কলচর মন্ত্রালয়গী নেস্নেল গেলরী ওফ মোদর্ন আর্তসনা “রামকিনকর বাইজ । ৱা ঙাঙদনা শক্লোন ওনবা অমসুং ৱা ফোংদোকপশিং” হায়না মিংথোনবা রামকিনকরগী বাইজ ১১৫ শুবা মপোক নুমীৎকা পাংথোকপা ওইনা ভর্চুএল খোংচৎ অমা পাথোক্কদৌরি অমা মে ২৬, ২০২০দা পাংথোক্কদৌরি। এন.জি.এম.এ.না শক্নাইরবা কলাকারশিংনা শাবা লাই ৬৩৯ চাওথোকচবা ফোংদোকখি। ভর্চুএল খোংচৎ অসিদা এন.জি.এম.এ.না খোমজিন্দুনা থম্বা রামকিনকরগী শিংথানিংঙাই ওইবা কলাগী থবকশিং অদু তোঙান-তোঙানবা থীমদা মথং-মনাও নাইনা কাংলুপ মঙা থোক্না-(i) পোর্ত্রেৎ, (ii) পুন্সি নৈনবা, (iii) এবসত্রেক্ত অমসুং স্ত্রকচরেল কম্পোজিসন, (iv) মওং-মতৌ নৈনবা অমসুং লেন্দস্কেপ অমসুং (v) হকপা-খোৎপশিং হায়না খায়দোক্তুনা উৎকনি।

এন.জি.এম.এ.গী দিরেক্তর জেনরেল শ্রী অদ্বাইতা চরন গদানায়ক্না ভর্চুএল মওংগী খোংচৎ অসি খ্বাইদগী অথোইবা স্কলপচর, লাই য়েকপা-মৌদর্ন ইন্দিয়াগী শক্নাইরবা অমদা মরুওইনা নহা ওইরিবা কলাকারশিংদা ফিগরেতিব অমসুং এবসত্রেক্তিব অনীমক্কী মওংশিংদা লেপ্পা পোত্থানিংদবা চাংয়েং অদু খংহন্নবগী মওংদা শ্রদ্ধাঞ্জলী কৎপা ওইনা হৌদোকখিবনি হায়বা ৱাফম ফোংদোকখি।

লোকদাউন লৈরিঙৈগী মরক অসিদা এন.জী.এম.এ.গী লেমজনিংঙাই ওইরবা কল্লেক্সনশিং অসি থাক ৱাংলবা ভিজিতরশিংবু খুদোংচাহন্নবগীদমক ভর্চুএল খোংচৎ অসি হৌদোকপগী ৱাখল্লোন অদু য়ৌহন্নবা অমসুং মপুং ফানবা আই.তী. সেল অসিদা লৈরিবা মীওই পুম্নমক্না পোত্থাবা লৈতনা কন্না হোৎনরিবা অসিগীদমক্তা চাওথোকচৈ হায়না শ্রী গদনায়ক্না ফোংদোকখি।

ভর্চুএল খোংচৎ অসিদা তোঙান-তোঙানবা কাংলুপশিংগী মওংদা শক্নাইরবা আর্তিস্তশিংগী খবক ৫২০ অমসুং স্কেৎচকী লাইরিক অহুম উহনবদা নত্তনা মমাংদা তৌখিবশিং অদু নিংশিংনবা “জীবনস্মৃতী” অসিশু য়াওরি। খোংচৎ অসিগী অরোইবদা ভিজিতরশিংনা https://so-ham.in/ramkinkar-baij-journey-through-silent-transformation-and-expressions দা এন.জী.এম.এ.গী বেন্নরগী মখাদা মখাদা অহানবা কলচরেল মেদিয়াগী প্লেতফোর্ম ‘ৱারী-ৱাতাই শান্নবদা য়াওবা’/অমসুং মমিগী খোংচৎ অসিদা য়ুম্ফম ওইবা ক্বীজ অমা অরোইবদা থম্লি। তৌরি।

রামকিনকর বাইজি হায়রিবা অনৌবা মতমগী ভারতকী হৌদোরকপদগী লৈরক্লবা আর্তিস্তশিংগী মনুংদগী অমা ওইরিবা অসি শক্নাইরবা স্কল্পচর, লাই য়েকপা অমসুং গ্রাফিক্কী আর্তিস্তনি। রামকিনকর বাইজি(১৯০৬-১৯৮০) অসি নোংচুপ লেঙ্গলগী বঙ্কুরাগী শেন্মীৎলোনগী অমসুং খুন্নাইদা থাক খরা শোনবা ইমুং অমদা পোকখি অমসুং ভারতকী কলাগী খ্বাইদগী থোইদোক-হেন্দোকপা অঙনবা মতমগী মোদর্নিস্ত অমা ওইবদা মায় পাকপা ঙম্লকখি। ১৯২৫ তা মহাক্না মহাক্কী লম্বী অদু সান্তিনিকেতনগী অর্ত স্কুলগী কলা ভাবনাদা লাকপা হৌরকখি অমসুং নন্দলাল বোসকী লমজিং মখাদা লৈরকখি।

