केंद्रीय लोकसेवा आयोग
5 जूननंतर जाहीर होणार युपीएससी परीक्षांचे नवे वेळापत्रक
Posted On:
20 MAY 2020 6:49PM by PIB Mumbai
नवी दिल्ली, 20 मे 2020
कोविड-19 मुळे जारी केलेल्या देशव्यापी निर्बंधाच्या तिसऱ्या टप्प्यातील परिस्थितीचा आढावा घेण्यासाठी केंद्रीय लोकसेवा आयोगाने आज एक विशेष बैठक आयोजित केली होती. अनेक निर्बंध अजूनही कायम असल्याने, सद्यस्थितीत परीक्षा व मुलाखती पुन्हा सुरु करणे शक्य नाही, असा निर्णय आयोगाने घेतला आहे.
तथापि, केंद्र सरकार व विविध राज्यांनी जाहीर केलेल्या काही शिथिलतांची आयोगाने दखल घेतली असून टाळेबंदीच्या चौथ्या कालावधीनंतर पुन्हा एकदा परिस्थितीचा आढावा घेण्याचा निर्णय घेतला आहे. गेल्या दोन महिन्यांपासून पुढे ढकलण्यात आलेल्या विविध परीक्षा व मुलाखतींच्या उमेदवारांना काही स्पष्टीकरण देण्याच्या दृष्टीने, आयोग 5 जून, 2020 रोजी होणाऱ्या बैठकीत परीक्षांचे सुधारित वेळापत्रक जारी करेल. 5 जून 2020 रोजी आयोगाच्या बैठकीनंतर परीक्षांच्या नवीन दिनदर्शिकेचा/वेळापत्रकाचा तपशील केंद्रीय लोकसेवा आयोगाच्या संकेतस्थळावर प्रकाशित केला जाईल.
S.Pophale/S.Mhatre/P.Malandkar
सोशल मिडियावर आम्हाला फॉलो करा
@PIBMumbai 
/PIBMumbai 
/pibmumbai 
pibmumbai[at]gmail[dot]com
(Release ID: 1625687)
Visitor Counter : 211