দিপার্তমেন্ত ওফ সাইন্স এন্দ তেক্নোলোজী (দি.এস.তি.)গী মনুং চন্না লৈবা ওতোনোমস ইন্সতিত্যুৎশিং, পাউদর মেতালর্জি এন্দ ন্যু মেতরিয়েল্স (এ.আর.সি.আই.)গী  ইন্তর্নেস্নেল এদভান্সদ রিসর্চ সেন্তর অমসুং শ্রী চিত্রা তিরুনাল ইন্সতিত্যুৎ ওফ মেদিকেল সাইন্সেস, থিরুৱনন্থপুরমগী সাইন্তিস্তশিংগা খুৎশম্নদুনা অনৌবা জেনরেসনগী ওইবা মিওইবনা  শিজন্ননবগীদমক্তা ধাতুগী ওইবা বায়োদিগ্রেদেবল ইমপ্লান্তশিংগীদমক্তা আইরন-মেংগানিসতা য়ুমফম ওইবা  এলোয় অমা পুথোকখ্রে।

হৌজিক-হৌজিক শিজন্নরিবা অমসুং মতমপুম্বগী ওইনা মীওইবগী হকচাংদা চুসন্দুনা লৈহৌবা অমসুং সিস্তেমেতিক তোক্সিসিতী, ক্রোনিক ইনফ্লেমেশন অমসুং থ্রোম্বোসিস গুম্বা সাইদ ইফেক্ত কয়া মতম শাংনা হকচাংদা থোকহল্লিবা মেতালিক ইমপ্লান্তশিংদগী অফবা পাম্বৈ অমা ওইনা ফগৎলহনবা ঙম্বগী শক্তি য়াওবা অমসুংইমপ্লান্ত রেসিদ্যুশিংঅমত্তা থমমদনা মীওইবগী হকচাংগী মেকানিকেল ইন্তেগ্রিতীবু শোকহনদবা তপ্না তপ্না তুমজখিবা বায়োদিগ্রেদেবল মেতেরিয়েলশিং (এফ.ই., এম.জি., জেদ.এন.অমসুং পোলিমর)  অসিনা হেন্না ফবা মহুৎনি।

এফ.ই.-এম.এন.দা য়ুমফম ওইবা অনৌবা বায়োদিগ্রেদেবল এলোয়শিং অমসুং দায়মিতর:মিলিমিতর২, অশাংবা:মিলিমিতর ১২ অমসুং ৱালগী অথাবা: মাইক্রোমিতর১৭৫ ওইবা স্তেন্ত শানবগীদমক এ.আর.সি.আই.গী তীম্না হান্নদগী চৎনরক্লবা শৌদোক্নবগী অমসুং পাউদর মেতালর্জীগী তেক্নিক অনিমক শিজিন্নখি।

আইরোন-মেংগানিসতা য়ুমফম ওইবা এলোয়, এফ.ই.-এম.এন. (য়ান্নবদা এম.এন.না কোপোজিসন অদুদা  ২৯% লুম্বা হেনবা)অসি এম.আর.আই.গা চন্নবা ওইবা ওস্তিনিতিক ফেজ অমখক লৈবা  (আইরনগী মেগ্নেতিক ওইদবা ম‌ওং) ওইথোকপা য়াবা বায়োদিগ্রেদেবল মতেলিক ইম্প্লান্তনি।

এ.আর.সি.আই.দা পুথোকপা এফ.ই.-এম.এন. এলোয় অসিনা শিথানীংঙাই ওইবা মেকানিকেল গুন য়াওদুনা দেন্সিতী ৯৯% উৎলি অমসুং ২০ তেস্লাগী অকনবা মেগ্নেতিক ফিল্দদসু মেগ্নেতিক ওইদবা মেতরিয়েলগুম্না তৌই। মসিগী মগুনশিং অসি হৌজিক-হৌজিক শিজিন্নরিবা পর্মেনেন্ত তাইতেনিয়ম (তি.আই.) অমসুং স্তেনলেস-স্তীলগী মেতালিক ইমপ্লান্তশিংগা চাংদম্নবা য়াগনি। হায়রিবা এলোয় অসি চহি খুদিংগী সিম্যুলেতেদ বোদী ফ্লুইদতা মিলিমিতর০.১৪-০.০২৬গী চাংদা হন্থরকই, মসিনা তাকপদি এফ.ই.-এম.এন. এলোয় অসিনা থা ৩-৬কীদমক মেকানিকল ইন্তেগ্রিতী উৎলি অমসুং থা ১২-২৪গী মনুংদা হকচাংদগী মপুংফানা মাংখি।

দিগ্রেদেসন প্রোসেস অসিদা, মফমদুদা কেলশিয়ম অমসুং ফোসফেৎকী লোকেল অল্কলাইজেসন অমসুং সেচুরেসন তৌবনা মরম ওইরগা ইমপ্লান্ত অদুদা কেলশিয়ম ফোসফেতৎ তুংশিল্লি, মসিনা তিশুশিং শেম্নবা লৈমাই অদুদা অনৌবা সেলশিং নপশিল্লকই।

তীম অসিনা এলোয়িং এদিশন অমসুং সর্ফেস ইনজিনীয়রিংগী মতেংনা জং কাবগী চাং হন্থহন্নবা অমসুংঅরুবা মওংশিং শাবা ঙম্নবা এদিতিভ মেন্যুফেক্চরিং গুম্বা মেনুফেক্চর তৌবগীখুমাং চাউশিল্লবা প্রোসেসশিং শিজন্ননবা মখা তানা হোনৎনখি।

ফংঙক্লিবা শিংথানীংঙাই ওইবা মহৈ অসিদা য়ুম্ফম ওইরগা,এ.আর.সি.আই.গী তীম্না এফ.ই.-এম.এন. (Fe-Mn)দা য়ুম্ফম ওইরগা নৌনা পুথোকপা এলোয়শিং অসি বায়োদিগ্রেদেবল স্তেন্ত অমসুং ওর্থোপেদিক ইমপ্লান্ত তৌবগীদমক মতিক চাই হায়না থাজৈ। তীম অসিনা স্রি চিত্রা তিরুনল ইন্সতিত্যুৎ ওফ মেদিকেল সাইনসেসতা ইনভিভো অমসুং ইন-ভিত্রো স্তদীশিং তৌনবা থৌরাং তৌখ্রে।

অকুপ্পা মরোলগীদমক্তা, দা. কালিয়ান হেম্ব্রমগা (kaliyan@arci.res.in)পাউ ফাওনবীয়ু।

****