শ্রী এন.কে. সিংহনা লুচিংবা ফাইনান্স কম্মিসনগী মেম্বরশিং অমসুং মকোক থোংবা ওফিসিএলশিংগা ঙসি কেন্দ্রগী পাৱর মন্ত্রী শ্রী আর.কে. সিংহনা লুচিংবা পাৱর মন্ত্রালয়গী কাংবুগা স্তেৎশিংদা পাৱর সেক্তরদা অহোংবা পুরকপগা মরী লৈনবা হীরমশিং খন্ননবগীদমক মীফম পাঙথোকখ্রে‍। মসি ফাইনান্স কম্মিসননা মখোয়গী শেনবা চহী ২০২০-২০২১গী রিপোর্ততা পাৱর সেক্তরগী মতাংদা পীখিবা রিকমেন্দেসনগী মখা চত্থরকপা খোংথাঙনি‍।

মীফম অদু পাৱর দিসকোমশিংগী শেনথুমগী ফিভমদসু চৈথেং পীরিবা কোরোনাভাইরসকী অথিংবা অসিনা শেন্মিৎলোনদা পীবা চৈথেং থেংননবগীদমক তাঙ্কক মঙাগী অহানবা শরুক্কী থৌরাং ১৫গী মনুংদা অমা ওইনা শেনথুম মন্ত্রী শ্রীমতি নিরমলা সিতারমননা ইলেক্ত্রিসিতী দিস্ত্রিব্যুসন কম্পেনীশিং (দিসকোম)গীদমক লাউথোকখিবা লুপা করোর ৯০,০০০গী লিকুইদিতী ইঞ্জেক্সনদা য়ুম্ফম ওইরগা শেনবা চহী ২০২১-২০২৬গী কম্মিসনগী মথংগী রিপোর্তগী শেম শাবা ওইনা পাঙথোকখিবনি‍। শেনথুম মন্ত্রীনা লাউথোকখিবা অদু প্রধান মন্ত্রীনা পাৱর সেক্তরদা অহোংবা পুরকপদা খোঙজেল য়াঙখৎহনবা অমসুং পাৱর সেক্তরদা শোকহল্লিবা ৱাফমশিং য়েংশিনবদা অহেনবা মীৎয়েং চঙনবা থমখিবা ৱাফম অদু মমি তাখি‍।

পাৱর মন্ত্রীনা কম্মিসনদা স্তেৎ লৈঙাক্না লৌবা ৱারেপ অমসুং মদুনা ওইহল্লকপা দিসকোমশিংনা পুরিবা শেনথুমগী ফিভমগী মরক্তদা লৈরিবা পাৱর সেক্তরগী মশক মওংদা শমজিন্নদবা লৈরিবা অমদি মদুনা শেন মাংবগী ফিভমশিংগী মতাংদা চাউরাকপা ৱাফম থমখি‍। স্তেৎ লৈঙাকশিংনা মখোয়না মপুং ফানা মপু ওইবা দিসকোমশিংগী শেনথুমগী ফিভমগী মতাংদা চপ মান্ননা থৌদাং লৌফম থোকই হায়বা ৱাফম মন্ত্রীনা থমখি‍। পান্দম অসি ফংননবগীদমক লাইএবিলিতিজশিং মেনখৎবা ঙম্নবগীদমক এফ.আর.বি.এম. এক্তকী মখাদা স্তেৎ লৈঙাকশিংনা শেন পুবগী চাং শেমদোক শেমজিন তৌবা মথৌ তারি‍। মসিনা মখোয় মখোয়গী মখাদা দিসকোমশিং মথৌ তৌরিবা স্তেৎ লৈঙাকশিংগী থৌদাং মাঙজিল থানা য়াহনবা ঙমগনি‍। মসিনা শেনথুমগী মতাংদা অরোন অথুপ লৈতবা ফিভম পুরকপদা নত্তনা দিসকোমশিংগী মতাংদা স্তেৎশিংগী শেন থুমগী অমদি শেন্নবগী থৌদাংসু পুহনবা ঙমগনি‍।

