মাইক্রো, স্মোল অমসুং মেদিয়ম ইন্তর্প্রাইজেস মন্ত্রালয়

সোলর সেক্তরদা কান্নবা পীনবা ইনর্জীগী য়াম্না চাউবা সেক্তরশিং লৈ - শ্রী নীতিন গরকরী
সেক্তর পুম্নমক্তা তেংবাং ওইগদবা ইনৌ-নৌনা হৌদোকপা ওইবা অমসুং শেন্মিৎলোনগী মপাঙ্গল কনখৎহনগদবা লল্লোন-ইতীক্কী মোদেলশিং পায়খৎলু - শ্রী নীতিন গরকরীনা সোলর ইন্দস্ত্রীগী মীহুৎশিংদা

Posted On: 23 MAY 2020 7:53PM by PIB Imphal

এম.এস.এম.ই. অমসুং রোদ ত্রান্সপোর্ত অমসুং হাইৱেশিংগী কেন্দ্র মন্ত্রী শ্রী নীতিন গরকরীনা ঙসি ভিদিও কনফরেন্সকী খুত্থাংদা সোলর সেক্তর ইনর্জীদা লৈরিবা খুদোংচাবশিং খংহন্নবা মহা সোলর সঙ্গথনগী মীহুৎশিংগী মীতিং পাংথোকখ্রে।

মন্ত্রীনা সোলর ইনর্জীগী মরুওইবশিং অদু অথোইবা মওংদা পল্লদুনা সোলর সেক্তরদা য়াম্না চাউনা ওইরক্নিংঙাই ওইবা অমসুং মরুওইনা ইলেক্ত্রিকসিতীগী মমল হন্থহনবদা মতেং ওইগদবা কয়া অমা লৈ হায়খি। মহাক্না মখা তানা লৌউ-শিংউবা, ৱেয়রহাউসিংনচিংবগী সেক্তরশিংদা ইনর্জী য়াম্না চাউনা চংবা সেক্তরশিংগুম্বা অমসুং ঈথৈ-লৌখোংগীদমক্তা ওইবা ঈশিংগী পম্পশিং অমসুং কোল্দ স্তোরেজগীদমক্তা সোলর ইলেক্ত্রিসিতীগুম্বা লল্লোনবগী ওইবা মওংদা শিজিন্নবা সোলর ইনর্জীশিংদা পাৱরগী মমল হন্থহনবদা থৌদাং লৌবা ঙম্মি।

কেন্দ্রগী মন্ত্রীনা মীরমদগী পুশিল্লকপা পোৎলমশিং অসি ইরমগী পোৎশকশিংনা মহুৎ শিঞ্জিল্লকপগা লোয়ননা মপান্দা পোৎ থাদোকপা হেনগৎহনবগী মথৌ তাবগী মায়কৈরোমদা কনশিনবা ৱাফম থমখি। মহাক্না ভারত অসি হৌজিকসু ইনর্জী য়াম্না লৈহল্লকপা য়াবা সোলর পেনেলশিং পুশিল্লক্তুনা শারিবশিংদা ভারত অসি ‘মেক ইন ইন্দিয়া’গী প্রদকশিংগী মতেংনা মরোমদোম লেপচবা ঙম্বা ওইহন্নবা পুক্নিং থৌগৎনবা থোইদোকপা মওংদা হায়খি। 

মন্ত্রীনা এম.এস.এম.ই.গী সেক্তরশিংদা য়াম্না মথৌ তাবা লেংহন্নবা পাঙ্গল ফংহন্দুনা হৌজিক ওইরিবা শেন্মিৎলোনদা তংদু লৈতাদবা অসি লোইশিনবা এম.এস.এম.ই.দা ঙম্ননবা এদিস্নেল কোলেতরেল য়াওদনা চাদা ২০ ফংহন্দুনা ৱর্কিং কেপিতেল হেনগৎহন্নবা ফ্রী ওতোমেতিক লোন য়াওবা অখন্নবা শেন্মিৎলোনগী পেকেজঃ আত্মনির্ভরতাগী মখাদা  সরকারনা তোঙান-তোঙানবা থৌরাংশিং লাওথোকখ্রে।

শ্রী গরকরীনা ইন্দস্ত্রীগী মীহুৎশিং অদুদা লৌউ-শিংউবা, ৱেয়রহাউসনচিংবদা মমল হন্থবা সস্তেনেবল ইনর্জী ফংহন্নবা তোঙান-তোঙানবা সেক্তরদা অনৌবা, ইনৌ-নৌনা হৌদোকপা অমসুং শেন্মিৎলোনগী মপাঙ্গল হেনগৎহনগদবা লল্লোন-ইতীক্কী মোদেলশিংগা লোয়ননা থবক পায়খৎনবা তকশিনখি।  মসিনা মখল-মখা কয়াগী সেক্তরশিংদা ইনর্জীগী মমল হন্থহনবদা মতেং পাংবখক্তা নত্তনা ”মেক ইন ইন্দিয়া”গী থৌরাং অসিদা মথৌ তারিবা খংইন ইনখৎকনি হায়না মহাক্না ফোংদোকখি। 

ইন্দস্ত্রী অসিনা ইনৌ-নৌবশিং, ইন্তর্প্রেন্যুরশিপ, সাইন্স অমসুং তেক্নোলোজী, রিসর্চ স্কীল অমসুং লন-থুমদগী লৌশিংদা ওন্দোকপগী এক্সপরিএন্সশিংগী ৱাখল্লোন ফোংদোকখি।

জপান সরকারনা মাগী ইন্দস্ত্রীশিংদা চাইনাদা থাদখিবা শেলশিং লৌথোক্তুনা অতোপ্পা মফম অমদা হোংদোক্নবা অখন্নবা পেকেজ অমা পীরি হায়বা ৱাফম অদু মহাক্না নীংশিংহনখি। মসি লৈবাক অসিদা মীরৈবাক্কী শেল থাদনীংবশিংগী পুক্নিং চিংশিন্নবগী খুদোংচাবা অমা ওইবা য়াই হায়না মহাক্না হায়খি।

হাপচিনখিবা হংলকখিবা ৱাহংশিং অমদি ৱাফমশিং খরাঃ সি.এল.এস.এস. স্কীমগী মখাদা তেক্নোলোজীগী লিস্ত অদুদা সোলর পী.ভি. হাপচিনবা, এম.এস.এম.ই.গী মতাংদা অনৌবা হায়রিবশিং অদুদা  অওন-শেনগী পনখৈ অমুক হন্না য়ংশিনবা, এম.এস.এম.ই. ওইনা শারিবশিং পুক্নিং থৌগৎনবা সবসিদীশিং থাদোকপা অমসুং পুশিল্লকপা হন্থনবা অসিনচিংবশিং।

শ্রী গরকরীনা মীহুৎশিংনা হংলকপা ৱাহংশিংগী পাউখুম পীখি অমসুং সরকারগী মায়কৈদগী পাংবা য়াবা মতেং পুম্নমক পাংগনি হায়বা অচেৎপা ৱাফম থমখি।

*****



(Release ID: 1626582) Visitor Counter : 79