প্রধান মন্ত্রী শ্রী নরেন্দ্র মোদীনা অধ্যক্ষ ওইদুনা কেন্দ্রগী কেবিনেৎনা এন.বি.এফ.সি.) /ঐচ.এফ.সি.শিংগী শেল-থুমগী ফীভম ফগৎনবা নন-বেঙ্কিং ফাইনান্সিএল কম্পনী (এন.বি.এফ.সি.)  অমসুং হাওজিং ফাইনান্স কম্পনী (ঐচ.এফ.সি.) শিংগীদমক্তা অনৌবা থৌশীল-থৌরাং অমা হৌদোক্নবা শেল-থুমগী মন্ত্রালয়না পুখৎলকপা ৱাফম অদু অয়াবা  কেবিনেৎনা অয়াবা পীখ্রে

শেল-থুমগী অপনবশিং:

সরকারগী ওইনা হকথেংনবা শেল-থুমগী অপনবশিংগীদমক্তা স্পীসিএল পর্পজ ভিহিকল ( এস.পি.ভি.) গী ইক্বিতীদা থৌদাং লৌরিবা অসি লুপা ক্রোর ৫ নি। মদুদগী হেন্দোকপদা, সাক্ষী ওইনবা গরেন্তী অদুনা য়াওদ্রিবফাওবদা সরকারগী ওইনা শেল-থুমগী অপনবা অমত্তা লৈতে। অদু ওইনমক, হায়জবদা, সরকারনা পীরিবশিং অদুগী লোইবগী মতম অদু গরেন্তী সিলিংগীদমক্তা মরালগী ওইবা হীরমগী শেনফমগা মান্নগনি। গরেন্তীগী অপুনবা শেনফম অসি মথৌ তাবগী মতুং ইন্না তঙাই ফদনা হেনগৎলকপা য়াবা শেনফম অদুনা  লুপা ক্রোর ৩০,০০০দা লেপথোকখ্রে।

থৌশীল-থৌরাং অসিগী মরিক চুম্বা ৱারোলঃ

অখন্নবা শেল-থুম মরাং কায়হন্নবগী থৌশীল-থৌরাং অমদগী নন-বেঙ্কিং ফাইনান্সিএল কম্পনী (এন.বি.এফ.সি.)  অমসুং হাওজিং ফাইনান্স কম্পনী (ঐচ.এফ.সি.) শিংগী শেল-থুম মরাং কায়নবদা লৈরিবা অপনবশিং অদু থমদুনা খংহন্নবা সরকারনা ফ্রেমৱর্ক অমা থাঙ্গৎখ্রে। রিজর্ব বেঙ্ক ওফ ইন্দিয়া ( আর.বি.আই.) খক্তনা গরেন্তী ওইগদবা দলিল অমা স্ত্রেস এসেত ফন্দ ( এস.এ.এফ.)  অমা নিংথিজনা থম্নবা এস.পি.ভি. অমা শেমগৎলগনি। অসিগুম্বা দলীলশিং অসি য়োনবগী চাগা অসি এস.পি.বি.গী থোংদগী এন.বি.এফ.সি./ঐচ.এফ.সি.গী অতেনবা মতমগী শেন্দোল ফংনবগীদমক্তা শিজিন্নগনি।

