ਵਿਗਿਆਨ ਤੇ ਤਕਨਾਲੋਜੀ ਮੰਤਰਾਲਾ

ਏਆਰਸੀਆਈ ਦੇ ਵਿਗਿਆਨੀਆਂ ਨੇ ਅਗਲੀ ਪੀੜ੍ਹੀ ਦੇ ਬਾਇਓਡੀਗ੍ਰੇਡੇਬਲ ਮੈਟਲ ਇੰਪਲਾਂਟ ਦਾ ਵਿਕਾਸ ਕੀਤਾ ਟੀਮ ਨੂੰ ਯਕੀਨ ਹੈ ਕਿ ਨਵੇਂ ਵਿਕਸਿਤ ਮਿਸ਼ਰਣ ਬਾਇਓਡੀਗ੍ਰੇਡੇਬਲ ਸਟੈਂਟ ਅਤੇ ਆਰਥੋਪੈਡਿਕ ਇੰਪਲਾਂਟ ਕਾਰਜਾਂ ਲਈ ਢੁਕਵੇਂ ਹਨ

Posted On: 16 MAY 2020 12:02PM by PIB Chandigarh

 

ਇੰਟਰਨੈਸ਼ਨਲ ਅਡਵਾਂਸਡ ਰਿਸਰਚ ਸੈਂਟਰ ਫ਼ਾਰ ਪਾਊਡਰ ਮੈਟਲਰਜੀ  ਐਂਡ ਨਿਊ ਮੈਟੀਰੀਅਲਸ (ਏਆਰਸੀਆਈ) ਅਤੇ ਸ਼੍ਰੀ ਚਿਤ੍ਰਾ ਤਿਰੂਨਲ ਇੰਸਟੀਟਿਊਟ ਆਵ੍ ਮੈਡੀਕਲ ਸਾਇੰਸਜ਼, ਸਾਇੰਸ ਅਤੇ ਟੈਕਨੋਲੋਜੀ ਵਿਭਾਗ (ਡੀਐੱਸਟੀ) ਦੇ ਅਧੀਨ ਖ਼ੁਦਮੁਖਤਿਆਰ ਸੰਸਥਾਵਾਂ ਹਨ, ਇਨ੍ਹਾਂ ਦੇ ਵਿਗਿਆਨੀਆਂ ਨੇ ਸਾਂਝੇ ਤੌਰ ਤੇ ਮਨੁੱਖ ਦੇ ਬਾਇਓਡੀਗ੍ਰੇਡੇਬਲ ਮੈਟਲ ਇੰਪਲਾਂਟ ਵਿੱਚ ਵਰਤੋਂ ਲਈ ਨਵੀਂ ਪੀੜ੍ਹੀ ਦੇ ਆਇਰਨ-ਮੈਂਗਨੀਜ਼ ਅਧਾਰਿਤ ਮਿਸ਼ਰਣ ਤਿਆਰ ਕੀਤੇ ਹਨ

 

ਬਾਇਓਡੀਗ੍ਰੇਡੇਬਲ ਪਦਾਰਥ (ਐੱਫ਼ਈ, ਐੱਮਜੀ, ਜ਼ੈਡਐੱਨ, ਅਤੇ ਪੌਲੀਮਰ), ਜੋ ਕਿ ਠੀਕ ਕਰਨ ਦੀ ਪ੍ਰਕਿਰਿਆ ਵਿੱਚ ਹਿੱਸਾ ਲੈ ਸਕਦੇ ਹਨ ਅਤੇ ਫਿਰ ਮਨੁੱਖੀ ਸਰੀਰ ਵਿੱਚ ਕਿਸੇ ਵੀ ਇੰਪਲਾਂਟ ਦੇ ਰੇਜ਼ੀਡਿਊਜ਼ ਨੂੰ ਰੱਖੇ ਬਗ਼ੈਰ ਮਕੈਨੀਕਲ ਇੰਟੀਗ੍ਰੀਟੀ ਨੂੰ ਕਾਇਮ ਰੱਖਦੇ ਹੋਏ ਹੌਲ਼ੀ-ਹੌਲ਼ੀ ਡੀਗਰੇਡ ਹੋ ਸਕਦੇ ਹਨ ਇਹ ਵਰਤਮਾਨ ਵਿੱਚ ਮਨੁੱਖੀ ਸਰੀਰ ਵਿੱਚ ਵਰਤੇ ਜਾਂਦੇ ਧਾਤੂਆਂ ਨਾਲੋਂ ਵਧੀਆ ਬਦਲ ਹਨ ਜੋ ਸਥਾਈ ਤੌਰ ਤੇ ਸਰੀਰ ਵਿੱਚ ਹੀ ਰਹਿੰਦੇ ਹਨ ਅਤੇ ਲੰਬੇ ਸਮੇਂ ਵਿੱਚ ਸਿਸਟਮੈਟਿਕ  ਜ਼ਹਿਰੀਲੇਪਣ, ਗੰਭੀਰ ਸੋਜਸ਼ ਅਤੇ ਥ੍ਰੋਮੋਬੋਸਿਸ ਵਰਗੇ ਮਾੜੇ ਪ੍ਰਭਾਵਾਂ ਦਾ ਕਾਰਨ ਬਣ ਸਕਦੇ ਹਨ

