শ্রীমতি প্রীতি সুদান, হেলথ সেক্রেতরী অমসুং শ্রী রাজেশ ভুষন ও.এস.দি., এম.ও.ঐচ.এফ.দবল্যু.না হকশেল মন্ত্রালয়গী মকোকথোংবা ওফিসিএলশিংগা লোয়ননা ঙসি অৱাংবা থাক্কী য়েংশিন মীফম অমা (ভিদিও কনফরেন্সকী খুথাংদা) চিফ সেক্রেতরীশিং, হেলথ সেক্রেতরীশিং, অমসুং উত্তর প্রদেশ, বিহার, ঝারখন্দ, ছত্তিশগর অমসুং মধ্য প্রদেশকী এন.ঐচ.এম দিরেক্তরশিংগা লোয়ননা পাংথোকখ্রে। হায়রিবা স্তেৎশিং অসিদা লোকদাউনগী চৎনা কাঙলোনশিং হৌখিবা চয়োল অহুম অসিদা কোমথোকপা অমসুং স্তেৎ অমদগী অমদা চৎথোক-চৎশিন য়াহল্লকপনা মরম ওইদুনা কোবিদ-১৯গী কেস মশীং ৱাংখৎপা থেংনরে।

স্তেৎশিং অদুদা কেস ফেতালিতী রেৎ, দব্লিং তাইম, তেস্তস পর মিলিয়ন অমসুং কনফর্মেসন পর্সেন্তেজদা য়ুম্ফম ওইরগা মীওই অমগী কেস ত্রেজেক্তরিগী মরমদা কুপ্না খন্নখ্রে। মপুং ফানা লাকশিনবা ঙম্নবা পাম্বৈ পুথোক্তুনা মীৎয়েং চংবা মথৌ তাবা পেরিমীতর কন্ত্রোল, স্পেসিএল সর্বিলেন্স তীমশিংগী খুত্থাংদা য়ুম অমদগী য়ুম অমদা সর্ভে চৎপা, তেস্ত তৌবা, এক্তিব কন্তেক্ত ত্রেসিং অমসুং ইফেক্তিব ক্লিনিকেল মেনেজমেন্ত অসিগুম্বা ফেক্তরশিং হাইলাইত তৌখি। কন্তেনমেন্ত জোনশিং খুদিংমক্তা মাইক্রো প্লানশিং শেমদুবা অমসুং ইমপ্লিমেন্ত তৌদুনা ওইরিবা মওংশিং অদু য়েংশিনবা অমসুং শেমদোক চুমথোকনবা মীৎয়েং চংহনগদবনি হায়খি। বফর জোনশিংদা তৌরিবা থবক-থৌরমশিংগীসু অমুক হন্না য়েংশিন্নবা খঙহনখি।

স্তেৎশিংদা ক্বারন্তিন সেন্তরশিং, আই.সি.য়ু./ভেন্তিলেতর/ওক্সিজে বেদ অসিনচিংবা য়াওবা হোস্পিতালশিং অসিদা হৌজিক লৈরিবা হেলথকী ইনফ্রাস্তর্কচর পীথদুনা মীৎয়েং চংবা মথৌ তাই হায়না অমুক হন্না খঙহনখি অমসুং মখোয়বু লাক্লিবা থা অনি অসিগীদমক শেম-শাবা হেনগৎহনবা মথৌ তাই হায়না ফোঙদোকখি। শরুক য়ারিবা স্তেৎশিংদা আরোগিয়া সেতুদা য়াওরিবা দাতাগী কান্নবশিংসু খঙহনখি।

কোবিদ নত্তবা তঙাই ফদবা হেলথ সর্ভিসশিংগী মতাংদা, তি.বি., লেপ্রোসি, সি.ও.পি.দি., লৌনগনদবা লাইনা হাইপরতেন্সন, দাইবেতিস, এক্সিদেন্তনা মরম ওইরগা থোকহনবা অশোকপা অমসুং ত্রোমাগী লায়েং মখা চৎথদুনা অসিগুম্বা তঙাই ফদবা হেলথ প্রোগ্রামশিংগীদমক স্তেৎশিংদা অথুবদা মীৎয়েং চংনবা খঙহনখি।