মন্ত্রীনা কম্মিসনদা দিসকোমশিংদা অহোংবা পুরক্নবগীদমক পায়খৎলক্কদবা থৌরাংশিংগী মতাংদসু শম্লপনা থমখি‍। মসিদা হৌজিক অয়াবা পীনবগীদমক খন্নদুনা লৈরিবা অনৌবা তারিফ পোলিসী য়াওরি‍। মসিদা মমাঙদা উখিদ্রিবা পাৱর সেক্তরদা পুরক্কদবা অহোংবা ৱাফমশিং য়াওরি‍। ইলেক্ত্রিসিতী এক্ত ওফ ২০০৩সু শেমদোক শেমজিন তৌনবগী ৱাফমসু হৌদোক্লি‍। মন্ত্রালয়গী অরিবা স্কিমশিং অনৌবা স্কিমশিংদা পুনশিনবগী থৌওং চত্থরি হায়রদুনা মন্ত্রীনা কম্মিসনদা মসিগীদমক কম্মিসনদগী চহী মঙা অসিদা লুপা লাখ করোর ৩গী ঙাক্লৌ পীবিনবা হায়জখি‍। স্কিম অসিনা মরুওইনা মৈ মাঙবা হন্থহন্নবা খোংথাঙশিং, লৌউ শিংউগী তোখায়বা ফীদরশিং অমসুং স্মার্ত প্রিপেদ মিতরশিংদা মায় ওনশিনগনি‍।

পাৱর মন্ত্রীনা পাৱর সেক্তরদা লৌখৎলিবা থৌরাংশিং অদুবু তরাম্ন ওক্লদুনা চেয়রমেন অমসুং মেম্বরশিংনা রিগুলেতরী কেপচর, ফাইনেন্সিএল ইঞ্জিনিয়রিং, অহোংবা পুরকপদা তুং কোইগদবা মওংনচিংবশিংগী মতাংদা ৱাখল্লোনশিংসু থমখি‍।

নীংশিংবা য়াবদি ১৫শুবা ফাইনান্স কম্মিসননা মখোয়গী শেনবা চহী ২০২০-২১গী রিপোর্ততা স্তেৎ অয়াম্বনা মখোয়গী এগ্রিগেৎ তেক্নিকেল এন্দ কম্মর্সিএল (এ.তি.এন্দ সি.) লোস অমদি শেনবা চহী ২০১৬-১৭তাউজ্বল দিসকোম এস্যুরেন্স য়োজনা (উদয়) চৎনখ্রবা মতুংদা এভরেজ কোস্ত ওফ সপ্প্লাই অমসুং এভরেজ রিএলাইজেবল রিইভিন্যু (এ.সি.এস.-এ.আর.আর.)গী মরক্তা লৈবা খেন্নবা চাং খরদি হন্থহনবা ঙম্লে‍ হায়না পনখিবনি‍। অদুম ওইনমক খোঙজেল অদু পাৱর সেক্তরদা লৈরিবা মরা তাখ্রবা ইসুশিং মরম চুম্না শেমদোক্ত্রবদি তুং কোইবা য়ারোইদবা ওইনা লৈ‍। ৱাফমসিদা মীৎয়েং থমদুনা মন্ত্রী অমসুং কম্মিসননা পাৱর সেক্তরগী ফিভম ফগৎহন্নবগীদমক অচৌবা অমদি মরুদগী অহোংবা পুরকপা মথৌ তাই হায়বা ৱাফম য়ানখি‍।

কম্মিসননা পাৱর মন্ত্রালয়দা মখোয়গী খন্ন-নৈনবদা অমদি অরোয়বা রিপোর্ত শেম্বদা মন্ত্রালয়গী ৱাফমশিং অদু শোয়দনা খন্নগনি হায়না থাজবা থমখি‍।

******