রেলৱে মন্ত্রালয়না স্তেৎ লৈঙাকশিংদা শ্রমিক ত্রেনশিংগী মতাংদা থৌরাং নীংথিনা তৌনবা অমদি মতেং পাংননবা ৱাফম থমখ্রে অমদি রেল লম্বীদা চৎকদবা পন্দুনা লৈরিবা মীওইশিংগী চাউরাকপা দিমান্দ নীংথিনা শেমদোক্তুনা খঙদোক্নবসু হায়খ্রে‍।

“শ্রমিক স্পিসিএল”শিং অসি পাৱর প্লান্তশিংগী কোইলা, চানবা চেং-চাক, হার, সিমেন্তনচিংবা মরুওইবা মচাকশিং পুথোক পুশিন তৌবা খ্বাইদগী চিনবা লম্বীশিংগী মরক্তা চেল্লিবনি‍। অসিগুম্বা মরুওইবা মচাকশিং অসিগী সপ্লাই লেপ্তনবা রেলৱেজনা কোম্মোদিতীজ চাং ৱাংনা হাপ্পগী থবক চত্থরি‍। লৌউ শিংউগী পোত্থোকশিং, হিদাক লাংথক অমসুং অতৈ অতোপ্পা মরুওইবা মচাকশিং থিন্ননবগীদমক রেলৱেজনা মতম অকক্ননা চেনবা ত্রেম ময়াম অমসু চেল্লি‍বনি‍।

রেলৱেজনা “শ্রমিক স্পিসিএল”শিংগীদমক স্তেৎশিংনা দিমান্দ তৌরকপগী মতুং ইন্না রেকশিং পীবা ঙম্লবসু তোংগদবা মীওইশিং স্তেসন্দা পুরক্তবা অমদি মতম লেপখ্রবা ত্রেনশিং তোকথোকখিবনচিংবা থৌদোক কয়ামরুম থোক্লি‍। স্তেৎ খরদি থারক্কদবা স্তেৎশিংদা অয়াবা পীরক্তবনা মরম ওইরগা হায়রিবা স্তেৎশিংদুদগী মশিং য়াম্লবা মাইগ্রেন্ত শিন্মীশিং চত্থোক চৎশিন য়াহন্দে‍।

গৃহ মন্ত্রালয়না ০১.০৫.২০২০ অমসুং ১৯.০৫.২০২০দা থোকখিবা য়াথংশিংগী মখাদা ইন্দিয়ন রেলৱেজনা স্তেৎ লৈঙাকশিংদা মতেং পাংনদুনা পন্দুনা লৈরিবা মীওইশিং চত্থোক চৎশিন তৌনবগীদমক শ্রমিক স্পিসিএল ত্রেনশিং চেন্দুনা লাক্লি‍। হৌজিকফাওবদা ইন্দিয়ন রেলৱেজনা শ্রমিক স্পিসিএল সর্ভিস ৪০০০গী মথক্তা পীদুনা এম.ঐচ.এ.অমসুং হকশেল অমদি য়াইফ য়ুম্বাল মন্ত্রালয় (এম.ও.ঐচ. এন্দ এফ.দব্লিউ.)না পীবা চৎন-পথাপশিং অমদি ইনগদবশিং ঙাক্তুনা পন্দুনা লৈরিবা মীওই লাখ ৫৪রোম পুথোক পুশিন তৌখ্রে‍।

রেলৱেজনা থারক্কদবা স্তেৎশিংদগী হায়রকপা অয়াম্বা ত্রেনশিং পীবা ঙম্লি‍। স্তেৎ ময়াম অমদি মখোয়গী মথৌ তাবা মশিং হন্থরক্লে অমদি মসিনা থবক অসি মপুং ফারক্কদৌরে হায়বা উৎলি‍। চেল্লিবা ত্রেনশিং অসিগী চাউরাক্না চাদা ৭৫দি উত্তর প্রদেশ অমসুং বিহাররোমদা চৎলি অমদি লেমহৌরিবা ত্রেন অয়াম্বনা নোংপোক ইন্দিয়ারোমদা চৎলি হায়বসিসু খঙজিনবা য়াই‍। রেলৱেজনসু স্তেৎ মনুংগী ওইবা মীওইশিং চত্থোক চৎশিন তৌনবগীদমক অসিগুম্বা ত্রেনশিং শীন্দুনা স্তেৎ লৈঙাকশিংদা মতেং পাংলি‍।

ইকাইখুম্নরবা সুপ্রিম কোর্ত ওফ ইন্দিয়ানা মহাক্কী মে ২৮, ২০২০গী য়াথংদা মাইগ্রেন্ত শিন্মীশিংনা থেংনরিবা অৱাবা ফীভমশিং কোকহন্নবা মরক্কী য়াথং পীখ্রে অমসুং পন্দুনা লৈরিবা শিন্মী পুম্নমক পুথোক পুশিন তৌনবগী চাউরাকপা মতম অমদি থৌরাং খঙহল্লক্নবা ৱাফমসু থমখ্রে‍।

মন্ত্রালয়না স্তেৎশিংদা ইবা চেরোল অমদা রেলৱেজকী হাপ্লিবা নোদেল ওফিসরশিংনা স্তেৎশিংগা পাউ ফাওদোক্নদুনা মথৌ তাগদবা চাউরাকপা ত্রেন মশিং লেপথোকচরবসু মরম চানা মথৌ তাবা শ্রমিক স্পিসিএল ত্রেন মশিং অমা লেপথোকপা হায়বসিসু মরু ওইরি‍। স্তেৎশিংনা মখোয়দগী চৎখিগদবা পন্দুনা লৈরিবা মীশিংগীদমক মথৌ তাবা চাউরাকপা শ্রমিক স্পিসিএল ত্রেন মশিং অমসুং হায়রিবা ত্রেনশিং অসি চৎনবগী চাউরাকপা মতম ওফিসিএল কম্ম্যুনিকেসনগী খুত্থাঙদা খঙহল্লক্নবা ৱাফম মন্ত্রালয়না থমখি‍। ইন্দিয়ন রেলৱেজনা স্তেৎ লৈঙাক অমদি য়ু.তি.শিংনা স্তেৎ/য়ু.তি.শিংগী নোদেল ওফিসরশিংগা তানদুনা লেপথোকপগী মতুং ইন্না মথৌ তাবা ত্রেনশিং খুদক্তা শীনগনি‍।

ইন্দিয়ন রেলৱেজনা মতুংদসু মথৌ তাবা অহেনবা শ্রমিক স্পিসিএল ত্রেন পীননবগীদমক শেম শাদুনা লৈরি হায়না থাজবা পীরি‍।

*****