রেলৱে মন্ত্রালয়
নুমিৎ ১৯দা “শ্রমিক স্পিসিয়েল” ত্রেনশিংগী খুৎথাংদা মীওই লাখ ২১ হেন্না মখোয়গী রাজ্যশিংদা পুদুনা ভারত রেলৱেজনা অতোপ্পা অচৌবা থবক অমা পাংথোক্লে
লৈবাক শীনবা থুংনা মে ১৯, ২০২০(পুং ১৬০০) ফাওবদা ভারত রেলৱেজনা “শ্রমিক স্পিসিয়েল” ত্রেন ১৫৯৫ চেল্লি
পেসেঞ্জরশিংদা লেম্না চাক অমসুং ঈশিং পীরি
Posted On:
19 MAY 2020 7:37PM by PIB Imphal
লমদন্দুনা লৈরিবা শিন্মীশিং, লাইখুরুম্বা লাকপশিং, লমকোয়বা মীওইশিং, মহৈরোয়শিং অমসুং অতোপ্পা মীওইশিং অখন্নবা ত্রেনশিংনা পুনবা হোম এফেয়র্স মিনিস্ত্রীনা য়াথং পীখিবগী মখা তারকপা ওইনা “শ্রমিক স্পিসিয়েল” ত্রেনশিং চেন্নবা ভারত রেলৱেজনা ৱারেপ লৌরে।
মে ১৯, ২০২০(পুং ১৬০০) ফাওবদা লৈবাক অসিগী রাজ্যশিং শীনবা থুংনা ভারত রেলৱেজনা “শ্রমিক স্পিসিয়েল” ত্রেন ১৫৯৫ চেল্লি। মীওই লাখ ২১ হেন্না মখোয়গী রাজ্যশিংদা য়ৌখ্রে।
হায়রিবা ত্রেন ১৫৯৫ অসি অন্ধ্র প্রদেশ, বিহার, চান্দিগর, দিল্লি, গৱা, গুজরাত, হরিয়ানা, ঝারখান্দ, কর্নাতাকা , কেরলা, মধ্য প্রদেশ, মহারাস্ত্রা, পুদুচেরী, পঞ্জাব, রাজস্থান, ওরিশা, তমিল নাদু, তেলাঙ্গানা, ত্রিপুরা, উত্তর প্রদেশ, উত্তরখন্দ অমসুং নোংচুপ বেঙ্গলদগী লমথাখি।
হায়রিবা শ্রমিক স্পিসিয়েল ত্রেনশিং অসি য়ু.পি., বিহার, রাজস্থান, নোংচুপ বেঙ্গল, ছতিসগর, ঝারখান্দ, হিমাচল প্রদেশ, জম্মু অমসুং কশ্মীর, মনিপুর, মিজোরম, ওরিশা, তমিল নাদু, তেলাঙ্গানা, ত্রিপুরা, উত্তরখন্দ অমসুং পঞ্জাবতা থুংখি।
ত্রেন তোংদ্রিঙৈ মমাদা পেসেঞ্জরশিং নিংথিনা চেক তৌখি। খোঙচৎ মনুংদা পেসেঞ্জরশিংদা লেম্না চাক অমসুং ঈশিং পীখি।
****
(Release ID: 1625526)
Visitor Counter : 166