চৎনহন্নবগী মতমগী কাংলোনঃ

পব্লিক সেক্তরগী অচৌবা স্ত্রেস এসেত ফন্দ (এস.এস.এফ.)  অমগী থৌরাং তৌনবা ভারত সরকারগী গরেন্তীগা লোয়নবা দলিল অমা পীথোক্তুনা শেল পুবগী অখন্নবা এস.পি.বি. অমা শেমগনি অমসুং মদু আর.বি.আই.খক্তনা লৈগনি। এস.পি.বি.না চংখিবা হিসাবতগী অৱাৎপা শেনফমগী মখা পোনগদবা দলিল পীগনি অমসুং মসিগী শেনফম অসি ক্রোর ৩০,০০০দগী হেল্লোইদবনি অমদি মথৌ তারকপদা অপাম্বা শেনফমদা হেনগৎহনবা য়াগনি। এস.পি.বি.না পীবা দলিল অদু রিজর্ব বেঙ্ক ওফ ইন্দিয়ানা লৈগনি অমসুং মসিগী থৌওং অসি পাংথোকপা ঙম্বা এন.বি.এফ.সি./ঐচ.এফ.সি.গী খ্বাইদগী তেনবা মতমগী শেন্দোন অদু ফংনবা এস.পি.বি.না অদুম হোৎনগনি।

শাফু:

মরক্তা লৈনবা মায়কৈ অনিগী ওইবা দীলশিং য়াওবা পার্সিএল ক্রেদিত গরেন্তী স্কীমগা মান্নদনা, এন.বি.এফ.সি.শিংনা মখোয়গী হৌজিক্কী ওইবা এসেতকী পোর্তফোলিও অদু হেন্না মরাং কায়হন্নবগী মথৌ তাই অমসুং মসিদা পব্লিক সেক্তরগী বেঙ্কশিংদগী শেল-থুম মরাং কাইহনবা য়াওরি, থাঙ্গৎলিবা থৌশীল-থৌরাং অদু এস.পি.ভি. অমসুং এন.বি.এফ.সি.শিংগী মরক্তা লৈরিবা লন-থুম অদু তোখায়হন্দনা ৱান-স্তোপকী মওংদা লৈগনি। মসিগী থৌশীল-থৌরাং অসিনা এন.বি.এফ.পু শেল পুথোকপগী গ্রেদ অদু ফংবা ঙমহনগনি অমসুং বোন্দশিং পীনবগীদমক হেন্না ফবা রেতিং ফংহনগনি। থৌশীল-থৌরাং অসি থবক পাংথোকহনবদা অমসুং নন-বেঙ্ককী সেক্তরদগী ফন্দশিং  হেনগৎহনবদা  লায়থোকহনগনি।

কান্নবশিং:

২০২০-২০গী বজেৎকী স্পীসতা এন.বি.এফ.সি./ঐচ.এফ.সি.শিংদা পি.সি.জি.এস.শিংদগী অহেনবা শেল-থুমগী খুদোংচাবশিং ফংহন্নবা মেকানিজম অমা ফংহল্লগনি হায়না লাওথোকখ্রে।  মসিগী খুদোংচাবশিং অসি সরকার অমসুং আর.বি.আই.না হৌজিকফাওবদা পায়খৎলক্লিবা শেল-থুম মরাং কায়হন্নবগী থৌরাংশিংদা মতেং পাংগনি।  মসিগী থৌশীল-থৌরাং অসিনা এন.বি.এফ.সি./ঐচ.এফ.সি./এম.এফ.আই.শিংগী শেল পুথোক্নবা পাম্বৈশিং হেনগৎহন্দুনা অশেংবা শেন্মীৎলোন্দা কান্নবা ফংহনগনি।

বেকগ্রাউন্দ:

২০২০-২০গী বজেৎকী স্পীসতা এন.বি.এফ.সি./ঐচ.এফ.সি.শিংদা পি.সি.জি.এস.শিংদগী পার্সিএল ক্রেদিৎ স্কীম (পি.সি.জি.এস.) তগী অহেনবা শেল-থুমগী খুদোংচাবশিং ফংহন্নবা মেকানিজম অমা শিজিন্ননবা লাওথোকখ্রে। কোবিদ-১৯গী ফীভম অসি অমুক হনজিল্লক্তুনা শেল-থুমগী ওইবদা লেংদনা লৈহন্নবা মপাঙ্গল কনখৎহন্নবা  মথক্কী বজেৎকী লাওথোকপা অসি চৎনহন্নবা তঙাই ফদবা অমা লৈ।

****