পৱার মন্ত্রালয়গী মখাদা লৈবা সেন্ত্রেল পি.এস.য়ু. অমা ওইরিবা অমদি ইন্দিয়াগী খ্বাইদগী চাউবা পৱার ফাইনেন্সিয়র আর.ই.সি. লিমিতেদনা লৈঙাক্কী অনা লায়েংশঙশিংদা লৈবা মেদিকেল স্তাফশিং অমদি লৈবাক শিনবা থুংনা লৈরিবা নোংমগী শুরগা চরা তাল্লিবা লায়রবা শিন্মীশিংদা চাক পীজনবগীদমক কোক চূংশিন্নদুনা হোৎনরিবা অসিদা লমজিংদুনা চৎলি‍।

আর.ই.সি. লিমিতেদগী সি.এস.আর. মশা ওইরিবা আর.ই.সি. ফাউন্দেসননা তাজসেত্স (আই.ঐচ.সি.এল. অমসুং এস.এ.তিই.এস. লিমেতেদকী অপুনবা ভেঞ্চর অমা ওইরিবা)গা নই দিল্লীগী সফদারজং হোস্পিতালদা লৈরিবা মেদিকেল স্তাফশিংদা অখন্ননা শেম-শারবা মচি লৈবা চাক্লুক পেক য়েন্থোক্নবা চূংশিন্নখ্রে‍। মাঙজিল থানা থেংনরিবা হকশেলগী থৌমীশিং অসিগী থৌদাংবু থাগৎপা ফোঙদোকপা ওইনা চাক্লুক পেক ৩০০ নুমিৎ খুদিংগী পীরি‍। থৌরাং অসিগী মখাদা নই দিল্লীদা চাক্লুক ১৮,০০০গী মথক্তা পীগদৌরি‍।

অমরোমদসু আর.ই.সি.না তোঙান তোঙানবা দিস্ত্রিক্ত ওথোরিতীশিং, এন.জি.ও.শিং, অমদি ইলেক্ত্রিসিতী দিস্ত্রিব্যুসন কম্পেনীশিং (দিসকোম)গা খুৎশম্নদুনা লৈবাক শিনবা থুংনা ফীভম চাদ্রবা মীওইশিংদা থোংদোক্লবা চাক্লুকশিং পীদুনা লাক্লি‍। থৌরাং অসি লৈবাকসিদা অথিংবা থম্বা হৌরকখিবদগী চঙশিন্দুনা লাকখিবনি অমদি অথিংবা লৈরিবমখৈ চত্থখিগনি‍। মে ২৪, ২০২০ ফাওবদা কোর্পোরেসন অসিনা ফুদগ্রেন কিলোগ্রাম লাখ ৪.৫৮, চাক্লুক পেক লাখ ১.২৬, সেনিতাইজর লিতর ৯৬০০, পি.পি.ই.কিত ৩৪০০ অমসুং মায়খুম ৮৩০০০ য়েন্থোকখ্রে‍।

আর.ই.সি. লিমিতেদ (হান্না রুরেল ইলেক্ত্রিফিকেসন কোর্পোরেসন লিমিতেদ হায়না খঙনরম্বা) অসি ইন্দিয়া শিনবা থুংনা পৱার সেক্তরদা শেন থাদবা অমদি চাউখৎপা পুরকপদা মায় ওনশিল্লিবা নবরত্ন এন.বি.এফ.সি. অমনি‍। ইং ১৯৬৯দা লিংখৎখিবা আর.ই.সি. লিমিতেদনা মসিগী থবকসিদা চহী য়াঙ্খৈ হেন্না থবক তৌদুনা লাক্লি‍। মসিগী মথক্তা পৱার সেক্তরদা লৈরিবা দিনদয়াল উপদ্যায় গ্রাম জ্যোতি য়োজনা (দি.দি.য়ু.জি.জে.ৱাই), সৌভাগ্যনচিংবা ইন্দিয়া লৈঙাক্কী ফ্লেগসিপ স্কিমশিংকী নোদেল এজেন্সীসু ওইরি‍।

********