ৰেল মন্ত্ৰালয়
১৯ দিনত ‘শ্ৰমিক বিশেষ’ ৰে’লৰ জৰিয়তে ২১ লাখতকৈ অধিক যাত্ৰীক তেওঁলোকৰ গৃহ ৰাজ্যলৈ কঢ়িয়াই নি আন এক লক্ষ্য অতিক্ৰম কৰিলে ভাৰতীয় ৰে’লৱেই
১৯ মে’, ২০২০(১৬০০বজা)লৈকে সমগ্ৰ দেশত ১,৫৯৫খন ‘শ্ৰমিক বিশেষ’ ৰে’ল চলাচল কৰিছে ভাৰতীয় ৰে’লৱেই
যাত্ৰীসকলক বিনামূলীয়া খাদ্য আৰু পানী যোগান ধৰা হৈছে
प्रविष्टि तिथि:
19 MAY 2020 7:37PM by PIB Guwahati
বিশেষ ৰে’লৰ জৰিয়তে দেশৰ বিভিন্ন স্থানত আৱদ্ধ হৈ থকা প্ৰব্ৰজিত শ্ৰমিক, তীৰ্থযাত্ৰী, পৰ্যটক, শিক্ষাৰ্থী আৰু অন্যান্য ব্যক্তিসকলক অনা-নিয়াৰ বাবে গৃহ পৰিক্ৰমা মন্ত্ৰালয়ে বিশেষ ৰে’লৰ ব্যৱস্থা কৰাৰ বাবে দিয়া নিৰ্দেশৰ সমান্তৰালভাৱে ভাৰতীয় ৰে’লৱে ‘শ্ৰমিক বিশেষ’ ৰে’ল চলোৱাৰ সিদ্ধান্ত গ্ৰহণ কৰে৷
১৯ মে’, ২০২০(১৬০০বজা)লৈকে সমগ্ৰ দেশৰ বিভিন্ন ৰাজ্যত ১,৫৯৫খন ‘শ্ৰমিক বিশেষ’ ৰে’ল চলাচল কৰা হৈছে৷ ২১লাখতকৈ অধিক যাত্ৰীয়ে তেওঁলোকৰ ঘৰত উপস্থিত হৈছে৷
এই ১,৫৯৫খন ৰে’ল ক্ৰমে অন্ধ্ৰপ্ৰদেশ, বিহাৰ, চণ্ডীগড়, দিল্লী, গোৱা, গুজৰাট, হাৰিয়ানা, ঝাৰখণ্ড, কৰ্ণাটক, কেৰালা, মধ্যপ্ৰদেশ, মহাৰাষ্ট্ৰ, পুডুচেৰী, পাঞ্জাৱ, ৰাজস্থান, ওড়িশা, তামিলনাডু, তেলেংগানা, ত্ৰিপুৰা, উত্তৰপ্ৰদেশ, উত্তৰাখণ্ড, পশ্চিমবংগৰ পৰা চলাচল কৰিছে৷
এই শ্ৰমিক বিশেষ ৰে’লসমূহৰ যাত্ৰা উত্তৰপ্ৰদেশ, বিহাৰ, ৰাজস্থান, পশ্চিমবংগ, চত্তীশগড়, ঝাৰখণ্ড, হিমাচলপ্ৰদেশ, জম্মু আৰু কাশ্মীৰ, মনিপুৰ, মিজোৰাম, ওড়িশা, তামিলনাডু, তেলেংগানা, ত্ৰিপুৰা, উত্তৰাখণ্ড, পাঞ্জাৱ, জম্মু আৰু কাশ্মীৰত অন্ত পৰিছে৷
ৰে’লত উঠাৰ পূৰ্বে যাত্ৰীসকলৰ উপযুক্ত স্বাস্থ্য পৰীক্ষা কৰা হৈছে৷ যাত্ৰাৰ সময়ত যাত্ৰীসকলক বিনামূলীয়া খাদ্য আৰু পানী যোগান ধৰা হৈছে৷
****
DJN/MKV/DB
(रिलीज़ आईडी: 1625257)
आगंतुक पटल : 253