ইন্দিয়ন রেলৱেনা ২০২০গী মে ১২দা এ.সি. স্পিসিয়েল ত্রেন পুংবা ১৫ হৌদোকখিবা অমদি ২০২০গী জুন ১দগী অহেনবা ত্রেন পুংবা ১০০ চেন্নবা লাউথোকখিবদগী ই-তিকেৎশিংগী দলালশিংগা মরী লৈননা ৱাকৎশিং লাকপা হৌখি মদুদা মল্তিপল পর্সোনেল আই.দি.শিং শিজিন্নরি অমদি স্পিসিয়েল ত্রেনশিং অসিদা রিজর্ব বর্থশিং কোন্সিন্দুনা থম্লি। মসিমসু চিংনবা লৈরি মদুদি অমুক্তং ত্রেন পুংবা ১০০ অসিগীদমক ২১.০৫.২০২০দা রিজার্বেসন হৌখ্রবা মতুং, দালশিং অসিনা মীচম প্রজাদা কনফর্ম ত্রেন রিজার্বেসন ফংহনবদা অয়েৎপা পীগনি।

মথক্কী অসি য়েংলগা, আর.পি.এফ.না দলালশিং মশক খঙদোক্নবা অমদি মখোয়গী মথক্তা অকনবা খোঙথাং লৌখৎনবা লৈবাক শিনবা থুংনা থবক পায়খৎপা হৌখ্রে। গ্রাউন্দ ইন্তেলিজেন্সকা লোয়ননা প্রবল মোদুল ক্লববেদকী থোংদা পি.আর.এস. দেতা এনালাইজ তৌবনা মখোয়বু শক খঙদোকপা অমসুং ফাগৎনবা শিজিন্নরি।

দ্রাইব অসি ২০.০৫.২০২০দা হৌদোকখি অমদি লৈবাক অসিগী নোংপোক থংবা শরুক্তা অম্ফানগী শাফু লৈরবা ফাওবা আর.পি.এফ.না আই.আর.সি.তি.সি. এজেন্ত ৮ য়াওনা দলাল ১৪ ফাগৎলে অমদি লুপা ৬,৩৬,৭২৭গী মমল ওইবা তিকেৎশিং ফংবা ঙমখ্রে।

আই.আর.সি.তি.সি. এজেন্তশিংনা তিকেৎশিংবু মখোয়গী অধিকারদা থম্নবগীদমক পর্সোনেল আই.দি.শিং শিজিন্নরমখি অমদি তিকেৎশিং অদুবু ওথোরাইজ ওইদবা মওংদা প্রিমিয়মদা য়োনলমখি। মখোয়বু ব্লেকলিস্ত তৌনবগীদমক থবক পায়খৎপা হৌরে। দলাল অমনা সুপর তৎকাল প্রো কৌবা ওতো ফিল সোফৱেয়র শিজিন্নরম্বা থেংনখি।

****