পাৱর মন্ত্রালয়গী মখাদা ভারতকী খ্বাইদগী য়াম্না পাৱর পুথোক্লিবা এন.তি.পি.সি. অমসুং কেন্দ্রগী পি.এস.ইয়ু.না এমপ্লোয়ী ১৯,০০০ অমসুং মখোয়গী ইমুংগী মীশিংদা মহৈ তম্নবগী খুদোংচাবা ফংহনখ্রে। তমথিরবা কোবিদ-১৯গী লায়চৎনা মরম ওইদুনা লোকদাউন থমজিনখিবগী মথৌ তাবশিং ফংহন্নবা এন.তি.পি.সি.না মফম অমদগী সর্ভিসশিং অসি ফংহন্দুনা মহৈ লর্নিং অমসুং দিভেলপমেন্ত(এল.অমসুং দি.)গী লাল্লোংনা ইন্তেন্সিব দিজিতাইজেসন অমসুং ওনলাইন ত্রেনিংদগী এমপ্লোয়ীশিংবু খংবা-হৈবা হেনগৎহন্নবা অথোইবা মওংদা শেমখ্রে।

মসিদা নত্তনা, কম্পেনি অসিনা মাগী স্তাফশিংদা শাথিবা ওনলাইন তেক্নিকেল কোর্সশিং ভর্চুএল ক্লাসশিংদা য়াওনবা, এসেসমেন্ত পীনবা অমসুং লোইবগা সর্তিফিকেৎ ফংহন্নবগী শরুক অমা ওইনবগীদমক খুদোংচাবা পীনবগীদমক ৱর্ল্দ বেঙ্ককা খুৎশম্নখ্রে।

পাৱর মেনেজমেন্ত ইন্সতিত্যুত-এন.তি.পি.সি.গী এপেক্স এল. অমসুং দি. সেন্তরনাতেক্নিকেল, ফঙ্কস্নেল, হকশেল অমসুং শোইদ-ঙামদনবগা মরি লৈনবা হীরম ২৫০দগী হেনবা ত্রেনিং সেসন পাংথোকখ্রে। মসিদা নত্তনা, পাৱর প্লান্ত প্রোজেকশিংদা লৈবাএন.তি.পি.সি.গী রিজনেল লর্নিং অমসুং দিভেলুমেন্তশিংদা য়াম্লবদা ওনলাইন ত্রেনিংগী খুদোংচাবা ১০০দগী হেন্না ফংহনখ্রে।

মহারত্নশিংনা লেপ্তবা লর্নিং সেসনশিংদগী মাগী স্তাফশিংবু মহৈগী থাক হেনগৎহন্নবা হোৎনবগা লোয়ন-লোয়ননা থোইদোক-হেন্দোকপা মওংদা থবক্কী মওংদা অনৌবা মওং পুরকপা পাম্মী অমসুং পাম্লিবদুগী মতুং ইন্না ওইহনবা পাম্মী। লুরবা মতম অসিদা ফাওবা কম্পনি অসিনা মহৈ হৈবা হেনগৎহন্নবা অসি মথৌ তাই হায়বা খল্লি। মরম অসিনা স্তাফশিংদা নুমীৎ ৪৫ তেক্নিকেল, ফাইনান্স অমসুং ঐচ.আর., হেক লোইবগা ময়ুমদা সর্তিফিকেৎ ফংহন্দুনা মখল-মখা কয়াগী হীরমশিং গী ‘নুমীৎ ৪৫গী লর্নিং চেলেঞ্জ’ গী তোপ-তোপ্পা মওংদা খুৎশম্নখ্রে।

এক্সতর্নেল এজেন্সীশিংগা খুৎশম্নদুনা স্তেত-ওফ-দি-আর্তকী সেসনশিং ফংহনখি। ‘আর্ত ওফ লিভিং’গা তেংবাংনদুনা য়াম্না অশেংবা ৱেলনেসকী থৌরম অমা তৌরি। চহী থাক পুম্নমক্কী এমপ্লোয়ী অমসুং ইমুংগী মীশিংনা লুরবা মতম অসিদা পাঙ্গল কন্না লনবা অমসুং পান্দমদা ওনশিন্দুনা লৈবদা মতেং ওইনবা শরুক য়াবা য়াই। মসিগা মান্ননা, ই.এ.পি.(এমপ্লোয়ী এসিসতেন্স প্রোগ্রাম)গী থোংদগী কাওন্সেলিং তৌবগী থবক্তা য়ুম্ফম ওইবা ‘স্নেহাল ২.০’ হায়বা অখন্নবা থা তরুক্কী থৌরাং অমা এমপ্লোয়ীশিংগী ইমুংশিংদা ফংহনখ্রে। পুং ২৪ চুপ্না ফংবা ই.এ.পি. সর্ভিস অসি কনফিদেন্সিএল ওই অমসুং য়ুজরখক্তনা ফংবা য়াই।

মতৌ অসিগুম্না, তর্বাইন, বোইলর, ৱাতর কেমিস্ত্রী, রিন্যুএবল ইনর্জী অমসুং অতোপ্পা মরুওইবা ও. অমসুং এম.(ওপরেসন অমসুং মেন্তেনেন্স)কী হীরমশিংগুম্বা পাৱর প্লান্তশিংদা মরুওইবশিং ইন-হাওসকা লোয়ন-লোয়ননা গেস্ত ফেকলতীদগী ক্লাসশিং তৌই। অনৌবা তম্বগী মেথোদোলোজীশিং অসিদা ওনলাইন ফোরমশিং, ৱেবিনারশিং, মনুংগী ওইনা শেম্বা মোবাইল এপ্লিকেসন ‘সম্বাদ’কা লোয়ন-লোয়ননা ইন্তর্নেৎ অমসুং মাগী মনুংগী ওইবা লর্নিং পোর্তেলশিংগী খুদোংচাবা লৌবা য়াওই।

*****