সাইন্স অমসুং তেক্নোলোজী মন্ত্রালয়

সি.এস.আই.আর.-সি.এম.ই.আর.আই.না অনৌবা ভেন্তিলেতর শাখ্রে

Posted On: 03 JUN 2020 8:45PM by PIB Imphal

কোবিদ-১৯গী কেসশিং হেনগৎলক্লিবা মতম অসিদা দুর্গাপুরদা লৈবা সেন্ত্রেল মেকানিকেল ইঞ্জিনীয়রিং রিসর্স ইন্সতিত্যুৎ (সি.এম.আর.আই.)কী রিসর্স তৌরিবশিংনা ইরমদমগী ওইবা ভেন্তিলেতর অমা শাখ্রে। অনৌবা ভেন্তিলেতর অসি সি.এস.আই.আর.-সি.এম.ই.আর.আই.গী দিরেক্তর প্রোফেসর দা. হরিশ হিরানী অমসুং হেল্থ ৱর্ল্দ হোস্পিতাল প্রাইভেৎ লিমিতেদ, দুর্গাপুরগী চেয়র্মেন অমসুং মেনেজিং দিরেক্তর দা. অরুনাঙ্গশু গঙ্গুলী য়াওনা মায়খুম হাংদোকখি।

“মসিগী ভেন্তিলেতর অসিগী বেলোগী দিজাইন, কন্ত্রোলরশিং অমসুং এম্বেদেদ ইলেক্ত্রোনিক্সশিং অসিগী অচংবা মমল অদু লেপথোক্নবা অমসুং মরী লৈনবা ইন্দস্ত্রীশিংগী মথৌ তাবশিং অদু য়েংলগা অথোইবা মওংদা থবক অসি পায়খৎখিবনি। ভেন্তিলেতর অসি হেল্থ ৱর্ল্দ হোস্পিতাল অমসুং বিবেকানন্দ হোস্পিতাল, দুর্গাপুরগী হকশেলগী শিনফমদা লৈবশিংনা পীরকপা মরুওইবা ফীদবেকশিং অদু লৌখৎলগা তেক্নিকেল অমসুং দিজাইনগা মরী লৈনবা কয়া হোংদোকখি। মসিগী ভেন্তিলেতর অসিগী মমল অসি চাওরাক্না লুপা ৮০,০০০ - ৯০,০০০ গী মরক্তা লৈ। ভেন্তিলেতর অসি তোঙান-তোঙানবা মখলগী অনাবশিংনা মথৌ তাবগী মতুং ইন্না মখা তানা শেমগৎপা য়াই, ” হায়না প্রোফেসর হিরানীনা ফোংদোকখি।

প্রোফেসর হিরানীনা হায়খি, “কনাগুম্বা অনাবা অমগীদমক ফগদবা ভেন্তিলেতর অমা ফংহনবগা লোয়ননা লৈরিবা হেল্থ পর্সোনেলশিং অসিনা তৌরিবা থবকশিং অসিসু চপ মান্ননা মরু ওই। মসিগী ইন্সতিত্যুৎ অসিগী ৱাখল্লোন্দি ভেন্তিলেতরশিং অদুনা মশা মতোমদা অনাবগী ফীভম অদু হেনগৎলকপা - কুমথরকপগী মতুং ইন্না ফগৎহন্নবা মেকানিকেল ওইবা ভেন্তিলেতরশিংনা মথৌ তৌহন্নবগীদমক আর্তিফিসিএল ইন্তিলিজেন্স অসিসু শিজিন্নখি।”

“সি.এস.আই.আর.-সি.এম.ই.আর.আই.না হেল্থ কেয়র হোস্পিতালগী ক্রিতিকেল কেয়র এক্সপর্তশিংগা খুৎশম্নদুনা খন্ন-নৈনরগা মদুগী ৱাখল-লৌশিং অদুদগী মসিগী ভেন্তিলেতর অসি শেমগৎখিবনি” হায়না দা.অরুনাঙ্গশুনা শন্দোক্না তাকখি। “সি.এস.আই.আর.-সি.এম.ই.আর.আই.না হেল্থ প্রোফেস্নেলশিংগা লোয়ননা লৈবাক অসিদা ভেন্তিলেতর শেমগৎপা হেনগৎহনবদা মরু ওইবা থৌদাং লৌবা ঙমগনি। মসিনা লৈবাক অসিগী মেদিকেল কেয়র শাবদা মপাঙ্গল কনখৎহন্দুনা অসিগুম্বা খুৎলায়শিং অসি পুশিল্লক্নবা হোৎনবদা চংলিবা মমলশিং অদু কনবদা মতেং ওইগনি হায়না ইন্সতিত্যুসন অসিগী সাইন্তিস্তশিংনা থাজরি।

প্রোফেসর হিরানীনা হায়খি, “ভেন্তিলেতর অসিগী পার্তশিং অসি তোঙান-তোঙানবা ইন্দস্ত্রীশিংদা মরোমদোম শাজবা য়াই, অসিগুম্বা ভেন্তিলেতরশিং অসি মশিং য়াম্না পুথোকপনা ইন্দস্ত্রীশিংগী পাক চাওরবা স্পেক্ত্রম হেনগৎহনবদা মতেং পাংগনি। ভেন্তিলেতরশিং অসিগী মমল অসি অখন্ননা হন্থরক্লবদি খুন্নাই অসিগী শোত্থরবা মীওই কাংলুপশিংগী শেন্মীৎলোন্দা মতেং পাংবগা লোয়ন-লোয়ননা মখা তানা গবর্নমেন্ত-এদেদ হেল্থকেয়র স্কীমশিংদা মতেং ওইগনি। মসিনা তর্সিরি হেল্থকেয়রগী ইনফ্রাস্ত্রকচর হেনগৎহনবদসু মতেং পাংগনি। মসিগী অনৌবা ওইনা শেমগৎপা ভেন্তিলেতর অসি মেকশিপ হোস্পিতাল, মরু ওইবা হোস্পিতাল অমসুং অতৈ হেল্থ কেয়র ফেসিলিতীশিংদা শোয়দনা ফংহন্দুনা থুনা লল্লোন-ইতীক্কী মওংদা থবক তৌনবা ইন্দস্ত্রী কয়াগা ৱারী শান্নরি।”

প্রোফেসর হিরানীনা ভেন্তিলেতর অসি শেমগৎপগী থবক্তা য়াওরিবা দা. অনুপম সিংহ, সঞ্জয় হন্সদা, কল্যান চেত্তর্জী অমসুং অভিনাশ য়াদবকী তীম অসিনা কন্না হোৎনরিবশিং অসিগীদমক থাগপা ফোংদোকখি।

https://static.pib.gov.in/WriteReadData/userfiles/image/image003ZZYN.jpg

https://static.pib.gov.in/WriteReadData/userfiles/image/image004FT9W.jpg

*****



(Release ID: 1629293) Visitor Counter : 179