দিপার্তমেন্ত ওফ সাইন্স এন্দ তেক্নোলোজীগী মখাদা সাইন্স এন্দ ইঞ্জিনীয়রিং রিসর্স বোর্দ (এস.ই.আর.বি.)না সার্স-কোব২গী মায়োক্তা স্ত্রকচরদা য়ুমফম ওইবা পোতেন্সিয়েল এন্তিভাইরেলশিংগী খঙদোক্নবগীদমক্তা আই.আই.তি.- রুর্কীদগী প্রোফেসর প্রভিন্দ্র কুমারনা হনদক্তা হৌদোরকখিবা স্তদীদা মতেং পাংখ্রে।

ইন্তেন্সিফিকেশন ওফ রিসর্স ইন হাই প্রায়োরিতী এরিয়াস (আই.আর.ঐচ.পি.এ.)গী মখাদা ফন্দ থাদগদৌরিবা স্তদী অসিনা খ্বাইদগী মরু ওইবা ভাইরেল রেপ্লিকেশন এঞ্জাইম খরদা তার্গেৎ তৌরিবা অপিকপা মোলিক্যুলে ইনহেবিতরশিং থিগদৌরিবনি। হায়রিবা এঞ্জাইমশিং অসি ভাইরেল প্রোতিয়জ (পাপেন মানবা প্রোতিয়জ অমসুং ৩সি.এল. প্রোতিয়জ), আর.এন.এ. পোলীমরেস (এন.এস.পি. ১২), অমসুং মিথাইলত্রান্সফরেস ন্ত্রগা এম.তি.এস (এন.এস.পি.১৪)শিংনি।ভাইরেল পেথোজেনশিংগী জেনেতিক মেতরিয়েল (দি.এন.এ. নত্রগা আর.এন.এ.)না এঞ্জাইমশিং এনকোদ তৌরবা ভাইরেল প্রোতিয়জশিংনি, মসিনা সেল্যুলর প্রোতীনশিংদা অখন্নবা পেপতাইৎ বোন্দশিং অদুগী ক্লীবেজশিং অদুবু কেতলাইজ তৌই।

স্তদী অসিদা, এন্তি ভাইরেলগী পোতেন্সিয়েলগীদমক্তা এক্সপরিমেন্ত তৌদুনা ভেলিদেৎ তৌগদবা তোঙান তোঙানবা কমপাউন্দ লাইব্ররীশিংদগী এন্তি ভাইরেল মোলিক্যুলশিং খঙদোক্নবা কমপ্যুতরদা বেজ তৌবা হাই থ্রুপুৎ ভর্চুৱল সক্রীনিং অপ্রোচ শিজিন্নগনি। মসিদা কোলাবোরেতর ওইরিবা আই.আই.তি. রুর্কীদগী দা. শাইলী তোমার অমসুং ইন্দিয়ন ভেতরিনরী রিসর্স ইন্সতিত্যুৎ (আই.ভি.আর.আই.), বরেলীদগী দা. গৌরব শর্মানা এক্সপরিমেন্ত তৌদুনা তেস্ত তৌবদা অমসুং সার্স-কোব-২ ভাইরসকী মায়োক্তা খঙদোক্লবা এন্তিভাইরেল মোলিক্যুলশিংগী এন্তিভাইরেল ইফিকেসীগী ইভাল্যুৱেশন তৌবদা মতেং পাংগনি।

অহানবা ওইনা হৌদোকপগী থবক ওইনা, থিজিল্লিবশিং অসিনা ভাইরেল প্রোতিয়জ এম.প্রোবু তার্গেৎ তৌবা এফ.দি.এ.না অয়াবা পীরবা দ্রগশিংগী বাইন্দিং এফিনিতী একজামিন তৌনবা হাই-থ্রুপুৎ ভর্চুৱল স্ক্রীনিং অপ্রোচ অসিনা হান্নদগী ইন সিলিকো ৱার্ক পাংথোকখ্রে।

ফিগর: এম.প্রোগী এক্তিব সাইৎতা ফোকস তৌবা থ্রী-দাইমেনস্নেল স্ত্রকচর। সবস্ত্রেৎ পেপ্তাইৎ (অমুবা মচু) অদু এক্তিব সাইৎতা বাউন্দ তৌবা উই।

“অনৌবা দ্রগশিংগীদমক থিবদা, রিপর্পোস দ্রগ কেন্দিদেৎশিং য়াওনা, ইন সিলিকো অপ্রোচ অসিনা হেন্না হেনগৎহল্লি, হায়রিবা অসিনা মখোয়গী মোলিক্যুলর স্ত্রকচরশিংগী কমপ্যুতর সিম্যুলেশন্দা বেজ তৌবা পোতেন্সিয়েল এন্তি ভাইরেল মোলিক্যুলশিং খঙদোকপগী মতাংদা তাকই। মসিগী অপ্রোচ অসিনা হেন্না য়াংদা অমসুং পোতেন্সিয়েল দ্রগশিং অমসুং এক্সপরিমেন্ত অমসুং ক্লিনিকেল ওইবা তেস্তশিং তৌনবগীদমক্তা ওইবা ভেক্সিনশিং চপ চানা খনবা ঙমগনি হায়বগী থাজবা লৈ।” হায়না দি.এস.তি.গী সেক্রতরী প্রোফেসর অশুতোশ শর্মানা হায়খি।

সার্স-কোব-২ অসি মোর্বিদিতী অমসুং মোর্তেলিতি ৱাংবা মালেমগী ওইবা কোবিদ-১৯গী লাইচৎ অসিবু থোকহল্লিবা ইতিয়োলোজিকেল এজেন্তনি। মালেম শিনবা থুংনা, ঙকথোক্নবগী মওংদা নত্রগা লায়েংবগী মওংদা কোবিদ-১৯গী ইনফেক্সনশিং অসিগা লানন্থেংননবা ক্লিনিকেলগী ওইবা মোওংদা কান্নবা ভেক্সিন নত্রগা অখন্নবা এন্তি ভাইরেল দ্রগশিং নত্রগা দ্রগ রিপর্পোজিনং স্ত্রেতেজীশিং খঙদোক্নবগী মাইকৈদা এজেন্সী কয়া অমনা আর. & দি.গী থবক-থৌরমশিং পাংথোকপা হৌখ্রে।

দ্রগ রিপর্পোজিংগীদমক্তা স্ত্রকচরদা বেজ তৌবা অপ্রোচ শিজিন্নদুনা স্তদি অসিনা এম.প্রো এক্তিব সাইৎতা বাইন্দ তৌবা মোলিক্যুলশিং অদু খঙদোক্নবগী লম্বি য়াৎকদৌরিবনি অমসুং মখোয়গী পোতেন্সিয়েলশিং অসি কোবিদ-১৯গী মায়োক্তা এন্তিভাইরেল মোলিক্যুল ওইনা শিজিন্নবা য়াগনি।

(অকুপ্পা মরোলগীদমক, চানবিদুনা দা. প্রাৱিন্দ্র কুমারদা পাউ ফাওনবীয়ু, ইমেল আই.দি.: pravshai[at]gmail[dot]com)

*****