স্তীল মন্ত্রালয়
শ্রী ধরমেন্দ্র প্রধান্না স্তীলগী পোত্থোক শাবা মীওইশিংগা মীফম ফমখ্রে
ভিল্লাই স্তীল প্লান্তকী অকোইবদা স্তীল শুংফম কাংলুপ অমা শেম্নবা খন্নখ্রে
Posted On:
03 JUN 2020 11:15AM by PIB Imphal
স্তীল অমসুং পেত্রোলিয়ম অমসুং নেচরেল গ্যাসকী কেন্দ্রগী মন্ত্রী শ্রী ধরমেন্দ্র প্রধান্না চেয়র তৌদুনা ভিদিও কনফরেন্সিংগী খুত্থাংদা স্তীল মন্ত্রালয়, রোদ ত্রান্সপোর্ত অমসুং হাইৱে মন্ত্রালয়, রেলৱেজ মন্ত্রালয়, আই.এন.এস.দি.এ.জি., এস.এ.আই.এল. অমসুং ভিল্লাইগী স্তীল শুংফমগী ওফিসিএলশিং য়াওদুনা ভিল্লাই স্তীল প্লান্তকী অকোইবদা স্তীলগী পোত্থোক শাফম কাংলুপ অমা শেম্নবা খন্নবগী মীফম ফমখ্রে। থোঙ শাবা মীওইশিংনা তঙাই ফদবা স্তীল ফংবদা থেংনরিবা খুদোংচাদবা কয়াগী মরমদসু খন্নখি।
স্তীলগী পোত্থোক শাফম কাংলুপ অমা শেমগদৌরিবা অসিনা মফম অসিদা লৈরিবা এম.এস.এম.ই.গী শেক্তরশিংদা কান্নহনগনি অমসুং থবক পীবগী চাং হেনগত্তুনা মফমসিগী শেন্মিৎলোন্দা কান্নবা কয়া পীগনি। মসি প্রধান মন্ত্রীনা আত্মানির্ভর ভারত ওইহনসি হায়না হায়রিবসিগী মতুং ইন্ননি।
শ্রী প্রধান্না দুর্গ জিলাদা লৈরিবা স্তীলগী পোত্থোক শারিবা মীওইশিংগী তঙাই ফদনা চংবা স্তীল প্লেৎশিং মতম চানা ফংহন্নবা ভিল্লাই স্তীল প্লান্তকী সি.ই.ও.দা হায়খ্রে অমসুং মসিগী মতাংদা অপনবা ওইবা খুদিংমকসু লৈহন্দনবা হায়খ্রে।
রেলৱেজকা খুৎশম্নদুনা এম.ও.আর.তি.ঐচ.না স্তীল য়াম্না শিজিন্নদুনা শারিবা থোঙশিং অসিদা স্তীল নিংথিনা শিজিন্ননবা পাম্বৈ কয়া অমগী মতাংদসু মন্ত্রীনা মীফম অদুদা খন্নবদা য়াওখি।
*****
(Release ID: 1628978)
Visitor Counter : 153