দিপার্তমেন্ত ওফ পর্সোনেল এন্দ ত্রেনিং (দি.ও.পি.তি.)না মিরোল্লিবী নুপী ওফিসিএলশিং অমসুং স্তাফ মেম্বরশিংবু ওফিস কাবদগী কোমথোকখ্রে‍। ৱাফম অসি ঙসি য়ুনিয়ন মিনিস্তর ওফ স্তেৎ (ইন্দিপেন্দেন্ত চার্জ) দেভেলপমেন্ত ওফ নোর্থ ইস্তর্ন রিজন (দোনর), এম.ও.এস. পি.এম.ও., পর্সোনেলো পব্লিক গ্রিভান্সেস এন্দ পেন্সন্স, এতোমিক ইনর্জী এন্দ স্পেস দাঃ জিতেন্দ্র সিংহনা মফমসিদা ফোঙদোকখিবনি‍। হীরমসিগী মতাংদা সরকুরলর অমা থোকখ্রে অমদি মসি তোঙান তোঙানবা মন্ত্রালয়শিং/দিপার্তমেন্তশিং অদুগা লোয়ননা স্তেৎ/য়ুনিয়ন তেরিতরীগী লৈঙাকশিংনসু ইনগনি থাজৈ হায়না মহাক্না ফোঙদোকখি‍।

দাঃ জিতেন্দ্র সিংহনা হায়খিবদা মেতর্নিতী লিবতা লৈত্রিবা মিরোল্লবী নুপীশিংসু ওফিস কাবদগী কোমথোক্কনি‍। শোইনাইরবা মীওইশিংসু মসিগা চপ মান্ননা ওফিস কাবগদগী কোমথোক্কনি‍।

অতোপ্পা অনাবা লৈবা অমদি অথিংবা থমদ্রিঙৈ মমাঙদা লায়নাশিং অদুবু লায়েংলুবা লৈঙাক্কী শিন্মীশিংসু সি.জি.ঐচ.এস./সি.এস. রুল্সগী মতুং ইন্না মখোয়বু লায়েংলিবা ফিজিক্সিয়ানশিংগী মেদিকেল প্রেস্কিপসন পুথোকহল্লগা হেক য়ারিমখৈ কোমথোকপিগদবনি হায়না দি.ও.পি.তি.না খ্বাইদগী কোন্না থোকখিবা সর্কুলরদুনা মখা তানা পল্লি‍।

মরুওইবা ৱাফমদি ওফিসর অমদি স্তাফশিংনা য়ৌরকপা অমদি হনখিবগী মতম অসি মান্নহন্দনবা শিনগদবনি‍। মরম লৈতনা মী পুনশিনবা থিংননবগীদমক লোয়শঙশিংগী মকোক খুদিংমক্না ওফিসকী মতম অহুম থোক্না খায়দোক্নবা পাউতাক পীখ্রে‍। মতম অসি অয়ুক পুং ৯দগী নুমিদাংৱাইরম পুং ৫, অয়ুক পুং ৯:৩০দগী নুমিদাংৱাইরম পুং অমদি অয়ুক পুং ১০দগী নুমিদাংৱাইরম পুং ৬.৩০ ফাওবা ওইগদবনি‍।

দিপুতী সেক্রেতরী অমসুং মসিগী মথক্তা লৈবা ওফিসরশিং শুতি নত্তবা নুমিৎ খুদিংমক্তা কাহনবগা লোয়ননা দিপুতী সেক্রেতরীগী মখাদা লৈবশিংনা চাদা ৫০গী চাংদা নোংমা কাল্লগা কাহনগদবনি অমদি ওফিস কাদবশিংনা য়ুমদগী থবক শুহনবগা লোয়ননা তেলিফোনদা অমসুং ইলেক্ত্রোনিকেল্লী পাউ ফাওনবা ফংগদবনি‍।

দাঃ জিতেন্দ্র সিংহনা মিনিস্ত্রী ওফ পর্সোনেলগী স্তাফশিংবু অথিংবা থম্লিঙৈ মনুংগী তাঙ্কক পুম্নমক্তা মথৌদা পুক্নীং চঙনা থবক তৌবগীদমক্তা থাগৎপা ফোঙদোকখি‍। তশেংবদি ওফিস অসি লোনবা মতমদা হেক্তমক থোক্তবা মওংদা স্তাফ মেম্বর খরনা ৱীকেন্দ মনুংদফাওবা ময়ুমদগী থবক শুখি হায়না মহাক্না শিংথাখি‍।

ওফিসশিংসু মথৌ তৌনা তৌনা ওফিসিএলশিংগী য়াইফনবা অমদি মখোয়গী খুদোংথিদনবা লৌখৎপা য়াবা চেকশিন থৌরাং খুদিংমক চিত্থদনা লৌখৎলি হায়না দাঃ জিতেন্দ্র সিংহনা ফোঙদোকখি‍।

<><><><><>