موسمِ گرما  کی فصلوں کی بوائی:

          موسمِ گرما کی فصلوں کی بوائی کا رقبہ مندرجہ ذیل ہے :

• چاول : گرمیوں میں بوئے جانے والے چاول کے لئے تقریباً 34.87 لاکھ ہیکٹیئر کا احاطہ کیا گیا  ، جب کہ پچھلے سال اسی مدت کے دوران 25.29 لاکھ ہیکٹیئر اراضی پر بوائی کی گئی تھی ۔
• دالیں : تقریباً 12.82 لاکھ ہیکٹیئر رقبے پر دالوں کی بوائی کی گئی ، جب کہ پچھلے سال اسی مدت کے دوران 9.67 لاکھ ہیکٹیئر پر بوائی کی گئی تھی ۔
• موٹا اناج : اس سال تقریباً 10.28 لاکھ ہیکٹیئر پر موٹے اناج کے بوائی کی گئی  ، جب کہ پچھلے سال اسی مدت میں  7.30 لاکھ ہیکٹیئر پر بوائی کی گئی تھی ۔
• تلہن  : تقریباً 9.28 لاکھ ہیکٹیئر پر تلہن کی بوائی کی گئی  ، جب کہ پچھلے سال اسی مدت کے دوران 7.34 لاکھ ہیکٹیئر پر تلہن کی بوائی کی گئی تھی ۔

دالوں اور تلہن کی سرکاری خریداری  :

          نیفیڈ نے لاک ڈاؤن کے دوران 5.89 لاکھ میٹرک ٹن چنے  ،  4.97 لاکھ میٹرک ٹن سرسوں اور 4.99 لاکھ میٹرک ٹن  ارہر   کی خریداری کی ہے ۔

گیہوں کی خریداری  :

          ربیع کی فروخت کے سیزن  ، 21-2020 ء میں کل  337.48 لاکھ میٹرک ٹن  گیہوں  ایف سی آئی میں آیا ہے ، جس میں  326.96 لاکھ میٹرک ٹن  کی خریداری کی گئی ہے ۔

پی ایم – کسان  :

          حکومتِ ہند کا زراعت  اور کسانوں کی بہبود کا محکمہ کووڈ – 19 عالمی وباء کے پیش نظر لاک ڈاؤن کی مدت کے دوران   کسانوں اور کھیتی کی سرگرمیوں  میں  مدد کے لئے  کئی اقدامات کر رہا ہے ۔  پردھان منتری کسان سماّن ندھی  ( پی ایم – کسان ) اسکیم کے تحت  24 مارچ ، 2020 ء سے  اب تک  لاک ڈاؤن  کے دوران   تقریباً 9.55 کروڑ  کسان  کنبوں کو فائدہ پہنچایا گیا ہے اور  اب تک 19100.77 کروڑ روپئے کی رقم جاری کی گئی ہے ۔

          ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

( م ن ۔ و ا ۔ ع ا )

(23-05-2020)

U. No.  2740