সান্তিনিকেতনগী মনিং ত্মবা, বুদ্ধি-লৌশিংগী ওইবা ফীভম অদুনা মহাক্কী পুক্নিং থৌগৎখি, মহাক্কী কলাগী হৈথোই-শিংথোইবা অমসুং বুদ্ধী-লৌশিংগী ওইবা মগুনশিং কয়াদুনা শাৎকাইরক্তুনা হেন্না লুথনা অমদি অরুবা মওংগীদা য়ৌবা ঙম্লকখি। কলা ভবন্দগী মহৈ তম্বা লোইবগা য়াম্না থুনা ফেকল্তী মেম্বর অমা ওইরকখিবগা লোয়ন-লোয়ননা নন্দলাল বোস অমসুং বেনোদেবেহারী মুখর্জীগা সান্তিনিকেতনবু মনিং-তমদ্রিবা ভারতকী মোদর্ন আর্তকী খ্বাইদগী মরুওইবা সেন্তর অমা শেমগৎপদা অচৌবা থৌদাং লৌখি। রামকিনকরগী মোনুমেন্তেল ওইবা স্কল্পচরশিং অদু ময়ামগী আর্তকী নিংশিংনিংঙাইগী ওইবা খুদম অমা ওইনা শেমগৎলকখি। ভারতকী আর্তকী খ্বাইদগী অঙনবা মোদর্নিস্ত অমা ওইনা মহাক্না ইয়ুরোপিয়নগী অনৌবা ভিজুএল লেংগ্বেজগী আইদিওমশিং মান্নবা মওংদা শেমখি অমসুং হৌজিকসু মহাক্কী ভারতকী ওইবা মওংদা মরা তাদুনা লৈরি। মহাক্না পোত্থাবা লৈতনা মওংশিং, ফিগরেতিবতগী এবসত্রেক্তা অমদুগা এবসত্রেক্তগী ফিগরেতিবতা কোম্না লৈদুনা, মহাক্কী থীমশিং অদু মীওইবগী অরুবা ৱাখল্লোন অমদা শেমখি অমসুং মীওইবা অমসুং মহৌশাগী মরক্তা লৈনরিবা সিম্বাইওতিক্কী ওইবা মরি অদু তাক্তুনা খংনবগী চাংয়েংশিং তৌখি। মহাক্কী পেন্তিং অমসুং স্কল্পচরদা অরোইবা থাদুনা চাংয়েং তৌখি অনৌবা মেতরিএলশিং শিজিন্নবগী খুদোংথিনিংঙাই ওইবশিং পাংথোকখি। খুদম ওইনা, মহাক্না কনভেস্নেল ওইদবা মেতরিএলশিং, মতমসিগী ওইবদা সিমেন্তকী কঙ্কৃত মোনুমেন্তেল ওইবা ময়ামগী স্কল্পচরশিংনা আর্তকী থবকশিংগীদমক্তা খুদম তাকপা মওংদা অহানবা ওইনা শিজিন্নখি। সিমেন্ত, লেতরাইত অমসুং মোর্তারনা ফিগরশিংগী মওং শেম্বদা শিজিন্নবা, অমসুং অনৌবা ৱেস্তর্নগী ওিবা মশাগী ওইবা মওংদা শিজিন্নবা অমসুং ভারতকী ক্লাসিকেলগী মতমগী মমাংদা স্কল্পচরগী মতীক-ময়াইশিং চপ মান্নবা মরু ফংনা পুনশিন্নখি।

মহাক্কী থবক অদু মতম কয়া অমা হৌখ্রবসু, মথং-মথং নেস্নেল অমসুং ইন্তরনেস্নেল অনীমক্তা খংনরকখি। ১৯৫১দা সালোন দেস রিএলিতিজ নৌভেলেসতা শরুক রারুনবগীদমক্তা কৌরকখি। মদুদগী মথং-মথং ওইনা জাতীসিনা ইকাই খুম্নরকখি। ভারতকী আর্ততা য়েৎনিংঙাই লৈত্রবা থৌদাংশিংগীদমক্তা মহাকপুা ১৯৭০দা ভারত সরকারনা মহাকপু পদ্ম ভুশন পীদুনা ইকাই খুম্নখি। ১৯৭৬তা ললিৎ কলা একাদমীনা ফেলো অমা ওইহনখি। ১৯৭৬তা মহাকপু বিশ্ব ভারতীনা ‘দেসিকোত্তামা’গী দোক্তরিএল দিগ্রী পীদুনা ইকাই খুম্নখি অমসুং রবিন্দ্র ভারতী য়ুনিবর্সিতীনা ১৯৭৯দা দি.লিত পীদুনা ইকাই খুম্নখি।

কুইনা নারবা মতুংদা অগস্তকী তাং ২, ১৯৮০ রামকিনকরগী অরোইবা পুন্সি খোংচৎ ওইখি।

***