প্রধানমন্ত্রীগী লোইশঙ

প্রধান মন্ত্রীনা “প্রোজেক্ত অর্থ গঙ্গা” য়েংশিনখ্রে : খল চাদবশিং চুমথোকপা; মীয়াম শম্নহনবা

Posted On: 15 MAY 2020 8:00PM by PIB Imphal

প্রধান মন্ত্রী শ্রী নরেন্দ্র মোদীনা ঙসি “প্রোজেক্ত অর্থ গঙ্গা” হৌদোক্নবগীদমক মিৎচাননা য়েংলিবা থৌরাংশিং য়েংশিনখ্রে।

প্রধান মন্ত্রী শ্রী নরেন্দ্র মোদীনা ২০১৯গী দিসেম্বর ১৪দা কানপুরদা নেস্নেল গঙ্গা কাউন্সিলগী অহানবা মীফম মনুংদা গঙ্গা তুরেল তোর্বান্দা ইকোনোমিক এক্তিবিতী হেঙ্গৎহন্নবা ‘অর্থ গঙ্গা’গী ৱাখল্লোন পুথোকখি।

জল মার্গ বিকাস প্রোজেক্ত (জে.এম.ভি.পি.)গী পান্দমদি গঙ্গা তুরেলবু জহাজ চৎনবগী সেফ মোদ অমগুম দিবেলপ তৌবনি অমদি ৱার্ল্দ বেঙ্ককী তেক্নিকেল অমসুং শেলগী তেংবাংগা লোয়ননা হৌদোক্লি।

‘প্রোজেক্ত অর্থ গঙ্গা’না গঙ্গা তুরেল অমসুং অকোয়বদা ইকোনোমিক এক্তিবিতীশিংদা মিৎয়েং থম্বগা লোয়ননা লোকেল কম্যুনিতী য়াওহন্দুনা জে.এম.ভি.পি.বু রি-ইঞ্জিনীয়র তৌনবা মিৎয়েং চানা য়েংলি।

উত্তর প্রদেশ, বিহার, ঝার্খন্দ অমসুং নোংচুপ বঙ্গালদা তুরেলগী তোর্বান্দা ইকোনোমিক এক্তিবিতী হেঙ্গৎহন্নবগীদমক ‘প্রোজেক্ত অর্থ গঙ্গা’গী শরুক ওইনা কম্যুনিতীগী থাক্তা ইকোনোমিক এক্তিবিতীশিং ইনোৎ পীনবা গঙ্গাদা অপিকপা হিথাংফম শেমগৎকনি। গঙ্গানা ফাওদুনা চৎলিবা রাজ্য মরিদা গঙ্গা তুরেদা অতাওবা হিথাংফম ৪০ অমসুং রো-রো তর্মিনেল পুংবা ১০ থৌরাং তৌরি, মদুনা লৌমীশিংগীদমক লোকেল পোত্থোকশিং পুথোক-পুশিন তৌবগী মমল হন্থহল্লগনি।

‘অর্থ গঙ্গা’ প্রোজেক্তনা ললোন-ইতিক অমদি কৈথেল ফাওবা য়ৌহনবা, লোকেল কম্যুনিতীগী শেনমিৎলোন হেঙ্গৎহনবা অমসুং পেসেঞ্জরশিংবু খুদোং চাহনবগী মথক্তা য়াম্না চাউনা স্কিল হেঙ্গৎনবা অমসুং পব্লিক/প্রাইবেৎ সেক্তর কেপেবিলিতী দিবেলপমেন্তসু পীরি। ‘প্রোজেক্ত অর্থ গঙ্গা’না মথংগী চহি ৫দা লুপা করোর ১০০০ হেনবগী শেনমিৎলোনগী কানবা ফংহন্নবা গঙ্গা বেসিনদা ইকোনোমিক দিবেলপমেন্ত কেতালাইজ তৌগনি।  

মীফম অদুদা শিপ্পিং মন্ত্রালয়গী রাজ্য মন্ত্রী (ইন্দিপেন্দেন্ত চার্জ) শ্রী মানসুখ এল. মান্দাবিয়াসু শরুক য়াখি।

‘অর্থ গঙ্গা’গী মাস্তর প্লান

 

https://static.pib.gov.in/WriteReadData/userfiles/image/picPS0I.png

****

 



(Release ID: 1624835) Visitor Counter : 132