 

ਏਆਰਸੀਆਈ ਟੀਮ ਨੇ ਨਵੇਂ ਐੱਫ਼ਈ - ਐੱਮਐੱਨ, ਅਧਾਰਿਤ ਬਾਇਓਡੀਗ੍ਰੇਡੇਬਲ ਮਿਸ਼ਰਣ ਅਤੇ ਸਟੈਂਟ ਦੇ ਮਾਪ ਦੇ ਡਾਇਆਮੀਟਰ ਵਿੱਚ ਵਿਸਤਾਰ: 2 ਮਿਲੀਮੀਟਰ, ਲੰਬਾਈ: 12 ਮਿਲੀਮੀਟਰ ਅਤੇ ਕੰਧ ਦੀ ਮੋਟਾਈ: 175 µm ਦੇ ਨਿਰਮਾਣ ਵਿੱਚ ਦੋਵੇਂ ਰਵਾਇਤੀ ਪਿਘਲਣ ਅਤੇ ਪਾਊਡਰ ਮੈਟਲਰਜੀ ਤਕਨੀਕਾਂ ਦੀ ਵਰਤੋਂ ਕੀਤੀ ਹੈ

 

ਆਇਰਨ-ਮੈਂਗਨੀਜ਼ ਅਧਾਰਿਤ ਮਿਸ਼ਰਣ ਐੱਫ਼ਈ - ਐੱਮਐੱਨ (ਜਿਸ ਵਿੱਚ ਭਾਰ ਦੇ ਅਨੁਸਾਰ 29 ਫ਼ੀਸਦੀ ਤੋਂ ਵੱਧ ਐੱਮਐੱਨ ਦੀ ਰਚਨਾ ਹੈ) ਇੱਕ ਵਾਅਦਾ ਕਰਨ ਵਾਲਾ ਬਾਇਓਡੀਗ੍ਰੇਡੇਬਲ ਮੈਟਲਿਕ ਇੰਪਲਾਂਟ ਹੈ ਜੋ ਐੱਮਆਰਆਈ ਅਨੁਕੂਲਤਾ ਦੇ ਨਾਲ ਸਿੰਗਲ ਅਸਟੈਨਟਿਕ ਪੜਾਅ (ਲੋਹੇ ਦਾ ਗ਼ੈਰ-ਚੁੰਬਕੀ ਰੂਪ) ਪ੍ਰਦਰਸ਼ਿਤ ਕਰਦਾ ਹੈ

 

