বহরেন অমসুং ওমানদগী হলকপা ভারত মচা ১৭৬ কোচিগী নেভেল বেজদা ঙসি মপুং ফানা ক্বরেন্তিন তৌবা লোইখ্রে। হৌখিবা হপ্তা অনিদগী সাউদর্ন নেভেল কমান্দ কোবিদ কেয়র সেন্তর (সি.সি.সি.)দা লৈরকখিবা রেসিদেন্সশিং হৌজিক লৈবাক অসিগী তোঙান-তোঙানবা শরুকশিংদা চৎখ্রগনি।

সি.সি.সি.দা মখোয়না লৈরিঙৈ মনুংদা মখোয়দা চাকলেনশিং, পর্সোনেল হাইজিন কিৎশিং, সুপর্ভাইজ মেদিকেল কেয়র, ৱাইফাই অমসুং তেলিফোনগী খুদোংচাবশিং, অনৌবা বি.এস.এন.এল. সিম কার্দশিং ফংহনখি লোয়ননা করেন্সী একচেঞ্জ তৌবগী খুদোংচাবসু ফংহনখি।

রেসিদেন্ত পুম্নমক মখোয়না লৈরিঙৈ মতম মনুংদা আর.তি.-পি.সি.আর. তেস্তশিং তৌখি অমদি থাদোক্ত্রিঙৈ মাংওইননা নেগতিব ওইখি।

ওমানদগী হলকপা ভারত মচা ৪৯ ঙসি সি.সি.সি.দগী থাদোকখ্রে, অদুগা বহরেনদগী হলকপা ১২৭না জুন ১ অমসুং ২গী মরক্তা ইন্দিয়ন নেভী ফেসিলিতী থাদোকখি।

ফমুং ২০০গী কেপাসিতী অমগা লোয়ননা কোচিদা লৈরিবা নেভীগী ক্বরেন্তিন ফেসিলিতী অসি মার্স ২০দা শেমগৎখি অমদি ছুতিগী মতুং মথৌগীদমক কোচিদা হলকপা নেভীগী পর্সোনেলশিংমগীদমক ত্রান্সিৎ ক্বরেন্তিন কেম্প অমগুম মথৌ তৌখি। বহরেন অমসুং ওমানদগী হলকপশিংগীদমক মসিবু মোদিফাই তৌখি। কেম্প অসি ত্রেন তৌরবা নেভীগী দোক্তরশিং অমদি সাউদর্ন নেভেল কমান্দদা স্কুল ওফ নেভেল এয়রমেন (এস.এফ.এন.এ.) দগী পর্সোনেলশিংনা মেনেজ তৌরি।

কোবিদ-১৯গী মায়োক্তা লৈবাক অসিনা শোক্নরিবা লান্দা ভারতকী নোভীনা তেংবাংবা লেপত্রি অমদি হর কাম দেশ কে নামদা কত্থোকপগী মায়কৈদা মসিগী ৱারেপ মখা তানা চত্থরি।

_________________________________________________________________________