জ্যোতী শর্মা/এস.কে. বর্শনী

হৌজিক থোরক্লিবা তমথিরবা লায়চৎ অসিনা মীওই কয়াগী পুন্সিদা, মখোয়গী হকশেলদা অমসুং নুংঙাই-য়াইফনা লৈবদা চৈথেং কয়া পীখ্রে। খঙহৌদনা থোরকপা অসিনা নুতীগী তৌরিবা থবকশিংদা অপনবা পীদুনা, সোসিএল দিস্তেন্সিং তৌবগী পামদবা চৎন-কাংলোন অমসুং অতৎ-অখম লৈতনা ফংলিবা ই-পাউশিংনা ঐখোয় পুম্নমক্কী ৱাখল ৱাহন্দুনা অরুবদা অমসুং শাফু-হাফুদা নমদুনা ৱাখল খলহল্লে।  খঙথিং থিংজিল্লকপগী অকীবা, চরাংনবা ৱাখল, শাওনিংবা, মরাল লংশিনবা ওইনা ফাওরিবশিং, মালেম অসি ফত্তবা ঙাক্তা ওইনা উবা অমসুং মমল লৈরক্তবগী মওং, তুম্বা য়াদবা, চাক চাবা তুম্মক্তবা নত্রগা লুম্বা হেনগৎপা, ৱাখল চিংশিনবা ৱাৎপা, অমসুং কুম পুরবা লায়নানা নাবগী হেন্না ৱাশিল্লকপশিং অসি অৱাবা ৱাখলনা ঐখোয়গী হকচাং অমসুং ইম্যুনিতী শোকহল্লকপগী খুদম অমনি।  লোকদাউন তৌরিঙৈগী মতম অসিদা, ঐখোয়দা নুংদা লৈরিবা লায়নাশিং অসিনা মতীক চানা হকচাংনা তৌগদবা থবকশিং তৌহল্লক্তবা অমসুং তমথিবা লায়চৎ অসিগী অকিবদগী তেমশিংনরকপা য়াই।  মরম অসিনা, পুন্সীগী ওইবা মওংগী লায়না লৈত্রফাওবদা ঐখোয়গী হকচাং অমসুং ইম্যুনিতী সিস্তেম কনখৎহনবগী মথৌ তাই।

 কোবিদ-১৯গী মায়োক্তা লান্থেংনবা লৈরিবা মথক থংবা অঙম্বনা লেপ্পা লায়েং, তীকা অমসুং অনাবা ফনবা হায়বীবশিং, লৈবাক অয়াম্বগী সরকারশিং অমসুং ৱর্ল্দ হেল্থ ওর্গনাইজেসন, দি ব্রীতিশ দাইএতিক এসোসিএসন অমসুং ইয়ু.দি. চী়ঞ্জাক অমসুং থবক শীনবগুম্বা য়াথং ফংলবা তোঙান-তোঙানবা অন্তর্রাস্ত্রীয়গী হেল্থ এজেন্সীশিং অসি অতেকপা এঞ্জাং-নাপীশিং অমসুং উহৈশিং, লৈপাক হৱাইশিং অমসুং মরুশিং; হৱাই মরুশিং অমসুং মহৈ-মরোংগী চিঞ্জাক পুম্নমক; অনসেচুরেতেদ থাওশিং; সোদা, থুম, চীনি অমসুং ত্রান্স ফেৎশিং অকক্নবা মওংদা চাবা;অমসুং জঙ্ক ফুদশিং অমসুং চীনি য়াওবা চিঞ্জাকশিং চাবা লেপ্পদা লুম্না লৌই। চিঞ্জাকশিং অসি নত্তবদা, হকচাং শাজেলশিং, ধ্যান তৌবা অমসুং মতীক চানা তুম্বা অমসুং নুংশাদা ফৌবগী গাইদলাইনশু হায়রি।

