ছত্তিসগর রাজ্যনা ২০২০-২১গীদমক্তা মখোয়গী চহি অমগী ওইবা এক্সন প্লান অদু জল শক্তি মন্ত্রলয়না খন্ননবগী অমসুং অয়াবা লৌনবগীদমক্তা পুথোকখ্রে। জল শক্তি মন্ত্রালয়গী মখাদা হৌদোকখিবা জল জীৱন মিশন অসিগী মরু ওইবা পান্দমদি ২০২৪ ফাওবদা লৈবাক অসিগী খুঙ্গংগী য়ুমথোং খুদিংদা চাং নাইনা অমসুং তুং-কোইনগী ওইবা মওংদা অপীবা ক্বালিতীগী মতুং ইন্না অশেংবা থক্নবা ঈশিং মরাং কাইনা ফংহনবনি। স্কিম অসিগীদমক্তা য়াম্লবা লুপা কোতি লাখ ৩.৬০গী বজেৎ খায়দোকখ্রে।

পুন্সিদা অহোংবা পুরক্কদবা মিশন অসিগী মখাদা, ছত্তিসগর রাজ্যনা ২০২৩-২৪ ফাওবদা ১০০% ফঙ্কস্নেল তেপ ৱাতর কনেক্সন (এফ.ঐচ.তি.সি.) লৈহন্নবা থৌরাং তৌখ্রে। রাজ্য অসিদা লৈরিবা য়ুমথোং লাখ ৪৫গী মনুংদা য়ুমথোং লাখ ২০দা তেপ কনেক্সন পীনবা থৌরাং তৌখ্রে। য়ুমথোং খুদিংদা য়ৌহন্নবগী থৌরাং তৌজরবসু ঈশিং তাংবা মফমশিং, ক্বালিতী ফত্তবা মফমশিং, এস.সি./এস.তি.না নম্না তাবা মফমশিং/খুঙ্গংশিং, য়াম্না হেন্না মথৌ তাবা জিলাশিং, সন্সদ আদর্শ গ্রামিন য়োজনাগী খুঙ্গংশিংদনা মরু ওইনা লৌই। ভারত সরকারনা ২০২০-২১দা রাজ্য অসিদা জল জীৱন মিশনগী থবক-থৌরমশিং পাইখৎনবগীদমক্তা লুপা কোতি ৪৪৫গী শেন্থংগী অয়াবা পীখ্রে।

রাজ্য অসিনা ঈশিংগী ক্বালিতী মোনিতর তৌবা অমসুং সর্ভিলেন্স তৌবদা মরু ওইনা লৌই। ছত্তিসগরনা চহি কয়াদগী গ্রাউন্দ ৱাতর য়াম্না থুনা লোইশিল্লকপা অমসুং ঈশিংদা আর্সেনিক, ফ্লোরাইদ, আইরন অসিনচিংবশিং অসিগী কেমিকেল কন্তামিনেসন তৌবগী ৱাফম কয়া অমা লান্থেংনরি; মরম অদুনা লৈরিবা ফিভম অসি খঙলদুনা রাজ্য অসিদা লৈরিবা মফমশিংদা অশেংবা ঈশিংগী প্রোভিজনশিং শোইদনা ফংহন্নবা পাউতাক পীরকখ্রে। জল জীৱন মিশনগী মখাদা ফ্রন্তলাইন ফঙ্কসনরীশিংগা লোইননা কম্যুনিতীসু মসিদা য়াওহল্লগা হকথেংননা শরুক য়ামিন্নদুনা ঈশিংগী ক্বালিতী য়েংশিনবগী থবক অসিবু মরু ওইনা লৌই। স্কুল অমসুং কোলেজগী মহৈরোইশিংদা রুরেল এরিয়াশিংদা পীরিবা ঈশিংগী ক্বালিতী চাংয়েং তৌনবা ফীল্দ তেস্ত কিৎশিং শিজিন্ননবা থৌগৎখ্রে।

