সেন্তর ফোর সেলুলর এন্দ মোলিক্যুলর বাইওলোজী (সি.সি.এম.বি.)না অনাবা মীগী সেম্পলদগী কোরোনেভাইরস (সারস-কোভ-২) নীংথিনা য়োকপা ঙম্লে‍। সি.সি.এম.বি.দা লৈরিবা ভাইরোলোজিস্তশিংনা আইসোলেত কয়ামরুমদগী লৌনগনবা ভাইরস অসি খাইদোক্লে‍। লেবতা ভাইরস অসি য়োকপা ঙম্বা অসিনা সি.সি.এম.বি.বু কোবিদ-১৯ থেংননবা ভেক্সিন পুথোকপা অমদি কান্নবা য়াবা হিংদাক লাংথক চাংয়েং তৌবগী লমদা থবক তৌবা ঙমহল্লে‍।

নোভেল কোরোনাভাইরসনা সেল সর্ফেসকী এ.সি.ই.-২ রিসেপ্তরদা নপশিন্দুনা মীওইবগী সেলদা চঙই‍। সেল খুদিংমক এ.সি.ই.-২ রিসেপ্তর য়াওদে‍। নিংশা হোনবগী লমবীদা লৈরিবা মীওইবগী ইপিথিলিএল সেলশিংদা এ.সি.ই.-২ রিসেপ্তর মশীং য়াম্না থাদোকই, অদুনা মহী অসি চঙলবা মীওইদা নিংশা হোনবগা মরী লৈনবা লায়না পোকহল্লি‍। অদুবু ঐখোয়না মীওইবগী ইপিথিলিএল সেলশিং অসি লেপতা শেমবা ঙমদে‍। “হৌজিক্কী ওইনা ভাইরসশিং লেপ্পা নাইদনা য়োকপদা মথৌ তারিবা, মীওইবদগী লৌবা প্রাইমারী ইপিথিলিএল সেলশিং অসি লেবতা মীরোল কয়া য়োকপা ঙমদে‍। অদুগা ভাইরস অসি য়োক্লিবা লেবশিংদা শিবা নাইদবা সেল লাইন মথৌ তাই,” হায়না সি.সি.এম.বি.গী প্রিন্সিপাল সাইন্তিস্ত দা: কৃষ্ণন ঐচ হরশননা হায়রি‍। মখোয়না এ.সি.ই.-২ প্রোতিন পুথোকপা ঙমবা অমদি লেপ্পা নাইদনা য়াম্ন থুনা চাউখৎপা ঙমবা সেল দিভিজন য়াওবা ভেরো সেল (অশংবা অফ্রিকাগী য়োংদগী লৌবা কিদনী ইপিথিলিএল সেল লাইনশিং) শীজিন্নরি‍।

অদুবু করিগীদমক তমথিরবা মহীক অমবু য়োক্কদৌরিবনো? করিগুম্বা ঐখোয়না ভাইরস মশীং য়াম্না য়োক্লবা অমদি মখোয়বু ইনএক্তিভেৎ তৌরবদি মখোয়শিং অসি ইনএক্তিভেদেত ভাইরস ভেক্সিন ওইনা শীজিন্নবা য়াগনি‍। ইনএক্তিভেতেদ ভাইরস অসি হেক কাপশিনখিবগা মীওইবগী ইম্ম্যুন সিস্তেম অসিনা মহীক্তুখক্তা হাৎপা ঙমবা এন্তি-বোদি পুথোকপা হৌহল্লি‍। ভাইরস অসি মৈশা অমদি কেমিকেল শীজিন্নদুনা ইনএক্তিভেৎ তৌবা য়াই‍। ইনএক্তিভেতেদ ভাইরস অসিনা এন্তিবোদি রেসপোন্স থোকহনবা ঙম্মী অদুবু মখোয় মচা পোকপা ঙমদবনা মীওইবদা শোকহন্দুনা নাহনবদি ঙমদে‍।

এন্তিবোদি নৎত্রগা এন্তিদোৎ পুথোক্নবগীদমক ভাইরস য়োকপা মরু ওই‍। মীওইবদা নত্তনা অতৈ মখোম থোকপা হোস্তশিংদসু ইনএক্তিভেতেদ ভাইরসনা এন্তিবোদি রেসপোন্স থোকহনবা ঙম্মী‍। হৌজিক অসিগুম্বা হোস্ত কয়ামরুম মখোয়গী এন্তিবোদি রেসপোন্স কয়া য়াম্ন থোকহনবা ঙমবগে হায়বদু চাংয়েং চত্থরি‍। অসিগুমবা মীওইবা নত্তবা হোস্তশিংদা শেম্লকপা এন্তিবোদিশিং অসি শেংদোকপা, প্রোসেস তৌবা অমদি খোমজিনবা য়াই‍। হায়রিবা এন্তিবোদিশিং অসি লায়না অসিনা নারিবা মীওইশিং লায়েংবদা শীজিন্নবা য়াই‍। অসিগুম্বা এন্তিবোদিশিং অসিনা মীওইবদা কাপশিনবা মতমদা এন্তিভাইরেল রেসপোন্স থোকহনবা ঙম্মী অমদি মখা তানা শোকহনবগী থৌওং থিংবা ঙম্মী‍। এন্তিবোদিশিং কাপশিনবনা ভেক্সিগুম্না লায়নসি চঙদনবা ঙাকথোকপদি ঙমদে অদুবু ভাইরস অসিগী মায়োক্তা এন্তি-দোত ওইনা লৌবা য়াই‍।

অসুম্না য়োকপা অসিনা হিদাক লাংথকশিং চাংয়েং তৌবদসু মতেং ওইগনি‍। কান্নবা য়াবা হিদাকশিং ভাইরস অসিগী মায়োক্তা মখোয়না তৌবা ঙম্বশিং অদু তেস্ত-ত্যুবতা চাংয়েং তৌবা য়া‍ই‍।

“কোরোনাভাইরস য়োক্নবগীদমক ভেরো সেল লাইনশিং শীজিন্নদুনা হৌজিক্তি সি.সি.এম.বি.না তোঙান তোঙানবা মফমশিংদগী ভাইরেল স্ত্রেনশিং নীংথিনা থমদুনা খাইদোকপা ঙমহল্লে‍। ঐখোয় ভাইরস মশিং য়াম্না য়োক্তুনা মখোয়বু ইনএক্তিভেৎ তৌদুনা ভেক্সিন পুথোকপা অমদি লায়েংনবগীদমক এন্তিবোদি পুথোকপগী মায়কৈদা থবক চঙশিল্লি,” হায়না সি.সি.এম.বি. দিরেক্তর দা: রাকেশ মিস্রানা ফোঙদোক্লি‍। সি.সি.এম.বি.না দিফেন্স রিসর্চ দেভেলপমেন্ত ওর্গনাইজেসননচিংবা অতোপ্পা খোঙবুশিংগা লোয়ননা ভাইরস য়োকপগী থৌওং শীজিন্নদুনা কান্নবা য়াবা হিদাকশিং চাংয়েং তৌবা হৌরে‍।

অসিগুম্বা থৌওং অসি লাইচৎ অসি থেংনবদা কান্নবা মচাক অমা ওইহন্নবা অমদি তুংগীদমকসু শেম শাদুনা লৈহৌনবগীদমক রিসর্চ ইনস্তিত্যু কয়াদা অমদি প্রাইভেৎ কম্পেনীশিংনসু মতৌ তম্লক্কনি হায়না থাজবা থম্মী,” হায়না দা: মিস্রানা ফোঙদোকখি‍।

*****