পাৱরগী কেন্দ্র মন্ত্রী শ্রী আর.কে. সিংহনা নোংচুপ বেঙ্গলগী পাৱরগী এদিস্নেল চীফ সেক্রতরী অমসুং ওরিশাগী পাৱরগী প্রীন্সিপল সেক্রতরী, দিস্কোমসকী তোঙান-তোঙানবা সী.এম.দি.শিং, ভারত সরকারগী পাৱরগী সেক্রতরী, সী.এম.দি., পাৱর গ্রীদ, অমসুং অতৈ মকোক থোংবা ওফিসিএলশিংগা, লোয়ননা নোংলৈ-নুংশীৎ অম্ফান থোকখ্রবা মতুংদা ওইরিবা পাৱর সিস্তেমগী হঞ্জিল্লকপদা কদায়ফাওবা খুমাং চাওশিল্লবগে হায়বদু য়েংশিনখ্রে

থৌরম অদুদা ৱা ঙাংলদুনা, নোংলৈ নুংশীৎ অসিনা পাৱরগী সিস্তেমদা শোকহল্লিবা অসি মমল য়াম্না য়াম্মি অদুবু হান্নগী ফীভমদা হঞ্জিল্লক্নবা থবক য়াংশিল্লি। পুং খরগী মমাংদা ইন্তর স্তেত ত্রান্সমিসন সিস্তেম সিস্তেমগী হান্নগী মওংদা হঞ্জিনখ্রে অমসুং কেন্দ্রগী পাৱর পী.এস.ইয়ু.শিংনসু নোংলৈ-নুংশীৎনা শোকহনখ্রবা মফমশিংদা পাৱর ফংহন্দুনা হান্নগী ফীভমদা হঞ্জিল্লক্নবা অচংবা মীশিং পীখ্রে হায়না মহাক্না ফোংদোকখি। ওরিশাদা হান্নগী ফীভমদা হঞ্জিল্লকপগী থবক ঙসি নুমিদাংৱাইরম ফাওবদা মপুং ফানা পাংথোক্লগনি অমসুং কোলকতা অমসুং নোংচুপ বেঙ্গলগী অতৈ শরুক খরদা য়াংনা থবক চত্থরি হায়না মহাক্না ফোংদোকখি।

থবক তৌবা ঙম্বা মী/তেংবাংশিং পুম্নমক হান্ননা ফংহনখিবসি নত্তবদা এন.তি.পী.সী. অমসুং পাৱরগ্রীদতগী মীশিং হাপচিনবিরক্নবা অমসুং হান্নগী ফীভমদা হঞ্জিল্লক্নবগী থবক্তা নোংচুপ বেঙ্গলগী পাৱর বিবাগকী মতেং পাংনবা মন্ত্রীনা মন্ত্রালয়দা খংহনখ্রে। পাংবা য়াবা মতেং পাংনবা মতম পুম্নমক্তা মখোয় নোংচুপ বেঙ্গলগী সরকারগা ই-পাও ফাওনগনি।

য়েংশিনবগী মীতিং অদু নোংলৈ-নুংশীৎ অম্ফান্না শোকহনখিবা পাৱর সপ্লাই অসি য়েংশিন্নবগীদমক্তা পাক-শনবা মওংদা থৌরাংশিং/শেম-শাবশিং তৌখি হায়বা অদু হৌখিবা লৈবাকপোকপদা পাৱর মন্ত্রালয়গী ৱারোলদা থম্লিবশিং অদুদা য়েংবা য়াগনি। পী.জী.সী.আই.এল. অমসুং এন.তী.পী.সী.গী মায়কৈদগী ভুবনেশ্বর অমসুং কোলকতাদা ২৪ /৭ মথৌ তৌবা কন্ত্রোল রুমশিং থমখি। নোলৈ-নুশীৎ অসিনা মরম ওইদুনা রাজ্য অসিগী ত্রান্সমিসনগী লাইনশিং অমসুং অতৈ প৩ৱরগী ইনফ্রাস্ত্রকচরশিংদা অমাং-অতা অমত্তা থোকহন্দনবা মন্ত্রালয়না রাজ্যগী পাৱর য়ুতিলিতিজদা পাংবা য়াবা মতেং পাংগনি হায়বগী থাজবা পীখ্রে। ইমর্জেন্সী রেস্তোরেসন সিস্তেমস( ই.আর.এস. )(কে.ভি.৪০০দা৩২ অমসুং কে.ভি. ৭৬৪দা ২৪)গা কোন্ননা থবক তৌনবা মী মতীক চানা হান্না মাংজৌননা ত্রান্সমিসন তাৱর তুবশিং অমসুং ত্রান্সমিসনগী লাইনশিং তৎপশিংগী থবকশিংদা হেক মথৌ তারকপদা শিজিন্ননবা মফমশিং অদুদা থমখি।

***