তোঙান-তোঙানবা মফমদা পন্দুনা লৈবা মাইগ্রেন্ত ৱার্করশিং, তীর্থ চৎপশিং, লম কোয়বশিং, মহৈরোইশিং অমদি অতৈ মীওইশিং স্পিসিএল ত্রেন্না পুথোক-পুশিন তৌবগা মরী লৈননা হোম এফেয়র্সনা থোকপা ওর্দরগী মখা তাবা ওইনা মে ১, ২০২০দগী ইন্দিয়ন রেলৱেজগী “শ্রমিক স্পিসিএল” ত্রেনশিং থবক তৌবা হৌহনখ্রে।

জুন ২, ২০২০ ফাওবদা পুন্না “শ্রমিক স্পিসিএল” ৪১৫৫ লৈবাক অসিগী তোঙান-তোঙানবা রাজ্যশিংদগী থবক তৌখ্রে। অয়ুক্কী পুং ১০ ফাওবদা ত্রেন ১০২ চেনখি। হৌজিক ফাওবদা “শ্রমিক স্পিসিএল”না মাইগ্রেন্ত লাক্ষ ৫৭ হেন্না নুমীৎ ৩৩নিসিদা পুখ্রে।

মসিগী ত্রেন ৪১৫৫ অসি তোঙান-তোঙানবা রাজ্যশিংদগী লমথারকখি। অয়াম্বা ত্রেনশিং হৌরকখিবা মকোক থারিবা রাজ্যশিং/য়ুনিয়ন তেরিতোরীশিং অদুদি গুজরাত (ত্রেন ১০২৭), মহারাস্ত্র (ত্রেন ৮০২), পঞ্জাব (ত্রেন ৪১৬), উত্তর প্রদেশ (ত্রেন ২৮৮) অমসুং বিহার (ত্রেন ২৯৪)নি।

“শ্রমিক স্পিসিএল”শিং অসি লৈবাক অসিগী তোঙান-তোঙানবা রাজ্যশিংদা লমথুংফম ওইখি। খ্বাইদগী মশিং য়াম্না ত্রেনশিং থুংখিবা রাজ্যশিং অদুদি উত্তর প্রদেশ (ত্রেন ১৬৭০), বিহার (ত্রেন ১৪৮২), ঝারখন্দ (ত্রেন ১৯৪), ওরিশা (ত্রেন ১৮০), নোংচু বেঙ্গল (ত্রেন ১৩৫)নি।

হৌজিক চেল্লিবা ত্রেনশিং অসি লম্বী চিনবগী খুদোংচাদবা অমত্তা মায়োক্নদ্রে হায়বসি নিংশিংনিংঙাই ওই।

শ্রমিক স্পিসিএল ত্রেনশিং অসিদা নত্তনা রেলৱেজনা স্পিসিএল রাজধানীগী মওং ওইবা ত্রেন জুরা ১৫ ন্যু দিল্লীগা শম্নদুনা চেল্লি অমসুং জুন ১দা অহেনবা ত্রেন ২০০গী তাইম তেবল শেমখ্রে।

*****