগী ক্যুরি তেম্পেরেচর অসি কেন্সর সেলশিং হাৎপা ঙম্বা থেরাপ্যুতিক রেঞ্জ (৪২-৪৬^০ সি.)কী ময়াদা পুরক্নবা শেমদোকখি। অহানবা থাক্কী হাইপর্থর্মীয়াগী চাং অসি এস.সি.তি.আই.এম.এস.তি.দা মিনিৎ খুদিংগী তেম্পেরেচর ওন্দুনা মিনিৎ ১৫গী এম্ব্রেল ইজী হীৎ লেবোরেতরী ইন্দক্সন হীতিং সীস্তেম শিজিন্নদুনা পাংথোকখি (অয়েকপা লাই ২)। দ্রাই পাউদর্দা মেগ্নেতিক ফিল্দ পীশিনবা মতমদা রেয়র-আর্থ নেনোপার্তিকলগী তেম্পেরেচর অসি ৫৯^০ সি.দা হেনগৎলকই। ত্যুমরশিংদা চংবগী মওং পুথোক্নবা হায়দুনা পার্তিকলশিং অসি দিস্তিল্দ ওইরবা ঈশিংদা চায়থোকহল্লি অমসুং মসিদা তেম্পেরচর অসি ৩৮^০ সি. য়ৌবা থেংনখি। মেগ্নেতিক ফিল্দ হেনগৎপগী মতুং ইন্না মৈশাদসু হেনগৎলক্কনি হায়বগী থাজবা লৈখি। এ.আর.সি.আই. অমসুং এস.সি.তি.আই.এম.এস.তি.না দেতা হেন্না খংবা ঙম্নবা হায়দুনা ০.৫ তেস্লাগী অৱাংবা মেগ্নেতিক ফিল্দগী এম.আর.আই.দা চাংয়েং তৌননবা মহিদা চায়থোক্লবা রেয়র-আর্থ নেনোপার্তিকলগা লোয়নবা ত্যুমর সেলশিং ভাইত্রো মিজর্মেন্তশিং পাংথোক্লি।

অয়েকপা লাই ২- হাইপর্থর্মীয়াগী চাং ওনবদা নেনোপার্তিকলদা য়ুম্ফম ওইবা দ্রাই রেয়র-আর্থতা তেম্পেরেচর হেনগৎপা উবা ফংই অমসুং দিস্তিল্দ ঈশিংদা চায়থোকপা মতমদনা তেম্পেরেচরদা হন্থরকপা উবা ফংই

রেদিও থেরাপীগা লোয়ননা পাংথোকমিন্নবদা থৌওং অসিনা মীওইবগী হকচাংদা থোকহনবা সাইদ ইফেক্ত অমসুং লায়েংবগী মতম হন্থহনগনি।

[অকুপ্পা মরোলগীদমক্তা দাক্তর এস. কবিতা (srikanti.kavita[at]gmail[dot]com) দা পাউ ফাওবা য়াগনি]

চেফোনগী অকুপ্পা মরোলঃ [এ.এম. তিশিন, ৱাই.আই. স্পিচকিন, দি মেগ্নেতোকেলোরিক ইফেক্ত অমসুং মসিগী শিজিন্নফম, ব্রিস্তোল, এম.এ., য়ু.এস.এ.: আই.ও.পি., (২০০৩), এস. কবিতা, জি. অনুশা, পি. ভত্ত, ভি. সুরেশ, আর. বিজয়, কে. সেতুপতি, আর. গোপালন, জর্নেল ওফ এল্লোয়স এন্দ কম্পাউন্দস ৮১৭ (২০২০) ১৫৩২৩২])

https://doi.org/10.1016/j.jallcom.2019.153232]

*****