ਏਆਰਸੀਆਈ ਵਿਖੇ ਤਿਆਰ ਐੱਫ਼ਈ - ਐੱਮਐੱਨ ਮਿਸ਼ਰਣ ਨੇ ਪ੍ਰਭਾਵਸ਼ਾਲੀ ਮਕੈਨੀਕਲ ਵਿਸ਼ੇਸ਼ਤਾਵਾਂ ਦੇ ਨਾਲ 99% ਘਣਤਾ ਪ੍ਰਦਰਸ਼ਿਤ ਕੀਤੀ ਅਤੇ 20 ਟੈਸਲਾ ਦੇ ਇੱਕ ਮਜ਼ਬੂਤ ਚੁੰਬਕੀ ਖੇਤਰ ਵਿੱਚ ਵੀ ਇੱਕ ਗ਼ੈਰ-ਚੁੰਬਕੀ ਸਮੱਗਰੀ ਵਜੋਂ ਵਿਵਹਾਰ ਕੀਤਾ ਇਨ੍ਹਾਂ ਵਿਸ਼ੇਸ਼ਤਾਵਾਂ ਦੀ ਮੌਜੂਦਾ ਸਮੇਂ ਵਿੱਚ ਵਰਤੇ ਜਾਣ ਵਾਲੇ ਸਥਾਈ ਟਾਈਟੇਨੀਅਮ (ਟੀਆਈ) ਅਤੇ ਸਟੇਨਲੈੱਸ ਸਟੀਲ ਧਾਤੂ ਇੰਪਲਾਂਟ ਦੇ ਨਾਲ ਤੁਲਨਾ ਕੀਤੀ ਜਾ ਸਕਦੀ ਹੈ ਮਿਸ਼ਰਤ ਨੇ ਸਿਮੂਲੇਟ ਕੀਤੇ ਸਰੀਰ ਦੇ ਤਰਲ ਪਦਾਰਥ ਵਿੱਚ ਪ੍ਰਤੀ ਸਾਲ 0.14-0.026 ਮਿਲੀਮੀਟਰ ਦੀ ਸੀਮਾ ਵਿੱਚ ਇੱਕ ਖੁਰਨ ਦੀ ਦਰ ਵੀ ਦਿਖਾਈ, ਜਿਸ ਦਾ ਮਤਲਬ ਹੈ ਕਿ ਐੱਫ਼ਈ - ਐੱਮਐੱਨ ਮਿਸ਼ਰਣ 3-6 ਮਹੀਨਿਆਂ ਲਈ ਮਕੈਨੀਕਲ ਅਖੰਡਤਾ ਪ੍ਰਦਰਸ਼ਿਤ ਕਰਦਾ ਹੈ ਅਤੇ 12-24 ਮਹੀਨਿਆਂ ਵਿੱਚ ਸਰੀਰ ਵਿੱਚੋਂ ਪੂਰੀ ਤਰ੍ਹਾਂ ਅਲੋਪ ਹੋ ਜਾਂਦਾ ਹੈ

 

ਡੀਗ੍ਰੇਡੇਸ਼ਨ ਦੀ ਪ੍ਰਕਿਰਿਆ ਦੇ ਦੌਰਾਨ, ਸਥਾਨਕ ਅਲਕਾਲੀਜ਼ੇਸ਼ਨ ਅਤੇ ਕੈਲਸ਼ੀਅਮ ਅਤੇ ਫਾਸਫੇਟ ਦੀ ਸੰਤ੍ਰਿਪਤਾ ਦੇ ਕਾਰਨ ਪਲਾਂਟ ਤੇ ਕੈਲਸ਼ੀਅਮ ਫਾਸਫੇਟ ਜਮ੍ਹਾਂ ਹੋ ਜਾਂਦਾ ਹੈ, ਜੋ ਸੈੱਲਾਂ ਨੂੰ ਸਤਹ ਤੇ ਟਿਸ਼ੂ ਬਣਨ ਦੀ ਆਗਿਆ ਦਿੰਦਾ ਹੈ

 

ਟੀਮ ਮਿਸ਼ਰਣ ਐਡੀਸ਼ਨ ਅਤੇ ਸਤਹ ਇੰਜੀਨੀਅਰਿੰਗ ਦੇ ਜ਼ਰੀਏ ਟੀਮ ਖੁਰਨ ਦੀਆਂ ਦਰਾਂ ਤੇ ਕਾਬੂ ਪਾਉਣ ਲਈ ਹੋਰ ਯਤਨ ਕਰ ਰਹੀ ਹੈ ਇਸਤੋਂ ਇਲਾਵਾ ਟੀਮ ਗੁੰਝਲਦਾਰ ਆਕਾਰਾਂ ਨੂੰ ਬਣਾਉਣ ਲਈ ਐਡਿਟਿਵ ਮੈਨੂਫੈਕਚਰਿੰਗ ਜਿਹੀਆਂ ਅਡਵਾਂਸਡ ਮੈਨੂਫੈਕਚਰਿੰਗ ਪ੍ਰਕਿਰਿਆਵਾਂ ਨੂੰ ਵਰਤਣ ਲਈ ਹੋਰ ਯਤਨ ਕਰ ਰਹੀ ਹੈ

