ন্যু অমসুং রিন্যুএবল ইনর্জী মন্ত্রালয় (এম.এন.আর.ই.)না হন্দক্তা নৌনা অনৌবা ৱেবসাইৎ খরা প্রধান মন্ত্রী কিসান উর্জা সুরক্সা ইভম উথান মহাভিয়ান (পি.এম.-কুসুম) স্কিমগী মিং চন্নবা পোর্তেল অমনি হায়না থোরকপগী চেরোল অমা থোকখ্রে। অসিগুম্বা ৱেবসাইৎশিং অসিনা মীচম প্রজাশিংবু লৌনম তৌবী অমসুং শাশিন্নবা মিং চন্নবগী পোর্তেলশিং অসিনা দেতা লৌথোক্তুনা লান্না শীজিন্নৈ। মীয়ামদা অমাঙ-অতা থোক্তনবা, এম.এন.আর.ই.না ১৮.০৩.২০১৯দা চেরোল অমা থোক্তুনা অসিগুম্বা ৱেবসাইৎশিং অসিদা মিংচন-শেল অমত্তা পীদনবা অমসুং মখোয়গী দেতা অমত্তা পীদনবা কান্নবা ফংগদবশিং অমসুং প্রজা মীয়ামদা খঙহনখ্রে। মসি লৈদুনসু অনৌবা শাশিন্নবা ৱেবসাইৎশিং অমুক নৌনা থোরকপা থেংনরে।

মসিনা মরম ওইদুনা, এম.এন.আর.ই.না স্কিম অসিনা কান্নবা ফংগদবশিংদা অমসুং প্রজা মীয়ামদা অমুক্কা হন্না অসিগুম্বা ৱেবসাইৎশিং অসিদা শেল থীদনবা অমসুং দেতা পীদনবা খঙহনখ্রে। মন্ত্রালয় অসিনা হায়রি মদুদি করিগুম্বা অসিগুম্বা শাশিন্নবা ৱেবসাইৎশিং অসি থেংনবা থোক্লবদি পাউ পীবীরক্নবা খঙহনলক্লি।

পি.এম.-কুসুম স্কিমগী এদমিনিস্ত্রেতিবকী ওইবা অয়াবা অসি ন্যু অমসুং রিন্যুএবল ইনর্জী মন্ত্রালয় (এম.এন.আর.ই.)না ০৮.০৩.২০১৯দা পীখিবনি। স্কিম অসি থবক ওইনা পায়খৎপগী চৎন-কাংলোন্না ২২.০৭.২০১৯দা থোকখিবনি। স্কিম অসিনা সোলার পম্প, গ্রিদকা শম্নবা লৌউ-শিংউগী পম্পশিংবু নুমিৎ মঙালদগী লৌবা ওইনা ওন্থোকপা অমসুং নৌনা শেমদোক-শাদোকপা য়াবা গ্রিদকা শম্নবা পাৱর প্লান্তশিং লিংখৎহল্লি। স্কিম অসি রাজ্য সরকারশিংগী এজেন্সীশিংগী মখাদা পায়খৎলি। হায়রিবা এজেন্সীশিংগী মমিং, থবক পায়খৎপগী চৎন-কাংলোন অমসুং অতোপ্পা স্কিম অসিগী মতাংদা লৈবা ঈ পাউশিং মন্ত্রালয় অসিগী ওফিসিএল পোর্তেল www.mnre.gov.in দা ফংগনি। মীয়ামগী মরক্তগী থৱাই য়াওবা মীওইশিংনা এম.এন.আর.ই.গী ৱেবসাইত্তা চঙদুনা নত্ত্রগা হেল্প লাইন নম্বর 1800-180-3333 দা কোল তৌবীদুনা খঙবীবা য়াগনি।

*****