মোবাইল মেদিকেল য়ুনিতশিং (এম.এম.য়ু.শিং) ক্বারন্তিন সেন্তরশিংদা স্তেসন তৌদুনা লৈগদবনি; মতম খরগী ওইবা সব-হেলথ সেন্তরশিং হান্ননা লৈরবা বিল্দিংশিংদা লিংখৎপা অমসুং আর.বি.এস.কে. তীমশিংগুম্বা অহেনবা ফ্রন্তলাইন ৱাকরশিং শীজিন্নবা য়াগনি। অয়ুশমান ভারত- হেলথ এন্দ ৱেলনেস সেন্তরশিংগা লিঙ্ক এস্তাব্লিস তৌবা মথৌ তাই হায়না খঙহল্লি মরমদি মসিনা খুদক্কী ওইবা হকশেলগী চেক-অপশিং শিনবা য়াগনি। হায়রিবা সেন্তরশিংদা তেলি-মেদিসিন সর্ভিসশিংসু পীগনি। মতম খরগী ওইবা সব-হেলথ সেন্তরশিং হান্ননা লৈরবা বিল্দিংশিংদা অহেনবা হেলথ ৱাকরশিং থম্বগা লোয়ননা লিংখৎপা য়াগনি।

(NRCs).মাইগ্রেন্ত ৱাকরশিং চংলকপা হেনগৎলক্লিবা অসি থেংননবা, আশাশিং অমসুং এ.এন.এম.শিং অহেনবা ইন্সেনতিবশিং পীরগনি। স্তেৎশিংদা আউৎরিচজ তীমশিংনা পি.পি.ই.গী গাইদলাইনশিং ইন্ননবা য়াথং পীখ্রে। মশীং হেনগৎহন্ননবা স্তেৎশিংদা এন.ও.জি.শিং, এস.ঐচ.জি.শিং, লনাই হোস্পিতাকশিং, ভোলুনতিয়র গ্রুপশিং থবক তৌহন্নবা খঙহনখ্রে। মীরোনবী নুপীশিং, চহী ৫গী মখাগী অঙাংশিং, অহল ওইরবশিং, কো-মোর্বিলিতীশিংগা লোয়নরিবা মীওইশিংগুম্বা নাগনবা কাংলুপশিংদা অখননবা মীৎয়েং চংনবা অমসুং দিস্ত্রিকশিংদা আংগনৱাদি থবক চল্লাইহন্নবা খঙহনখ্রে। চহী ৫গী মখাদা লৈবা অঙাংশিংগী মরক্তা চানবা ফংলিব্রা য়েংশিনবগা লোয়ননা মখোয়বু ন্যুত্রিসন রিহেবিলিতেসন সেন্তরশিং (এন.আর.সি.শিং)দা থম্বদা পুক্নিং চিংশিনখি।

ভি.সি.দা ঙসি পাংথোকখিবা কুপ্না খন্ননৈনবা অমসুং ৱা তান্নবা অদুগী মতুং ইন্না স্তেৎশিংদা মথৌ তাবা এক্সনশিং লৌখৎনবা খঙহনখ্রে।

কোবিদ-১৯গা মরী লৈনবা তেক্নিকেল ইসুশিং, গাইদলাইনশিং & এদবাইজরিশিংগী অচুম্বা & অনৌবা ই-পাও পুম্নমক্কীদমক https://www.mohfw.gov.in/ অমসুং @MoHFW_INDIAদা তোয়না চংবিয়ু।

কোবিদ-১৯গা মরী লৈনবা তেক্নিকেলগী ওইবা খঙনিংবশিং লৈরবদি technicalquery.covid19[at]gov[dot]in দা অমসুং অতোপ্পা খঙনিংবশিংগী ওইনা ncov2019[at]gov[dot]in অমসুং @CovidIndiaSevaদা থরকপা য়াগনি।

কোবিদ-১৯গী মরমদা খঙনিংবশিং লৈরবদি, হকশেল & য়াইফ য়ুম্বাল মন্ত্রালয়গী হেল্পলাইন নম্বর: +৯১-১১-২৩৯৭৮০৪৬ নত্রগা ১০৭৫ (তোলফ্রী)দা ফাও ফাওবিয়ু। স্তেৎ/য়ু.তি.শিংগী কোবিদ-১৯গী হেল্পলাইন নম্বরশিংগী লিস্ত https://www.mohfw.gov.in/pdf/coronvavirushelplinenumber.pdfদা ফংবিগনি।

***