হায়বিবা অমসুং লমজিং লমতাকপশিং অসি হান্না মাংজৌননা ভারতকী মমাংঙৈগী মতমদা তৌনরম্বা হিলিং সিস্তেম হায়বদি পুন্সী অসি য়ুম্বী মরী, মমিং ওইনা আহার(চিঞ্জাক), বিহার(পুন্সি মওং), অচার(মী অমনা মপানগী তাইবংদা চৎলিবা মওং) অমসুং বিচার(ৱাখল ফবগী মওং)নি হায়বগী ৱাখল্লোন ফোংদোক্লিবা আয়ুরবেদকী শরুক অমা ওইখ্রে। মসিগী মতুং ইন্না, চিঞ্জাক হায়বসি মী অমবু পুন্সিগী, চীঞ্জাক্কী অমসুং হকচাংগী মরুওইবা পোৎশিং অমুক হঞ্জিলহল্লক্তুনা ফগৎহনবা ঙম্বা হীদাক অমগুম্বনি।  মী অমগী হকচাং-শবানগা মরী লৈননা ওইরকপা পুকচেল অমদি শাজৎকী মওং, হকচাং অমসুং পুক্নিংগী মওংশিং অসি মখোয়না চীঞ্জাক্কী খনবশিং, চাংশিং অমশুং পুন্সি মওংনা লেপ্পী অমসুং নিয়ম নাইহল্লি। ৱাখলগী মওং, চিঞ্জাক অমসুং পুন্সি মওংগী লায়নাশিংনা মায়কৈ অনীগী নত্তবা শাজৎ অমদা লমজিংবা জীনশিং, অকোয়বগী ফীভম, চিঞ্জাক অমসুং মথুম মরাং হৌহনবগী ফেক্তরশিং অসি অমগা-অমগা নক্না মরী লৈনৈ হায়বসি ময়াম্না খঙনরবা ৱাফম অমনি। আয়ুর্বেদনা হকচাং ফবা পুন্সিগী মওংশিং, ধ্যান তৌবা, প্রনায়ম তৌবা, মতীক চানা তুম্বা অমসুং মচল শুরবা চীঞ্জাক্না মরক্তা অয়েৎপা থমদুনা হকচাং ফবা, ইং-চীক্না পানবা পুন্সি অমসুং কোবিদ-১৯ য়াওনা মখল কয়াগী লায়নাশিং লান্থেংনবা ঙমহল্লি হায়রি।   নিংথিজনা চিঞ্জাক খনবা অমসুং মতম খায়না চাবনা ৱাখল লৈতানা তশেং-তশেংনা হকচাং ফনা থম্বদা মতেং পাংই। ভগৱদ গীতা অমসুং য়োগাগী শাস্ত্রশিংদা মগুন(গুনস হায়বা ৱাহৈ)গী মতুং ইন্না চিঞ্জাক অসি মওং অদুম থোক্না খায়দোকই। মখোয়শিং অদুদি সাথৱা(সতোগুনা), রাজসা(রাজোগুন) অমসুং থমশা(তমোগুন)নি। সাথৱা হায়বগী ৱাহন্থোক্তি অফবগী মওং-মতৌ, অদুগা রাজসা হায়বগী ৱাহন্থোক্না শাওগনবা/খিং-খিং লাওবা অমসুং “খ্বাইদগী অফবা”দগী  “খ্বাইদগী ফত্তবা”দা মথং-মথং ওইরকপনি। থমসা হায়বসিনা খিং-খিং লাওদবা হায়বনি। গুন শুনা য়াওরবা চীঞ্জাক্কী ৱাহন্থোক্তি মহৌশাগী ওইবা, থৱায়-হকচাংগা মরী লৈনবা অমসুং পাঙ্গল য়াওবা চিঞ্জাকশিং অমসুং চাবগী হৈনবীশিং অমদি ইং-তপ্পা, অশেংবা অমসুং পুন্সি শাংবদা তেংবাংবা, বুদ্ধি-লৌশিং লৈবা, পাঙ্গল কনবা, হকচাং ফবা অমসুং পেন্নিংঙাই ওইবশিং য়াওব চিঞ্জাকশিং হায়বনি। গুন শুরবা চিঞ্জাকশিংগী খুদমশিংদি উহৈশিং, এঞ্জাং-নাপীশিং, মতোন থোকপা হৱাই মরুশিং, মরু-মরাংশিং, লৈবাক হৱাই অমসুং মরুশিং, ফেৎ হন্থবা শঙ্গোম অমসুং শঙ্গোমগী ওইবা পোৎলমশিং, অশেংবা হৈ মহিশিং অমসুং থোংবগী পুং ৩-৪গী মনুংদা তুম্বা থোংলবা চীঞ্জাক্নচিংবশিংনি।

