পর্সনেল প্রোতেক্সন ইক্যুইপমেন্ত (পি.পি.ই.)কভরওলশিংগী ক্বালিতীগী মতাংদা চিংনবা ফোংদোক্লদুনা মীদিয়াগী সেক্সন খরদা রিপোর্ৎ খরা লৈখি। হায়রিবা পোৎলমশিং অসি কেন্দ্র সরকারনা লৈখিবা অদুগা মরী অমত্তা লৈনদে। ঐচ.এল.এল. লাইফকেয়র লিমিতেদ (ঐচ.এল.এল.), হকশেল অমসুং য়াইফ-বুম্বাল মন্ত্রলয়গী প্রোক্যোরিং এজেন্সী অসিনা মেন্যুফেকচররশিং/সপ্লায়রশিংদগি পি.পি.ই.শিং লৌবা মতমদা মখোয়গী কোভরওলশিং অদু তেস্ত তৌহল্লবা মতুং অমসুং মসিবু তেস্ত তৌনবগীদমক্তা ওইবা তেক্সতাইলস মন্ত্রলয় (এম.ও.তি.)না খনগৎলবা লেব নিপান অদুগী মনুংদা অমনা অয়াবা মতমদতা প্রোক্যোর তৌগনি। মখোয়গী প্রোদক্তশিং অদু হকশেল অমসুং য়াইফ-য়ুম্বাল মন্ত্রলয়গী তেক্নিকেল কমিতীনা পীরিবা তেস্ত অসিদা মাইপাক্লবা মতুংদা খক্তমক মখোয়শিং অসি প্রোক্যোর তৌখিনি।

মখাতানা, ঐচ.এল.এল.না সপ্লাইগীদমক্তা হায়খিবশিং অদুগী সেম্পলশিং খনগত্তুনা মখোয়শিং অসিগী তেস্ত তৌনবগীদমক্তা প্রোতোকোলশিং শেম্বগী থবকশিংসু পাইখৎলি। করিগুম্বা অসিদা মাইপাক্তবা কমপনীশিং অদু সপ্লাইশিং তৌনবগীদমক্তা দিসক্বালিফাই তৌই। এম.ও.তি.না খনগৎলবা লেবশিং অসিদগী পি.পি.ই.শিংগীদমক্তা ওইনা পীথোক্লবা তেস্তশিং অসি তৌরবা মতুংদা খক্তমক রাজ্যশিং/য়ু.তি.শিংনা মখোয়গী থাক্তা প্রোক্যোরমেন্ত তৌনবগীদমক্তা হায়খ্রে। অসিগী মথক্তা লেবশিং অসিদগী মখোয়গী প্রোদক্তশিং অদু তেস্ত তৌবদা মাইপাক্লবা মেন্যুফেকচররশিং অদু সরকারগি ই-মার্কেৎপ্লেস (জি.ই.এম.)দা য়াওহল্লি।মখোয়গী পি.পি.ই.শিং মাইপাক্লবা মেন্যুফেকচরশিং অদু জি.ই.এম.দা য়াওনবা এম.ও.তি.না পাউতাক পীরকখ্রে মরমদি মসিনা রাজ্যশিংদা মসিগী মতুং ইন্না প্রোক্যোরমেন্ত তৌবা য়াগনি। লানাইগী সেক্তরশিংগীদমক্তা ওইনসু, মখোয়গী প্রোদক্তশিং অদু তেস্ত অসিদা মাইপাক্লবা মেন্যুফেকচররশিংগী দাইনামিক ওইবা ইনফোর্মেশন অদু এম.ও.তি.ৱেবসাইত্তা ফংবীগনি।

ভারতনা পি.পি.ই.শিং অমসুং এন.৯৫ মাস্কশিংগী দোমেস্তিক প্রোদক্সন কেপাসিতী অদু হেনগৎহনখ্রে, অমসুং মসিনা রাজ্য/য়ু.তি.শিংগী মথৌ তারিবশিং অদু মতিক-চানা কোন্ননবা পীবা ঙম্লে। ঙসিদি, লৈবাক অসিনা নোংমদা পি.পি.ই.শিং অমসুং এন.৯৫ মাস্কশিং লাখ ৩গী মথক্তা পুথোক্লি। সেন্ত্রেল ইন্সতিত্যুশনশিংগা লোইননা রাজ্যশিং/য়ু.তি.শিংদা চাউরাক্না এন.৯৫ মাস্ক লাখ ১১১.০৮ অমসুং পর্সোনেল প্রোতেক্তিব ইক্যুইপমেন্ত চাউরাক্না লাখ ৭৪.৪৮ পীখ্রে।

মসিগী মথক্তা, পি.পি.ই.শিংগী ওইবা নীংথিজনা শিজিন্ননবগী গাইদলাইনশিং এম.ও.ঐচ.এফ.দবল্যু.না থোকখ্রে অমসুং মসি https://mohfw.gov.in. দা য়েংবা য়াগনি।

***