লো অমসুং জস্তিস অমদি ইলেক্ত্রোনিক্স অমসুং আই.তি.গী কেন্দ্র মন্ত্রী শ্রী রবি শঙ্কর প্রসাদনা চীফ পোস্ত মাস্তর জেনরেলশিং অমসুং ভারতীয় পোস্তকী মকোকথোংবা ওফিসরশিংদা প্রধান মন্ত্রীগী ৱাখল্লোন অমা ওইরিবা আত্মনির্ভর ভারত অসিবু মপুং ফাহনগদবা মায়কৈরোমদা থবক তৌনবা খঙহনখ্রে। কেন্দ্র মন্ত্রীনা কোবিদ-১৯ থোক্লিঙৈগী মতম অসিদা দাক্কী বিভাগকী থবকশিং অমসুং কন্না হোৎনবশিং অদু ভিদিও কন্ফরেন্স তৌদুনা য়েংশিনখি। ই-পাওগী রাজ্য মন্ত্রী শ্রী সঞ্জয় শামরাও ধোত্রে, দাককী সেক্রতরী পী.কে. বিসোই, দাক্কী সর্ভিসশিংগী দি.জি. শ্রী অরুনধতী ঘোশ অমসুং অতৈ মকোক থোংবা ওফিসিএশিংসু ময়ায় লোয়শংদগী ভিদিও কনফরেন্স অদুদা য়াওখি।  চীফ পোস্ত মাস্তর জেনরেলশিং পুম্নমক মরি লৈনবা ময়ায় লোয়শংদগী ভিদিও কনফরেন্স অদুদা য়াওখি। 

ভিদিও কনফরেন্স অসি সি.-দোত.না শেমগৎখিবা অহানবা “মেক ইন ইন্দিয়া” সোলুসন্দা পাংথোকখি। মসিগী মনুংদা মসি মায় পাক্না পাংথোকখিবা অহানবা ভিদিও কনফরেন্স অমা ওইরম্মী।

ভারতীয় পোস্তনা কোবিদতগী নান্থোক্নবা কন্না হোৎনবশিং অদুগী থোইদোক হেন্দোকপশিং:

• তন ২০০০দগী হেনবা হীদাকশিং অমসুং মেদিকেল ইক্বুইপমেন্তশিং বুক তৌদুনা মথৌতারবা লৈবাক অসিগী মীশিং অমসুং হোসপিতালশিংদা য়েন্থোকখি।  
• নোংমদা কিলোমিতর ২৫০০০দগী হেন্না মেল অমসুং পার্সেল তন ৭৫ পুদুনা সপ্লাইগী পরিং অসি হেন্না কনখৎহন্নবা লম্বী চত্থোক-চৎশিন তৌবগী নেতৱর্কশিং তৌহন্নবা হৌদোকখ্রে।
• আধার ইনেবল পেমেন্ত সিস্তেম (এ.ই.পি.এস. ) শিজিন্নদুনা বেনিফিসরী লাখ ৮৫ রোমদা থোং-থোংদা লুপা করোর ১৫০০ য়ৌহনখ্রে।
• শেলগী থবক্কী মনুং চনবা লুপা করোর ৭৬০গী মখল কয়াগী স্কীমশিংগী মখাদা পেমেন্ত তৌদুনা লুপা লাখ ৭৫গী ইলেক্ত্রোনিক মনি ওর্দর (ই.এম.ও. ) তৌখ্রে।

• বেনিফিসরীশিংদা লুপা করোর ১১০০গী ওইবা শেনফমশিং দাইরেক্ত বেনিফিৎ ত্রান্সফর (দি.বি.তি.)দা য়েন্থোকখ্রে
• শিন্মীশিং, ম্যুনিসিপালগী শিন্মীশিংনচিংবদা মশা-মশানা শেল খায়নদুনা অমসুং এন.জি.ও.শিংদগী চাননবা অমসুং রেসন পেকেৎ লাখ ৬মুক য়েন্থোকখ্রে।

সি.পি.এম.জি.এস.শিংনা থবকশিং অদু দাক্কী স্তাফশিংনা কত্থোকপা অমা ওইনা পায়খৎপা থবক অমা ওইনা ফোংদোকখি। তোঙান-তোঙানবা সর্কলশিংনা তোঙান-তোঙানবা মওংদা তৌখিবা থবকশিং অদুদিঃ

• গুজরাত অমসুং উত্তর প্রদেশনা ফর্মাস্যুতিকেল অমসুং মেদিসিনগী কম্পনীশিংগা য়ান্ননা থবক তৌমিন্নদুনা লোজিস্তিক সোলুসনশিং ফংহন্নবগী থৌদাং লৌখ্রে।  
• বিহার, উত্তর প্রদেশ, গুজরাত, আন্ধ্র প্রদেশ, রাজস্থান, পঞ্জাব অমসুং তেলঙ্গনা অসি শেল-থুমগী ওইবা থবক্তা য়াওশিনবদা  মাংজিল থাদুনা লাক্লিবা রাজ্যশিংনি।
• অৱাং, অৱাং নোংপোক অমসুং লৈবাক অসিগী খা থংবা রাজ্যশিংগী চংঙকফম লম্বী নীংথিজনা থম্ননবা দিল্লী , নোংচুপ বেঙ্গল অমসুং মহারাস্ত্র সর্কলশিংনা য়াম্না ফজনা থবক পাংথোক্লি ।
• হরিয়ানা, কর্নাতকা, কেরলা সর্কলনা মীয়ামদগী থবক হংঙক্নবা অমসুং মপুং ফানা পাংথোক্নবা অখন্নবা এপশিং শেমগৎখ্রে।