রাজাশিক ওইবা চিঞ্জাক, অকনবা পুক্নিংগী ইহুলগী মওং, অসি মরু-মরাং য়াম্না য়াওবা, অশাবা নত্রগী মোরোক্কা কোন্ননা তাওথোক্লবা, অশিনবা অমসুং অয়াকপা মহাওগী ওইবশিং অদুনি। রাজাসিক ওইবা চীঞ্জাক্তা নেগেতিব ওইবা, অকনাবা পুক্নিংগী ইহুলগী ওইবা অমসুং পোত্থাফম খঙহন্দবশিংগী মগুন য়াওই। রাজাসিক ওইবা চিঞ্জাকশিং অসি চা অমসুং কোফীনচিংবশিং য়াওবা থক্নবশিং (কোফী, হিস-হিস কাম্বা সোফ্ত দ্রীঙ্কশিং, চা), চিনিনা শাবা অচাপোৎশিং( চোকোলেৎ, কেক,বিস্ক্যুতশিং, চীপশিংনচিংবশিং) নত্রগা মরু-মরাং য়াওবা চিঞ্জাকশিংগী মগুন য়াওই।  মসিগী চিঞ্জাকশিং অসিদা গ্লুকোজগী চাং ৱাংনা য়াওবনা মখোয়শিং অসিনা খুদক্তা পাঙ্গল ফংহনবা য়াই অদুবু ৱাখল তিংঙগা হকচাং থাক্তুনা ৱাখল-হকচাংগী মান্নবা চাং অদু থুগাইখিবা য়াই। 

তমসিক ওইবা চিঞ্জাক, খঙশিন-উশিন্নদবগী মওং, অসি চাং হেন্না থোংলবা, চজিক, য়াম্না অথুবা, অমুক হন্না শাহনবা, মাইক্রোৱেবতা হাপ্লবা নত্রগা ফমজিল্লবা চিঞ্জাকশিং; শিরবা চিঞ্জাক হাযবদি শা-ঙা, ঙানু-য়েন, য়েরুমশিং; য়ু, চুরুপ অমসুং দ্রগশিং লাইচুবশিং অসি য়াওই । তসমিক ওইবা চিঞ্জাকশিং অসি তুম্বদা ৱাই অমসুং নুঙবংনহল্লি, অতনা পোকল্লি অমসুং তুমহল্লি। মসিগীশিং অসি কা হেন্না হকচাং চাওবা, দাইএবিতিস, থম্মোয় অমসুং ফীরাক্কী লায়না থোকহন্নবগী য়াম্না মরু ওইবা মরম্নি।