গ্রাম পঞ্চায়ত খুদিংমক্তা, খুঙ্গংগী থাক্তা থৌরাং তৌনবগীদমক্তা জি.পি. নত্রগা মখোয়গী সব-কমিতী হায়বদি খুঙ্গংগী ঈশিং অমসুং সেনিতেশন কমিতীশিং শেমখ্রে। খুঙ্গংগী থবক-থৌরমগী থৌরাংশিং অদু খুঙ্গংগীদমক্তা পাংথোকখি, মসিগী মতুং ইন্না থবক-থৌরমগী থৌরাং অদু অরোইবা ওইনা লেপথোকই। রাজ্যনা ঈশিংগী রিসোর্সশিংগী মপাঙ্গল কনখৎহনবা, এক্বিফর রিচার্জ তৌবা, গ্রে ৱাতর মেনেজমেন্ত, অসিনচিংবশিং অসিগা মরী লৈনবা থবকশিং পাইখৎনবগীদমক্তা এম.জি.এন.আর.ই.জি.এস., লোকেল বোদীশিংদা পীবা ১৫সুবা ফাইনান্স কমিশনগী গ্রান্তশিং, এস.বি.এম., অসিনচিংবশিং অসিদগী ফন্দশিং খোমগৎপদা শোইদনবা হৌৎনরি।

কোবিদ-১৯গী লৈরিবা ফিভম অসিগী মনুংসিদা সরকারগী মাইকৈদগী মরু ওইবশিং অদুগী মতুং ইন্না রুরেলগী য়ুমথোং খুদিংদা তেপ কনেক্সন পীনবগী পান্দমদা কন্না হোৎনরি, মসিনা মরম ওইরগা পব্লিক স্তেন্দ-পোস্তশিংদগী অমসুং অশাংবা ক্যুদা লেপতুনা ঈশিং শোকপগী অৱাবা অদু রুরেলগী মীশিংনা মায়োক্নহল্লরোই। সরকারগী পান্দমদি লাইরবশিং অমসুং খুনাইদগী তোখায়না তারবা কাংবুশিং অদুনা মখোয়গী য়ুমদা তেপ কনেক্সন তৌদুনা ঈশিং ফংবা অমসুং স্তেন্দপোস্তশিংদা চৎপা লেপ্পা অমসুং সোসিয়েল দিস্তেন্সিং তৌহনবনি, মসিনা মরম ওইরগা রুরেল কম্যুনিতীশিংবু লাইনা অসি লৌনবদগী ঙাক-শেন্দুনা থম্মি।

কালেন্না কনখৎলকপা, নোংজুথানা লাকশিল্লকপা অমসুং লৈবাক অসিনা কোবিদ-১৯গী লাইচৎ অসিগা মায়োক্নরিবা মতম অসিদা, মশা-মশাগী খুঙ্গংশিংদা হল্লক্নরিবা মাইগ্রেন্ত ৱার্করশিংদা হিংনবগী লম্বি পীবা হায়বসি য়াম্না হেন্না তঙাইফদবা অমা ওইরক্লে। হায়রিবা মাইগ্রেন্ত লেবররশিং অসি হৈ-শিংলবা অমসুং খরদি হৈ-শিংলবা কাংবুনি, মখোয়গী সর্বিসশিং অদু খুঙ্গং খুদিংমক্তা লৈরিবা ঈশিংগী সপ্লাই তৌবগা মরী লৈনবা থবকশিং মরু ওইনা প্লম্বিং, ফিত্তিং, ৱাতর কঞ্জর্ভশনগী থবকশিং, অসিনচিংবশিং অসিদা থবক পীদুনা খুঙ্গংশিংদা মাইপাক্না শিজিন্নবা য়াগনি, মসিনা গ্রাউন্দ ৱাতর মরাং কাইনা লৈহন্দুনা ঈশিংগী অৱাবা লৈহন্দবা, লৌউ-শিংউবগী ঈশিং ফংহনবা অমসুং খ্বাইদগী মরু ওইনা রুরেলগী য়ুমথোং খুদিংদা থক্নবা ঈশিং ফংহনবদা মতেং পাংগনি।

******