ভারতকী রাস্ত্রপতি, শ্রী রাম নাথ কোবিন্দনা ঙসি মে ২১, ২০২০)দা ভিদিও কনফরেন্সকী খুথাংদা দেমোক্রেতিক পীপলস রিপব্লিক ওফ কোরিয়া, সেনেগল, ত্রিনিদেদ & তোবেগো, মোরিতিয়স, ওস্ত্রেলিয়া, কোৎ দিৱার অমসুং রৱন্দাগী অম্বাসেদরশিং অমসুং হাই কম্মিস্নরশিংদগী ক্রিদেন্সিএলশিং লৌখ্রে।

দিজিতেল মেদিয়মগী খুথাংদা ক্রিদেন্সিএলশিং খুদোল তৌখিবা অসি রাস্ত্রপতি ভৱনগী পুৱারীদা অহানবনি।  রাস্ত্রপতিনা হায়খি মদুদি দিজিতেল তেক্নোলোজী অসিনা মালেম্না কোবিদ-১৯না পীবা শিংনবশিং মায়োক্নবা ঙমহল্লে অমসুং মসিনা ইনোবেতিব ওইবা মওং অমদা মথৌ তৌহল্লে। মসিগা মরী লৈননা মহাক্না হায় দিজিতেল-ইনেবল্দ ক্রিদেন্সিএলস সেরিমোনি অসি ন্যু দিল্লীদা পাংথোকপা দিপ্লোমেতিক কম্ম্যুনিতীগা ভারতকা এনগেজ তৌবা অখন্নবা নুমিৎ অমনি। মহাক্না মখাতানা হায় ভারতনা ভারত মীয়ামগী অমসুং মালেমপুম্বগী চাউখৎনবা দিজিতেলগী লম্বেল য়াৎপদা ওইথোক্কদবশিং লোইবা নাইদনা খোমজিনবা লেপত্রি।

মীহুৎশিং অদুদা ৱা ঙাংলদুনা রাস্ত্রপতি কোবিন্দনা হায় মালেমগী মীয়ামদা কোবিদ-১৯গী লাইচৎনা মমাংদা অমুক্তা থোক্ত্রিবা অৱাবশিং মায়োক্নহল্লে অমসুং অৱাবা অসিনা মালেম পুম্বা চাউনা মতেং পাংননবা পাওজেল পীরি। মহাক্না মদুদি ভারত অসি লাইচৎ অসি লান্থেংনবদা অতোপ্পা লৈবাকশিংদা মতেং পাংনবা মমাং থাদুনা লৈ।

ক্রিদেন্সিএলশিং খুদোল তমখিবা অম্বাসেদরশিং অমসুং হাই কম্মিস্নরশিং অদুদি:-

1. দেমোক্রেতিক পীপলস রিপব্লিক ওফ কোরিয়াগী অম্বাসেদরমিস্তর চো হুই চোল
2. রিপব্লিক ওফ সিনেগলগী অম্বাসেদর মিস্তর অবদুল ৱাহব হাইদারা
3. রিপব্লিক ওফ তিনিদেদ & তোবেগোগী হাই কম্মিস্নর দোক্তর রোজর গোপোল
4. রিপ্লিক ওফ মোরিতসকী হাই কম্মিস্নর মিস্ত্রেস সান্তি বাই হনুমানজী
5. অস্ত্রেলিয়াগী হাই কম্মিস্নর মিস্তর বেরি রোবর্ত ওফেরেল
6. রিপব্লিক ওফ কোৎ দিৱারগী অম্বাসেদর এম. এন্দ্রী এরিক কেমিলী
7. রিপব্লিক ওফ রৱন্দাগী হাই কম্মিস্নর মিস জেকক্লিন মুকঙ্গিরা

ঙসিগী থৌরম অসিনা ভারতকী দিজিতেল দিপ্লোমেসীগী খোংথাংশিংদা অনৌবা মায়োল অমা হাপচিল্লে।

****