 

ਪ੍ਰਭਾਵਸ਼ਾਲੀ ਨਤੀਜਿਆਂ ਦੇ ਅਧਾਰ ਤੇ, ਏਆਰਸੀਆਈ ਟੀਮ ਨੂੰ ਨਿਸ਼ਚਾ ਹੈ ਕਿ ਨਵੇਂ ਵਿਕਸਿਤ ਐੱਫ਼ਈ - ਐੱਮਐੱਨ ਅਧਾਰਿਤ ਮਿਸ਼ਰਣ ਬਾਇਓਡੀਗ੍ਰੇਡੇਬਲ ਸਟੈਂਟ ਅਤੇ ਆਰਥੋਪੈਡਿਕ ਇੰਪਲਾਂਟ ਕਾਰਜਾਂ ਲਈ ਢੁਕਵੇਂ ਹਨ ਟੀਮ ਦੁਆਰਾ ਸ੍ਰੀ ਚਿਤ੍ਰਾ ਤਿਰੂਨਲ ਇੰਸਟੀਟਿਊਟ ਆਵ੍ ਮੈਡੀਕਲ ਸਾਇੰਸਿਜ਼ ਵਿੱਚ ਇਨਵੀਵੋ ਅਤੇ ਇਨ-ਵਿਟਰੋ ਅਧਿਐਨ ਦੀ ਯੋਜਨਾ ਬਣਾਈ ਜਾ ਰਹੀ ਹੈ

 

ਵਧੇਰੇ ਜਾਣਕਾਰੀ ਲਈ ਡਾ: ਕਲਿਆਣ ਹੈਂਬਰਮ (kaliyan@arci.res.in ) ਨਾਲ ਸੰਪਰਕ ਕਰੋ

https://ci3.googleusercontent.com/proxy/YLNHD4gJsS15YbJRpuybohVwfEfwzTSWLBwnIxPPrf7TIUjbNH47Bs8woMUnrFyABwIlYelCJYCTdqI2y8_0yrPR9sWM5lbYQrzw3UuxJwz39KpiOH6x=s0-d-e1-ft#https://static.pib.gov.in/WriteReadData/userfiles/image/image0018WWJ.gif

ਚਿੱਤਰ 1: (ਏ) ਜਿਵੇਂ ਕਿ ਐੱਫ਼ਈ - ਐੱਮਐੱਨ ਐੱਸਆਈ ਮਿਸ਼ਰਣ ਬਿਲਟ, (ਬੀ) ਕੱਢੀਆਂ ਅਤੇ ਗਰਮੀ ਨਾਲ ਇਲਾਜ ਵਾਲੀਆਂ ਸਲਾਖਾਂ, (ਸੀ) ਲੇਜ਼ਰ ਮਾਈਕਰੋ-ਮਸ਼ੀਨਿੰਗ ਦੁਆਰਾ ਬਣਾਇਆ ਗਿਆ ਸਟੈਂਟ, (ਡੀ) ਮਿਸ਼ਰਣ ਦੇ ਸਟ੍ਰੈੱਸ ਸਟ੍ਰੇਨ ਦਾ ਵਕਰ, (ਈ) ਅਤੇ (ਐੱਫ਼) ਟਿਊਬ ਅਤੇ ਸਟੈਂਟ ਦੇ ਐੱਸਈਐੱਮ ਚਿੱਤਰ

 

****

ਕੇਜੀਐੱਸ / ਡੀਐੱਸਟੀ / (ਡੀਐੱਸਟੀ)



(Release ID: 1624490) Visitor Counter : 10