হোম এফিয়ার্স মন্ত্রালয়না মাইগ্রেন্ত ৱর্করশিং, লাই খুরুম্বা চৎপশিং, লম কোয়বা চৎপশিং, মহৈরোয়শিং অমদি অতৈ পন্দুনা লৈরবা মীওইশিং চত্থোক চৎশিনগী মতাংদা থোকখিবা ওর্দরগী মতুং ইন্না ইন্দিয়ন রেলৱেজনা মে ১, ২০২০দগী “শ্রমিক স্পিসিএল” ত্রেন চেনবা হৌনবা ফিরেপ লৌখি‍।

মে ২৫, ২০২০ (পুং ১০:০০) ফাওবদা লৈবাক শিনবা থুংনা তোঙান তোঙানবা স্তেৎ কয়াদগী “শ্রমিক স্পিসিএল” ত্রেন পুন্না ৩০৬০ মথৌ তৌহনখ্রে‍। হায়রিবা “শ্রমিক স্পিসিএল” ত্রেনশিং অসিনা পেসেঞ্জর লাখ ৪০ হেনববু মখোয় মখোয়গী পন্থুংফমদা য়ৌহনখ্রে‍।

শ্রমিক স্পিসিএল ত্রেন ৩০৬০গী মনুংদা ত্রেন ২৬০৮দি পন্থুংফম য়ৌদুনা লেপখ্রে অদুগা ত্রেন ৪৫৩না হৌজিক হৌজিক চেল্লি‍। ২৪.০৫.২০২০দা শ্রমিক স্পিসিএল ত্রেন ২৩৭না পেসেঞ্জর লাখ ৩.১ পুদুনা চেল্লি‍।

হায়রিবা ত্রেন ৩০৬০ অসি তোঙান তোঙানবা স্তেৎশিংদগী থারকপনি‍। খ্বাইদগী মশিং য়াম্না ত্রেন থারকপা স্তেৎ/য়ু.তি. মঙাদি গুজরাত (ত্রেন ৮৫৩), মহারাস্ত্র (ত্রেন ৫৫০), পঞ্জাব (ত্রেন ৩৩৩), উত্তর প্রদেশ (ত্রেন ২২১), দিল্লী (ত্রেন ১৮১)নি‍।

অদুগা হায়রিবা শ্রমিক স্পিসিএল ত্রেনশিং অসি লৈবাক শিনবা থুংনা তোঙান তোঙানবা স্তেৎশিংদা লোইখি‍। ত্রেন মশিং খ্বাইদগী য়াম্না লোইশিনখিবা স্তেৎশিংদি উত্তর প্রদেশ (ত্রেন ১২৪৫), বিহার (ত্রেন ৮৪৬), ঝারখন্দ (ত্রেন ১২৩), মধ্য প্রদেশ (ত্রেন ১১২), ওরিসা (ত্রেন ৭৩)নি‍।

রেল লম্বী চিনবগী ফীভম মে ২৩/২৪দা থোকখিবদি লোইশিনখ্রে‍। চিনবগী ফীভম অদু বিহার অমদি উত্তর প্রদেশকী লম্বীদা রেল ত্রাফিক্কী শরুক অহুম থোকপগী অনি হেন্না থোক্লকপা অমদি স্তেৎ ওথোরিতীশিংনা তৌফম থোকপা তর্মিনেলগী ক্লিয়রেন্স হকশেলগী চৎন-কাংলোননা মরম ওইদুনা থেংথনা পীরকপনা মরম ওইদুনা থোকখিবনি‍। ৱাফম অসি স্তেৎ লৈঙাকশিংগা পুন্না খন্নমিন্নদুনা অমদি খোঙচৎশিং অদুগী অতোপ্পা শীজিন্নবা য়াবা লম্বীশিং থিদোক্তুনা লোইশিনখ্রে‍।

শ্রমিক স্পিসিএলশিংগী মথক্তা

শ্রমিক স্পিসিএলগী মথক্তা রেলৱেজনা অখন্নবা ত্রেন ১২ মে ১২দগী নই দিল্লীগা শম্নদুনা চেল্লি অমদি জুন ১দগী মতম নাইবা অহেনবা ত্রেন ২০০সু চেনবা হৌনবা থৌরাং য়াৎলি‍।

*****