রেলৱে মন্ত্রালয়
আর.পি.এফ. ওফিসিএলগী মথৌদা কত্থোকপা অমসুং মথৌনানা মীপুম খুদিংমক্কী থম্মোয়বু জয় তৌখ্রে
শ্রী পীয়ুশ গোয়লনা শিংথানিংঙাই ওইবা থবক অসি থাগৎখ্রে অমসুং শেলগী মনা লাওথোকখ্রে
Posted On:
04 JUN 2020 3:58PM by PIB Imphal
রেলৱেজ অমদি কম্মর্স অমসুং ইন্দস্ত্রীগী মন্ত্রী শ্রী পীয়ুশ গোয়লনা আর.পি.এফ. কন্সতেবল শ্রী ইন্দর সিংহ য়াদবকী শিংথানিংঙাই ওইরবা থবক অদুগীদমক থাগৎপা ফোংদোকখ্রে অমসুং ইকাই খুম্নবা উৎপা ওইনা শেলগী মনা পীনবা লাওথোকখ্রে। শ্রী য়াদবনা চেল্লিবা ত্রেন অমগী মতুংদা চেন্দুনা তান্নরগা থা ৪গী অঙাং অমগীদমক শঙ্গোম পীবিদুনা মহাক্কী মথৌদাংদা কত্থোকপা অদু উৎখি।
শ্রীমতী শরিফ হশমী অসি মহাক্কী মপুরোইবা শ্রী হশীন হশমীগা মাগী থা ৪গী অঙাংগা কোন্ননা বেলগমদগী গোরখপুর য়ৌগদবা শ্রমিক স্পীসিএল ত্রেন্দা তোংদুনা চৎলম্মী। মমাংগী স্তেসনশিং অদুদা অঙাং অদু পীথক্নবা শঙ্গোম ফংদবদগী মহাক্কী অঙাং অদুনা শঙ্গোমগীদমক কপ্পা অদুদা মহাক্না ভোপাল স্তেসন্দা কন্সতেবল শ্রী য়াদবতগী মতেং নীরম্মি।
শ্রী য়াদব সিংহনা খুদক্তা চেন্দুনা ভোপাল স্তেসনগী মপান্দগী শঙ্গোম পেকেৎ অমা লৌরুরম্মি অদুবু ত্রেন অদু চৎপা হৌরকখিরম্মী। কন্সতেবল অদুনা মীওইবা অমা ওইবগী মতৌ অদু উৎলদুনা চেল্লিবা ত্রেন অদুগী মতুংদা চেন্দুনা কোচ অদুদা লৈরিবা নুপী অদুদা শঙ্গোম অদু পীরম্মি।
*****
(Release ID: 1629518)
Visitor Counter : 219