بھارتی بحریہ کا جہاز جلسوا تمل ناڈو میں توتیکورن کی بندرگاہ کے لئے آج شام سری لنکا کی راجدھانی کولمبو سے روانہ ہوگیا ہے، جہاں وہ 685 بھارتی شہریوں کو واپس لائے گا۔

یہ جہاز بھارتی بحریہ کے آپریشن سمدر سیتو کے حصے کے طور پر اپنے تیسرے سفر پر ہے اور یہ آپریشن سمدر سیتو بھارت سرکار کی جانب سے شروع کئے گئے مشن وندے بھارت کی نگرانی میں کیا جارہا ہے۔ یہ جہاز سمندر کے راستے بیرون ملکوں کے بندرگاہوں سے بھارتی شہریوں کو لانے میں مصروف رہا ہے۔

آئی این ایس جلسوا آج صبح کولمبو کی بندرگاہ میں داخل ہوا تھا اور اس میں بھارتی شہری سوار ہوئے تھے، جنہوں نے ایسٹ کنٹینر ٹرمنل میں کولمبو میں بھارتی سفارتخانہ میں پہلے ہی رجسٹریشن کرالیا تھا۔

سبھی عملے کی طبی جانچ کی گئی اور انہیں جہاز میں سوار ہونے سے انہیں آئی ڈی الاٹ کی گئی اور ان کے بیگ وغیرہ کو سینیٹائز کیاگیا۔ آج جہاز میں سوار ہوئے سبھی 685 بھارتی شہریوں میں 553 مرد،25 خواتین اور 7 بچے شامل ہیں۔ انہیں سفر کے دوران جہاز میں ہر طرح کی سہولت دی گئی اور سفر کے دوران مناسب قرنطینہ کو یقینی بنانے کے لئے خصوصی طور پر مختص کئے گئے زون کے اندر جہاز میں سوار ہونے کے دوران پوری آسائش کی سہولت دی گئی۔  جہاز کے عملے کی طرف سے سوشل ڈسٹینسنگ اور تحفظ کے پروٹول پر بھی سختی سے عمل کیا جارہا ہے۔توقع ہے کہ جہاز کل 2 جون 2020 کو توتیکورن پہنچ جائے گی۔

...............................................................

م ن، ح ا، ع ر

U-2965