• পোৎ য়ৌহনবগী অকক্ননা নৌনা হৌদোকপা মোদেলশিং অমসুং সি.পি.এম.জি.শিংনা লম-লমগী ওইবা অথোইবা মতীক-ময়াইশিংগী ওইবা কয়াশিংসু  খঙহনখিবশিং অদুদিঃ
• জম্মু অমসুং কাশ্মীরনা ইমা বৈষ্ণো দেবীগী লাইশং অমসুং কাশ্মীরগী কেশরীবু লৈবাক শিন-থুনা য়েন্থোক্নবা লেপখ্রে।
• পঞ্জাবনা পোস্ত ওফিসশিংদগী অমসুং সি.এস.সি.শিংগা তেংবাংনদুনা ভারতকী হীদাকশিং বুক তৌনবা অমসুং য়েন্থোক্নবা তেংবাং পীরি।
• বিহারনা “অদোমগী বেঙ্ক অদোমগী থোং”গীদমক লুপা করোর ১৪৭মুক্কী মমলগী মীওই লাখ ১১.৬৫মুক্তা য়েন্থোক্তুনা থোইদোক-হেন্দোকপা থবক পাংথোকখ্রে।

কেন্দ্র মন্ত্রীনা বিভাগ অসিগী ৱাখল্লোন অদু ফোংদোক্লদুনা ভারতীয় দাক্কী সি.পি.এম.জি.শিং অমসুং মকোক থোংবা ওফিসরশিংদা আত্মনির্ভর ভারত অমা শেম্নবগীদমক প্রধান মন্ত্রীগী ৱাখল্লোন অসিগী মায়কৈরোমদা থবক তৌনবা খঙহনখ্রে।  কোবিদ থোকখ্রবা মতুংদা বিভাগ অসিনা মাংজিল থানা তৌগদবশিং অদু হায়খিঃ

• লৈবাক অসিগী তোঙান-তোঙানবা শরুক্তা আয়ুরবেদ, উনানী, সিদ্ধানচিংবশিং য়াওবা হীদাকশিংগী ওইবা ভারতকী সিস্তেমশিংদা লোজিস্তিক্স ওইবা মতেং ফংহনবা.  
• মাইগ্রেন্তশিং, মখোয়গী হৈথোই-শিংথোইবগী সেতশিং, মখোয়গী একাওন্ত হাংদোক্তুনা এম.জি.এন.আর.ই.জি.এ. অমসুং অতৈ সরকারগী স্কীমশিংগী মখাদা শেলশিং থীবা-থীবগী খুদোংচাবা ফংহনবা  দেতাবেজ খোমগৎপদা “দাকিয়া”না খ্বাইদগী অহানবা ফংফম-য়াওফম ওইগদবনি।
• ভারতীয় দাক্না লাল্লোংশিংগী থৌরাং শেম-শাগদবনি, লম অদুদগী ফংবা ৱাফমশিং অদুগীদমক লাইনীং ওইদুনা লৈগদবনি, তেলিমেদিসিন, লৌউ-শিংগী পোত্থোকশিং, খুৎনা হক্তুনা শাবশিং, কলাগী ওইবা পোৎলমশিং অমসুং অতোপ্পা লমদুগী থোইদোক-হেন্দোকপা পোৎশিংগী ওইবা ভারতকী সপ্লাইশিংগী পরিং অদু পুথোক্লিবশিংগা শম্নদুনা মরক্তা মী চংহন্দনা ইরোই-লোইবা লৈরিবশিংগা শম্নহনবা য়াই। 
• কোবিদকী মতমদা হীদাকশিং অমসুং তঙাই ফদবা আইতেমশিং য়েন্থোকপদগী খঙঙক-উরকপশিং অদুদী মোদেল অসি শেমগৎনবগীদমক মসি নীংথিজরবা খুদোংচাবা ওইরে হায়না কন্না পল্লদুনা হায়খি।
• মন্ত্রীনা “কোবিদ লান্থেংনরিবা” অমগী থৌদাং লৌদুনা দাক্কী থৌমীশিং অমসুং ওফিসরশিংনা নীংথিজনা থবক তৌবা অদুগীদমক্তা থাগৎখি। 

থৌরম অদু লোইশিল্লদুনা, কেন্দ্র মন্ত্রীনা ইচম চমজরিবা ভারতকী মীশিং অসি পোস্ত ওফিসকী পাক-শন্না তৌবা থবকশিং অমসুং তেক্নোলোজীগী মপাঙ্গল হায়বদি শেল-থুমগী য়াওবা থবকশিংদা দিজিতেল য়াওশিল্লকপা অমদি মপাঙ্গল কনবা সপ্লাইগী পরিং কনখৎহনগদবনি হায়না অকনবা মওংদা হায়খি।

****