রাজাসিক অমসুং তমসিক ওইবা চিঞ্জাকশিং অসি থৌওং চত্থদুনা শেম্বা অমসুং জঙ্ক ওইরবা চিঞ্জাক ওইনা ফংলিবশিং অসিদা কার্বোহাইদ্রেতশিং, চিনি অমসুং ত্রান্স ফেতশিং চাং ৱাংনা য়াওই।  চাং হাই ফ্রুক্তোজগী কোর্ন সিরপ( ঐচ.এফ.সি.এস. ) অমসুং তেবলগী চিনি য়ানশিংন্নবা অসি হেন্না ফবা মশানা ওইজরকপা, হেন্না পাম্নবা অমসুং চাংদম্ননিংঙাই ওইবা মমলনা মরম ওইদুনা ফুদ ইন্দস্ত্রীশিংনা থুমহন্নবগীদমক্তা মরুওইনা খন্নবা অমা ওইরে।  মসিনা মপুং ওইনা থুমহন্নবা হাপ্পদা চাদা ৩০ হেন্না থুমহল্লি অমসুং  ইন্সুলিন অমসুং লেপ্তিনগী হোর্মোনশিং নিয়ম নাইনা মথৌ পাংথোকপা ঙমহন্দনা ঘ্রেলিন থোরপা থিংহল্লি, ঐখোয়গী ব্রেন্দা হেঞ্জিন্না পেল্লবগী ওইরিবা মফম্বু হেনগৎহনবগীদমক্তা খঙনরবা ফেক্তরশিং অপুম্বনা ঈগী গ্লুকোজগী থাকশিং অমসুং চাক লাম্বা চাং নাইহল্লি। ফাস্ত ফুদশিং অমসুং ফ্রেঞ্চ ফ্রাইজ, দৌঘনত্স, কেকশিংপাই ক্রস্তশিং, বিস্ক্যুতশিংল ফমজিল্লবা পীজাশিং, কুকিজশিং, ক্রেক্করশিং অমসুং স্তীক মার্গেরীনশিংগুম্বা অঙৌবা/অতাওবা চিঞ্জাকশিং অসি মখোয়গী থোংবগী থৌওংদা মথৌ তাবশিংদু য়ৌহন্দুনা লাইনা শিজিন্ননবা, মমল তাংদবা হাইদ্রোজিনেত তৌরবা নত্রগা খুৎশেমগী ওইবা ত্রান্স-ফেৎশিং(নত্রগা ফেত্তী এসিদশিং) শিজিন্নরগা শাবনি অমসুং লল্লোন্নবগী ওইনা তাওরিবশিংনা হঞ্জিন-হঞ্জিন শিজিন্নবা য়াই। ঈগী গ্লুকোজগী থাকশিং চাং নাইনা মথৌ তৌহনবদা অকায়বা পীবা চিনিগী শরুক ৱাংবা, ফেৎ ৱাংবা অমসুং শাগী প্রোতীনগী চিঞ্জাকশিংনা ফীরাক্তা ফেৎ শাগৎহল্লক্তুনা, য়ুরিক এসিদকী কন্সেন্ত্রেসনশিং ৱাংহন্দুনা, কীদনি মথৌ তৌবা হন্থহল্লক্তুনা মমাং থংবা শরুক্লোমদা থাগৎপা হেনগৎল্লকই অমসুং ফেৎ তুংশিল্লী।

 মায়কৈ অতোপ্পা অমদা, প্রানা(‘পুন্সি-শাফু’)মরাং কাইনা য়াওরিবশিং অসি কোর্বোহাইদ্রেৎশিং, ফেৎশিং, চীঞ্জাক্কী ওইবা মশিংশিং মরাং কাইনা য়াওবা, ভিতামিনশিং, মিনরেলশিং অমসুং চিনি, থুম অমসুং থাওগী চাং অকক্ননা য়াওরগা অমসুং শাগী ফেৎ অমত্তা য়াওদনা শেম্বনি । মসি ইরাই লাইনা তুম্বা ঙম্মি অমসুং আয়ুর্বেদকী মহাও তরুক(অথুম্বা, অশিনবা, অয়াকপা, মোরোক শাবা, অখাবা, য়াক্না শিনবা) অসি শিজিন্নবা য়াই।    হকচাং শাজেল, নিংথিজনা পোত্থাবগা লোয়ননা মগুন শুনা য়াওবা চীঞ্জাক্কী পাউতাক পীরকপা অমসুং অফবা মায়কৈরোমদা খনবা ৱাখল্লোন অসি পাঙ্গল ফংফম অমনি অমসুং হকচাংগী ওইবা ইন্দেক্স ৱাংবা, কোরোনরী আর্তরীগী লায়না, কা হেন্না নোইবা, ঈ হেন্না হাগৎপা, দাইএব্তিসকী ২শুবা মখল, অমসুং ওস্তেরোপোরোসিসকী ফত্তবা থোরক্নিংঙাই ওইবশিং অদু হন্থহল্লি।  মগুন শুরবা চিঞ্জাক অসি অইংবা মওং মতৌ অমসুং ৱাখল ইংহনবা অশেংবা, মহৌশাগী ওইবা, পাঙ্গল কনবা, অশিংবা অমসুং শক্তিনা থন্না য়াওবা অসিগী মহৈনা মীওই অমগী পুন্সি শাংহল্লি। মায়কৈ অমরোমদা, রাজাসিক অমসুং তমসিক ওইবা চিঞ্জাকশিং হায়বদি তীলহৌ, শিং, হীং, কেফিনেত তৌরবা চা অমসুং কোফী; ঙৌথোক্লবা, মরু-মরাং য়াওবা, চিনি য়াম্না য়াওবা অমসুং জঙ্ক ওইবা চিঞ্জাকশিংনা পোত্থাফম খঙহন্বা, উইনিংবা অমসুং তুমনিংবা ফাওহল্লি। চনম অমসুং তীলহৌগুম্বা চিঞ্জাক অসি অদু নুতীগী শিজিন্নবা নত্তবা মওংদা হীদাক অমা ওইনা অফবা ওইবা য়াই। শিংলি-নাওরিগী সিস্তেমশিংদা ময়াই কাহনবা চিঞ্জাকশিং নুমীৎ খুদিংগী চাবনা পুন্সিদা খঙ-উবা কয়া ফংহনগদবশিং অসি হন্থহল্লি।  

হৌজিক্কী তমথিরবা লায়চৎ অসিগী মতমদা খনগদবা চিঞ্জাকশিং

ভারত সরকারগী আয়ুশ মন্ত্রালয়গী হৌজিক্কী মতমদা চৎনরিবা গাইদলাইনশিং অসিনা ঙাকথোক্নিংঙাই ওইবা হকশেলগী থৌরাংশিংগীদমক্তা ইশানা চেকশিনজগদবা  অমসুং ইম্যুন খঙহেন হেনগৎহন্নবা গাইদলাইনশিংনি।  মসিগী গাইদলাইনশিং অসিদা মনা-মশিংগী চা অমসুং তুলসি, উশিংশা, কালিমির্চ, শুন্থী (অকাংবা শিং) মুনক্কা(কিসমিস) অদু চিনি অঙাংবগা অমসুং /নত্রগা শুম্বদা ঙাইরিবা চম্প্রা মহীগা কোন্ননা ফুৎলগা মহী লৌবা(অখাবা মহী)না কোবিদ-১৯গী মায়োক্তা লান্থেংনবদা ইম্যুনিতি ওইনা মহাও হেনগৎহনগনি। গাইদলাইনশিং অসিনা অইংবা, অফম্বা অমসুং কা হেন্না চাবা চিঞ্জাকশিং অদু থাদোক্তুনা রাজাস্তিক অমসুং তমসিক ওইবা চিঞ্জাক থাদোক্লে হায়বা ময়েক শেংনা তাকপা অমা ওই।  অসিগুম্বশিং অসি রিকমেন্দ তৌবনা চপ চানা পোত্থাবা, মতম চানা তুম্বা, নুংশাদা ফৌবা অমসুং য়োগাসনা অমসুং প্রনায়মা তৌবনসু ঐখোয়গী হকচাং, ৱাখল অমসুং পুন্সি মওং অসি চাং চানা থম্বদা মতেং পাই।

লায়েংঅদু নিংজিং-মাংজিংনবা অমসুং লৈতবা মতমদা, হকচাং অসি ফনা অমসুং ইংচতপ্না থম্বা অসি মপু ওই হায়না রিকমেন্ত তৌই।  অতৈ রিকমেন্দেসনশিংগা লোয়ননা অফবা চিঞ্জাক অসি মথক্কী তেবল  অসিদা শন্দোক্না পীরিবা অসিনা কোবিদ-১৯ লান্থেংনরিবা মতম অসিদা ঐখোয়গী ইম্যুনিতী শেমগৎপদা মতেং পাংবগা লোয়ননা অৱাবা ৱাখল মাংহনগনি।

 (অইবা: জ্যোতী শর্মা, সেনিয়র সাইন্তিস্ত, দি.এস.তি. অমসুং এস.কে. বর্সনী, হেদ, ইন্ত্রনেস্নেল বাইলেতরেল কোরপোরেসন দিভিজন, সাইন্স অমসুং তেক্নোলোজী বিভাগ।

আর্তিকল অসিদা ফোংদোক্লিবা ৱাফমশিং অসি অইবশিংগীনি, মখোয়না লৈরিবা ওর্গনাইজেসন অদুগী নত্তে।)

****